ഇ.പി.എഫ്.ഒ തൊഴിൽബന്ധിത പ്രോത്സാഹന പദ്ധതി ആഗസ്റ്റ് മുതൽ

പാ​ല​ക്കാ​ട്: കേ​ന്ദ്ര​മ​ന്ത്രി​സ​ഭ അം​ഗീ​കാ​രം ന​ൽ​കി​യ ഇ.​പി.​എ​ഫ്.​ഒ തൊ​ഴി​ൽ​ബ​ന്ധി​ത പ്രോ​ത്സാ​ഹ​ന (ഇ.​എ​ൽ.​ഐ) പ​ദ്ധ​തി ആ​ഗ​സ്റ്റ് ഒ​ന്നു മു​ത​ൽ ന​ട​പ്പാ​വും. ഇ.​എ​ൽ.​ഐ പ​ദ്ധ​തി ആ​നു​കൂ​ല്യ​ങ്ങ​ൾ 2025 ആ​ഗ​സ്റ്റ് ഒ​ന്നി​നും 2027 ജൂ​ലൈ 31നും ​ഇ​ട​യി​ൽ സൃ​ഷ്ടി​ക്ക​പ്പെ​ടു​ന്ന ജോ​ലി​ക​ൾ​ക്കാ​ണ് ബാ​ധ​ക​മാ​കു​ക.

എ​ല്ലാ മേ​ഖ​ല​ക​ളി​ലും തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ക​യും തൊ​ഴി​ല​വ​സ​ര​ക്ഷ​മ​ത​യും സാ​മൂ​ഹി​ക​സു​ര​ക്ഷ​യും വ​ർ​ധി​പ്പി​ക്കു​ക​യും ല​ക്ഷ്യ​മി​ട്ടാ​ണ് പ​ദ്ധ​തി. ഉ​ൽ​പാ​ദ​ന​മേ​ഖ​ല​യി​ൽ പ്ര​ത്യേ​ക ശ്ര​ദ്ധ​കേ​ന്ദ്രീ​ക​രി​ക്കും.

ആ​ദ്യ​മാ​യി ജോ​ലി​യി​ൽ പ്ര​വേ​ശി​ക്കു​ന്ന​വ​ർ​ക്ക് ഒ​രു മാ​സ​ത്തെ വേ​ത​നം 15,000 രൂ​പ വ​രെ ല​ഭി​ക്കും. പു​തി​യ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കാ​ൻ തൊ​ഴി​ലു​ട​മ​ക​ൾ​ക്ക് ഒ​രു​വ​ർ​ഷം മു​ത​ൽ ര​ണ്ടു​വ​ർ​ഷം വ​രെ പ്രോ​ത്സാ​ഹ​നം ന​ൽ​കും. കൂ​ടാ​തെ, നി​ർ​മാ​ണ​മേ​ഖ​ല​ക്ക് ര​ണ്ടു വ​ർ​ഷ​ത്തേ​ക്കു​കൂ​ടി ആ​നു​കൂ​ല്യ​ങ്ങ​ൾ ന​ൽ​കും. പ​ദ്ധ​തി​യി​ൽ ര​ണ്ടു ഭാ​ഗ​ങ്ങ​ളി​ൽ ഭാ​ഗം എ ​ആ​ദ്യ​മാ​യി ജോ​ലി ചെ​യ്യു​ന്ന​വ​രെ കേ​ന്ദ്രീ​ക​രി​ച്ചു​ള്ള​താ​ണ്. ഭാ​ഗം ബി ​തൊ​ഴി​ലു​ട​മ​ക​ളെ കേ​ന്ദ്രീ​ക​രി​ച്ചും.

ഇ.​പി.​എ​ഫ്.​ഒ​യി​ൽ ആ​ദ്യ​മാ​യി ര​ജി​സ്റ്റ​ർ ചെ​യ്യു​ന്ന തൊ​ഴി​ലാ​ളി​ക​ൾ​ക്ക് 15,000 രൂ​പ വ​രെ ര​ണ്ടു ഗ​ഡു​ക്ക​ളാ​യി വേ​ത​ന പ്രോ​ത്സാ​ഹ​നം ല​ഭി​ക്കും. ആ​റു മാ​സ​വും 12 മാ​സ​വും സേ​വ​നം പൂ​ർ​ത്തി​യാ​ക്കു​ക​യും സാ​മ്പ​ത്തി​ക സാ​ക്ഷ​ര​ത പ​രി​പാ​ടി​യി​ൽ പ​ങ്കെ​ടു​ക്കു​ക​യും ചെ​യ്യു​ന്ന​വ​ർ​ക്കാ​ണ് ഈ ​സ​ഹാ​യം ല​ഭി​ക്കു​ക.

ഒ​രു ല​ക്ഷം രൂ​പ​വ​രെ ശ​മ്പ​ള​മു​ള്ള പു​തി​യ ജീ​വ​ന​ക്കാ​രെ നി​യ​മി​ക്കു​ന്ന തൊ​ഴി​ലു​ട​മ​ക​ൾ​ക്ക് ര​ണ്ടു വ​ർ​ഷ​ത്തേ​ക്ക് പ്ര​തി​മാ​സം 3000 രൂ​പ വ​രെ സ​ഹാ​യം ല​ഭി​ക്കും.

ആ​ദ്യ​മാ​യി ജോ​ലി​യി​ൽ പ്ര​വേ​ശി​ക്കു​ന്ന​വ​ർ​ക്ക് ആ​ധാ​ർ അ​ധി​ഷ്‌​ഠി​ത പ​ണ​മി​ട​പാ​ട്‌ സം​വി​ധാ​നം വ​ഴി​യും തൊ​ഴി​ലു​ട​മ​ക​ൾ​ക്ക് അ​വ​രു​ടെ പാ​നു​മാ​യി ബ​ന്ധി​പ്പി​ച്ച അ​ക്കൗ​ണ്ടു​ക​ളി​ലേ​ക്കു​മാ​ണ് ആ​നു​കൂ​ല്യം കൈ​മാ​റു​ക.