അ​വ​ർ ആ​ക്രി പെ​റു​ക്കി മ​ക​ളെ പ​ഠി​പ്പി​ച്ചു; ഇ​ന്ന​വ​ൾ ഡോ​ക്ട​റാ​യി

ചെ​റു​വ​ത്തൂ​ർ: വീ​ടു​വീ​ടാ​ന്ത​രം ക​യ​റി ആ​ക്രി പെ​റു​ക്കി​ക്കൊ​ണ്ട് ജീ​വി​തം തു​ന്നി​ക്കൂ​ട്ടി​യ അ​ച്ഛ​നും അ​മ്മ​ക്കും ഇ​ത് അ​ഭി​മാ​ന നി​മി​ഷം. മ​ക​ൾ അ​ഞ്ജ​ലി ക​ഴു​ത്തി​ൽ സ്റ്റെ​ത​സ്കോ​പ്പ​ണി​ഞ്ഞ് ഡോ​ക്ട​റാ​യി. പി​ലി​ക്കോ​ട് മ​ടി​വ​യ​ലി​ലെ മു​ത്തു-​മു​ത്തു​മാ​രി ദ​മ്പ​തി​ക​ളു​ടെ ര​ണ്ടാ​മ​ത്തെ മ​ക​ൾ അ​ഞ്ജ​ലി​യാ​ണ് എം.​ബി.​ബി.​എ​സ് പ​ഠ​നം പൂ​ർ​ത്തി​യാ​ക്കി ആ​തു​ര​സേ​വ​ന രം​ഗ​ത്തേ​ക്ക് ഇ​റ​ങ്ങി​യ​ത്.

ചെ​ന്നൈ എം.​ജി.​ആ​ർ യൂ​നി​വേ​ഴ്സി​റ്റി​യു​ടെ കോ​യ​മ്പ​ത്തൂ​ർ കാ​മ്പ​സി​ൽ നി​ന്നു​മാ​ണ് അ​ഞ്ജ​ലി എം.​ബി.​ബി.​എ​സ് ബി​രു​ദം നേ​ടി​യ​ത്. ഇ​തോ​ടെ മ​ടി​വ​യ​ൽ പ്ര​ദേ​ശ​ത്തെ ആ​ദ്യ ഡോ​ക്ട​റെ​ന്ന പ​ദ​വി​യും അ​ഞ്ജ​ലി​ക്ക് സ്വ​ന്ത​മാ​യി. ജീ​വി​ത പ്രാ​രബ്ധ​ങ്ങ​ൾ കൊ​ണ്ട് വ​ർ​ഷ​ങ്ങ​ൾ​ക്ക് മു​മ്പ് ത​ന്നെ ത​മി​ഴ് നാ​ട്ടി​ൽ​നി​ന്ന്​ എ​ത്തി ചെ​റു​വ​ത്തൂ​ർ റെ​യി​ൽ​വെ സ്റ്റേ​ഷ​ന് സ​മീ​പം മ​ടി​വ​യ​ലി​ൽ താ​മ​സ​മാ​ക്കി​യ ദ​മ്പ​തി​ക​ളാ​ണ് മു​ത്തു​വും മു​ത്തു​മാ​രി​യും.

ആ​ക്രി സാ​ധ​ന​ങ്ങ​ൾ ശേ​ഖ​രി​ച്ച് വി​ൽ​പ​ന ന​ട​ത്തി ജീ​വി​ത​ത്തോ​ട് പോ​രാ​ടി​യ​പ്പോഴും മ​ക്ക​ൾ​ക്ക് മി​ക​ച്ച വി​ദ്യാ​ഭ്യാ​സം ന​ൽ​കാ​ൻ ഈ ​ര​ക്ഷി​താ​ക്ക​ൾ ശ്ര​മി​ച്ചു. പൊ​തു വി​ദ്യാ​ല​യ​ത്തി​ൽ പ​ഠി​പ്പി​ച്ചാ​ണ് ത​ങ്ങ​ളു​ടെ മൂ​ന്ന് മ​ക്ക​ളെ​യും ഉ​ന്ന​ത നി​ല​യി​ലേ​ക്ക് എ​ത്തി​ച്ച​ത്.

മ​ക്ക​ൾ​ക്കാ​യി ജീ​വി​ച്ച ര​ക്ഷി​താ​ക്ക​ളു​ടെ സ്വ​പ്ന​മാ​ണ് അ​ഞ്ജ​ലി സ​ഫ​ല​മാ​ക്കി​യ​ത്. നാ​ട്ടി​ലെ പാ​വ​പ്പെ​ട്ട രോ​ഗി​ക​ൾ​ക്ക് സ്നേ​നേ​ഹം പ​ക​രാ​ൻ മ​ക​ൾ ഉ​ണ്ടാ​വു​മെ​ന്ന് മു​ത്തു പ​റ​ഞ്ഞു. മൂ​ത്ത​മ​ക​ൾ രേ​വ​തി പോ​സ്റ്റ്ൽ ഡി​പ്പാ​ർ​ട്മെ​ന്റി​ൽ ജോ​ലി ചെ​യ്ത് വ​രി​ക​യാ​ണ്. ഇ​ള​യ മ​ക​ൾ സൂ​ര്യ കു​മാ​ർ ഡി​പ്ലോ​മ പ​ഠ​നം പൂ​ർ​ത്തീ​ക​രി​ച്ചു.