ബി.എസ്.എഫിൽ കോൺസ്റ്റബിൾ; 3588 ഒ​ഴി​വു​ക​ൾ

കേന്ദ്ര ആഭ്യന്തര മന്ത്രാലയത്തിൻകീഴിലുള്ള അതിർത്തി രക്ഷാസേനയിലേക്ക് (ബി.എസ്.എഫ്) കോൺസ്റ്റബിൾ (ട്രേഡ്സ്മാൻ)മാരെ റിക്രൂട്ട് ചെയ്യുന്നു. ആകെ 3588 ഒഴിവുകളാണുള്ളത്. (പുരുഷന്മാർക്ക് 3406, വനിതകൾക്ക് 182ഒഴിവുകളിൽ നിയമനം ലഭിക്കും. ശമ്പളനിരക്ക് 21,700-69,100 രൂപ. വിവിധ ട്രേഡുകളിൽ ലഭ്യമായ ഒഴിവുകൾ ചുവടെ:

കോൺസ്റ്റബിൾ (പുരുഷന്മാർ): കോബ്ലർ-65, ടെയ് ലർ-18, കാർപന്റർ-38, പ്ലംബർ-10, പെയിന്റർ-5, ഇലക്ട്രീഷ്യൻ-4, കുക്ക്-1462, വാട്ടർകാരിയർ-699, വാഷർമാൻ-320, ബാർബർ-115, സ്വീപ്പർ-652, വെയിറ്റർ-13, പമ്പ് ഓപറേറ്റർ-1, അപ്ഹോൾസ്റ്റർ-1, ഖോജി-3.

കോൺസ്റ്റബിൾ (വനിതകൾ): കോബ്ലർ-2, കാർപന്റർ-1, ടൈലർ-1, കുക്ക്-82, വാട്ടർകാരിയർ-38, വാഷർമാൻ-17, ബാബർ-6, സ്വീപ്പർ-35.

യോഗ്യത: കോൺസ്റ്റബിൾ-കാർപ്പന്റർ, പ്ലംബർ, പെയിന്റർ, ഇലക്ട്രീഷ്യൻ, പമ്പ് ഓപറേറ്റർ, അപ്ഹോൾസ്റ്റർ ട്രേഡുകൾക്ക് മെട്രിക്കുലേഷൻ/എസ്.എസ്.എൽ.സി/തത്തുല്യം. ബന്ധപ്പെട്ട ട്രേഡിൽ രണ്ടുവർഷത്തെ ഐ.ടി.ഐ സർട്ടിഫിക്കറ്റും അല്ലെങ്കിൽ ഒരു വർഷത്തെ ട്രേഡ് സർട്ടിഫിക്കറ്റും ഒരുവർഷത്തിൽ കുറയാതെ പ്രവൃത്തിപരിചയവും.

കോൺസ്റ്റബിൾ-കോബ്ലർ, ടെയ് ലർ, വാഷർമാൻ, ബാർബർ, സ്വീപർ, ഖോജി/റൈഡ്സ് (കുതിരസവാരി) ട്രേഡുകൾക്ക് മെട്രിക്കുഷേൻ/എസ്.എസ്.എൽ.സി/തത്തുല്യയോഗ്യതയും ബന്ധ​പ്പെട്ട ട്രേഡിൽ പ്രാവീണ്യവും (ട്രേഡ് ടെസ്റ്റിൽ യോഗ്യത നേടണം).

കോൺസ്റ്റബിൾ- കുക്ക്, വാട്ടർകാരിയർ, വെയിറ്റർ ട്രേഡുകൾക്ക് മെട്രിക്കുലേഷൻ/എസ്.എസ്.എൽ.സി/തത്തുല്യയോഗ്യതയും ഫുഡ് പ്രൊഡക്ഷൻ/കിച്ചണിൽ നാഷനൽ സ്കിൽ ഡെവലപ്മെന്റ് കോർപറേഷൻ അംഗീകരിച്ച (എൻ.എസ്.ക്യൂ.എഫ് ലെവൽ-1) കോഴ്സ് സർട്ടിഫിക്കറ്റും.

പ്രായപരിധി 18-25 വയസ്സ്. നിയമാനുസൃത വയസ്സിളവുണ്ട്. ശാരീരിക യോഗ്യതകൾ- പുരുഷന്മാർക്ക് ഉയരം 165 സെ. മീറ്റർ, നെഞ്ചളവ് 75-80 സെ.മീറ്റർ. വനിതകൾക്ക് ഉയരം 155 സെ.മീറ്റർ മതി. നെഞ്ചളവ് ബാധകമല്ല. ചില വിഭാഗക്കാർക്ക് ശാരീരിക യോഗ്യതകളിൽ ഇളവ് അനുവദിച്ചിട്ടുണ്ട്. വിശദവിവരങ്ങളടങ്ങിയ റിക്രൂട്ട്മെന്റ് വിജ്ഞാപനം https://rectt.bsf.gov.in.ൽ ലഭ്യമാണ്.

കേരളം, തമിഴ്നാട്, കർണാടക, പുതുച്ചേരി, ലക്ഷദ്വീപ് നിവാസികൾ ബംഗളൂരു ബി.എസ്.എഫ് ഹെഡ്ക്വാർട്ടേഴ്സിന്റെ പരിധിയിലുള്ള യെലഹങ്കയിലെ റിക്രൂട്ടിങ് സെന്ററിലാണ് സെലക്ഷൻ ടെസ്റ്റുകൾക്കായി സമീപിക്കേണ്ടത്.

ഉദ്യോഗാർഥികൾ അവരവരുടെ സംസ്ഥാനത്ത് ലഭ്യമായ ഒഴിവുകളിലേക്ക് മാത്രം അപേക്ഷിച്ചാൽ മതി. അർഹതയുള്ള ഒരു തസ്തിക/ട്രേഡിലേക്ക് മാത്രമേ പരിഗണിക്കുകയുള്ളൂ.

പരീക്ഷാഫീസ്: ജനറൽ/ഇ.ഡബ്ല്യു.എസ്/ഒ.ബി.സി നോൺക്രീമിലെയർ വിഭാഗങ്ങളിൽപെടുന്നവർ 100 രൂപ പരീക്ഷ ഫീസായും 50 രൂപ+18 ശതമാനം ജി.എസ്.ടിയും സർവിസ് ചാർജായും നൽകുന്നു. വനിതകൾക്കും എസ്.സി/എസ്.ടി/വിമുക്തഭടന്മാർ, ബി.എസ്.എഫ് ജീവനക്കാർ എന്നീ വിഭാഗങ്ങളിൽപെടുന്നവർ പരീക്ഷഫീസ് നൽകേണ്ടതില്ല.