വി​ദ്യാ​ർ​ഥി​ക​ൾ നെ​ഞ്ചേ​റ്റി മാ​ധ്യ​മം എ​ജു​ക​ഫേ

കോ​ഴി​ക്കോ​ട്: മി​ക​വു​റ്റ സാ​ധ്യ​ത​ക​ൾ ക​ണ്ടെ​ത്താ​ൻ നാ​നാ​ഭാ​ഗ​ങ്ങ​ളി​ൽ​നി​ന്ന് വി​ദ്യാ​ർ​ഥി​ക​ളും ര​ക്ഷി​താ​ക്ക​ളും അ​ധ്യാ​പ​ക​രും ഒ​ഴു​കി​യെ​ത്തി​യ​പ്പോ​ൾ ജ​ന​സാ​ഗ​ര​മാ​യി മാ​ധ്യ​മം എ​ജു​ക​ഫേ. സ​രോ​വ​ര​ത്തി​ന​ടു​ത്ത് കാ​ലി​ക്ക​റ്റ് ട്രേ​ഡ്സെ​ന്‍റ​റി​ൽ ര​ണ്ടു​ദി​വ​സം നീ​ളു​ന്ന എ​ജു-​ക​രി​യ​ർ എ​ക്സ്പോ തി​ങ്ക​ളാ​ഴ്ച രാ​വി​ലെ തു​ട​ക്കം​കു​റി​ച്ച​പ്പോ​ൾ ആ​യി​ര​ങ്ങ​ളാ​ണ് സം​ശ​യ​നി​വാ​ര​ണ​ത്തി​നാ​യി എ​ത്തി​യ​ത്.

എ​ജു​ക​ഫേ​യു​ടെ 11ാമ​ത് എ​ഡി​ഷ​ന്‍റെ ആ​ദ്യ എ​ക്സ്പോ ആ​ണ് ചൊ​വ്വാ​ഴ്ച കോ​ഴി​ക്കോ​ട്ട് ആ​രം​ഭി​ച്ച​ത്. വ​ർ​ഷ​ങ്ങ​ളാ​യി തു​ട​ർ​ന്നു​കൊ​ണ്ടി​രു​ക്കു​ന്ന മാ​ധ്യ​മം എ​ജു​ക​ഫെ​യെ വി​ദ്യാ​ർ​ഥി സ​മൂ​ഹം നെ​ഞ്ചേ​റ്റി​യ​തി​ന്‍റെ നേ​ർ​സാ​ക്ഷ്യം കൂ​ടി​യാ​യി​രു​ന്നു വേ​ദി​ക്ക് മു​ന്നി​ലെ തി​ങ്ങി​നി​റ​ഞ്ഞ സ​ദ​സ്സും സ്റ്റാ​ളു​ക​ളും.

രാ​വി​ലെ എ​ട്ടു​മു​ത​ൽ ത​ന്നെ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും എ​ത്തി​ത്തു​ട​ങ്ങി​യി​രു​ന്നു. എ​സ്.​എ​സ്.​എ​ൽ.​സി, പ്ല​സ് ടു ​കോ​ഴ്സു​ക​ൾ ക​ഴി​ഞ്ഞ വി​ദ്യാ​ർ​ഥി​ക​ൾ​ക്ക് ഉ​ന്ന​ത വി​ദ്യാ​ഭ്യാ​സ​ത്തി​നും മി​ക​ച്ച ക​രി​യ​ർ ക​ണ്ടെ​ത്തു​ന്ന​തി​ലു​മു​ള്ള ആ​ശ​ങ്ക​ക​ൾ പൂ​ർ​ണ​മാ​യും ദൂ​രീ​ക​രി​ക്കു​ന്ന ത​ര​ത്തി​ലാ​ണ് മേ​ള രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്.

രാ​വി​ലെ 10ന് ​സ്റ്റാ​ൾ ഉ​ദ്ഘാ​ട​നം ചെ​യ്യു​മ്പോ​ഴേ​ക്കും വി​ദ്യാ​ർ​ഥി​ക​ളു​ടെ നീ​ണ്ട​നി​ര ദൃ​ശ്യ​മാ​യി​രു​ന്നു. കോ​ഴി​ക്കോ​ടി​ന് പു​റ​മേ വ​യ​നാ​ട്, ക​ണ്ണൂ​ർ, മ​ല​പ്പു​റം ജി​ല്ല​ക​ളി​ൽ​നി​ന്നും വി​ദ്യാ​ർ​ഥി​ക​ൾ എ​ത്തി​യി​രു​ന്നു.

ടോ​പ്പാ​യി ‘ടോ​പ്പേ​ഴ്സ് ടോ​ക്ക’​ർ​മാ​ർ

കോ​ഴി​ക്കോ​ട്: ടോ​ക്കും ടോ​പ്പാ​ക്കി ടോ​പ്പേ​ഴ്സ്. വി​വി​ധ മേ​ഖ​ല​ക​ളി​ൽ മി​ക​വു ​തെ​ളി​യി​ച്ച​വ​രെ അ​ണി​നി​ര​ത്തി​യ എ​ജു​ക​ഫേ ടോ​പ്പേ​ഴ്സ് ടോ​ക്ക് ഏ​റെ വേ​റി​ട്ട​താ​യി.

‘എ​നി​ക്ക് ആ​യി​രം വൃ​ക്ഷ​ത്തൈ ന​ട​ണ​മെ​ന്നാ​ണ് ആ​ഗ്ര​ഹം, അ​തു ക​ഴി​ഞ്ഞാ​ലും ന​ടും-​സം​സ്ഥാ​ന സ​ർ​ക്കാ​റി​ന്റെ വ​ന​മി​ത്ര അ​വാ​ർ​ഡ് നേ​ടി​യ കു​ഞ്ഞു പ​രി​സ്ഥി​തി പ്ര​വ​ർ​ത്ത​ക ദേ​വി​ക ദീ​പ​ക്കി​ന്റെ വാ​ക്കു​ക​ളും പ​ഠ​ന​ത്തി​ൽ അ​ൽ​പം മോ​ശ​മാ​ണെ​ങ്കി​ലും ശ​രീ​ര​ത്തി​ന്റെ ക​രു​ത്തി​ലും മെ​യ്‍വ​ഴ​ക്ക​ത്തി​ലും രാ​ജ്യ​ത്തി​നു​വേ​ണ്ടി കാ​യി​ക​മേ​ഖ​ല​യി​ൽ ഉ​റ​ച്ചു​നി​ൽ​ക്കു​മെ​ന്ന് പ​റ​ഞ്ഞ ദേ​ശീ​യ ഗെ​യിം​സ് താ​രം പ്ല​സ് വ​ൺ വി​ദ്യാ​ർ​ഥി​നി പാ​ർ​വ​തി ബി. ​നാ​യ​രും ഐ.​എ​സ്.​ആ​ർ.​ഒ​യി​ൽ ശാ​സ്ത്ര​ജ്ഞ​നാ​ക​ണ​മെ​ന്ന​തു​കൊ​ണ്ടു​ത​ന്നെ മെ​ക്കാ​നി​ക്ക​ൽ എ​ൻ​ജി​നീ​യ​റി​ങ്ങി​ന് എ​ൻ.​ഐ.​ടി​യി​ൽ ചേ​ർ​ന്ന സാ​യൂ​ജും വീ​ട്ടി​ൽ അ​ഞ്ചു​പേ​രും ക​ലാ​കാ​ര​ന്മാ​രാ​യി​ട്ടും കോ​വി​ഡ് കാ​ല​ത്ത് റേ​ഷ​ന​രി​കൊ​ണ്ടു മാ​ത്രം ജീ​വി​ക്കേ​ണ്ടി​വ​ന്നി​ട്ടും ക​ല​യെ മ​ന​സ്സി​ൽ ആ​രാ​ധി​ച്ചു​കൊ​ണ്ടു​ന​ട​ക്കു​ന്ന ബി​രു​ദ വി​ദ്യാ​ർ​ഥി സി​ദ്ധേ​ന്ദ്ര ചെ​ക്ക​ലിം​ഗ​വും ജീ​വി​ത​ത്തി​ൽ ക​ൺ​ഫ്യൂ​ഷ​നു​ള്ള​വ​ർ​ക്ക് യ​ഥാ​ർ​ഥ മോ​ട്ടി​വേ​റ്റ​ർ​മാ​രാ​യി.

എ​ജു​ക​ഫേ​യു​ടെ ഭാ​ഗ​മാ​യി ന​ട​ന്ന ടോ​പ്പേ​ഴ്സ് ടോ​ക്കി​ൽ പ​​ങ്കെ​ടു​ത്ത ഏ​ഴു​പേ​രും സം​സ്ഥാ​ന-​ദേ​ശീ​യ​ത​ല​ത്തി​ൽ അ​റി​യ​പ്പെ​ടു​ന്ന​വ​രാ​യി​രു​ന്നു. അ​വ​ർ പ​​ങ്കു​വെ​ച്ച​താ​ക​ട്ടെ പ്ര​തി​സ​ന്ധി​ക​ളി​ലൂ​ടെ​യും പ്രാ​രാ​ബ്ധ​ങ്ങ​ളി​ലൂ​ടെ​യും ന​ട​ന്നു​വ​ന്ന ക​ഥ​ക​ളും ആ​ഗ്ര​ഹ​ങ്ങ​ളും.

സ്‍പേ​സ് ക്ല​ബി​ൽ അം​ഗ​ത്വം നേ​ടി​യ ഏ​റ്റ​വും പ്രാ​യം കു​റ​ഞ്ഞ ദേ​വ​ഗി​രി സി.​എം.​ഐ പ​ബ്ലി​ക് സ്കൂ​ളി​ലെ എ​ട്ടാം ക്ലാ​സ് വി​ദ്യാ​ർ​ഥി ആ​ദി​ദേ​വി​നു പ​റ​യാ​നു​ണ്ടാ​യി​രു​ന്ന​ത് ത​ന്റെ അ​ഭി​രു​ചി​യി​ൽ ന​ന്നേ ചെ​റു​പ്പ​ത്തി​ൽ സാ​റ്റ​ലൈ​റ്റ് മാ​നു​ഫാ​ക്ച​റി​ങ് യൂ​നി​റ്റ് സ​ന്ദ​ർ​ശി​ക്കാ​ൻ അ​വ​സ​രം ല​ഭി​ച്ച​തും ഐ.​എ​സ്.​ആ​ർ.​ഒ ചെ​യ​ർ​മാ​നാ​യി​രു​ന്ന എ.​എ​സ്. കി​ര​ൺ​കു​മാ​റു​മാ​യു​ള്ള അ​ഭി​മു​ഖ​വു​മെ​ല്ലാ​മാ​ണ്.

ര​ണ്ടാം ക്ലാ​സ് മു​ത​ൽ നൃ​ത്തം പ​രി​ശീ​ലി​ച്ച പ്ര​ഫ​ഷ​ന​ൽ ന​ർ​ത്ത​കി​യാ​യ ദേ​വി​ക എ​സ്. നാ​യ​ർ​ക്ക് ദേ​ശീ​യ അം​ഗീ​കാ​ര​ത്തി​ന് പു​റ​മെ ഏ​റ്റ​വും വ​ലി​യ ഭാ​ഗ്യ​മാ​യ​ത് പ്ര​സി​ദ്ധ നൃ​ത്തോ​ത്സ​വ​ത്തി​ൽ അ​മ്മ സു​ക​ന്യ​​ക്കൊ​പ്പം നൃ​ത്ത​മ​വ​ത​രി​പ്പി​ക്കാ​ൻ ക​ഴി​ഞ്ഞ​താ​ണ്. എ​ടു​ത്ത തീ​രു​മാ​ന​ത്തി​ൽ ഉ​റ​ച്ചു​നി​ന്ന​തി​നാ​ൽ മ​നഃ​പ്ര​യാ​സ​മി​ല്ലാ​തെ മെ​ഡി​സി​ൻ പ്ര​വേ​ശ​നം നേ​ടി​യ​തി​ന്റെ ക​ഥ​യാ​ണ് മു​ഹ​മ്മ​ദ് ഷി​ബി​ൻ വെ​ളി​പ്പെ​ടു​ത്തി​യ​ത്.

നൃ​ത്ത പ​രി​ശീ​ല​ന​ത്തോ​ടൊ​പ്പം മ​റ്റൊ​രു സ്ഥി​രം ജോ​ലി​യു​മാ​ണ് ബി.​എ​സ്‍സി ക​മ്പ്യൂ​ട്ട​ർ സ​യ​ൻ​സ് വി​ദ്യാ​ർ​ഥി​യും ബി​സോ​ൺ ക​ലോ​ത്സ​വ​ത്തി​ലെ ക​ലാ​പ്ര​തി​ഭ​യു​മാ​യ സി​ദ്ധേ​ന്ദ്ര ചെ​ക്ക​ലിം​ഗ​ത്തി​ന്റെ ല​ക്ഷ്യം. വൃ​ക്ഷ​ത്തൈ​ക​ൾ ന​ട്ടാ​ലേ പ്രാ​ണ​വാ​യു ല​ഭി​ക്കു​വെ​ന്നും ത​ണ​ൽ​വേ​ണ​മെ​ന്ന​ത് ആ​രും മ​റ​ക്ക​രു​തെ​ന്നും മൂ​ന്നാം ക്ലാ​സു​കാ​രി​യും കു​ട്ടി ക​ർ​ഷ​ക അ​വാ​ർ​ഡ് ജേ​ത്രി​യു​മാ​യ ദേ​വി​ക ദീ​പ​ക് ഓ​ർ​മ​പ്പെ​ടു​ത്തി.

പ​​ങ്കെ​ടു​ത്ത​വ​ർ​ക്ക് ഡി.​ജി.​എം എ​ച്ച്.​ആ​ർ. ഹാ​രി​സ് വ​ള്ളി​ൽ, സീ​നി​യ​ർ എ​ച്ച്.​ആ​ർ. മാ​നേ​ജ​ർ മു​ഹ​മ്മ​ദ് ആ​സി​ഫ് എ​ന്നി​വ​ർ ഉ​പ​ഹാ​രം ന​ൽ​കി.രേ​വ​തി സു​ധ​പ്ര​കാ​ശ് മോ​ഡ​റേ​റ്റ​റാ​യി.

ഗു​ണ​മേ​ന്മ​യു​ള്ള വി​ദ്യാ​ഭ്യാ​സം കാ​ല​ഘ​ട്ട​ത്തി​ന്റെ ആ​വ​ശ്യം -മ​ന്ത്രി എ.​കെ. ശ​ശീ​ന്ദ്ര​ൻ

കോ​ഴി​ക്കോ​ട്: യാ​ന്ത്രി​ക പ​ഠ​ന​ത്തി​നും മാ​ർ​ക്കു​വാ​ങ്ങു​ന്ന​തി​നും പ​ക​രം ഗു​ണ​മേ​ന്മ​യു​ള്ള വി​ദ്യാ​ഭ്യാ​സ​മാ​ണ് കാ​ല​ഘ​ട്ട​ത്തി​ന്റെ ആ​വ​ശ്യ​മെ​ന്ന് വ​നം- വ​ന്യ​ജീ​വി വ​കു​പ്പു മ​ന്ത്രി എ.​കെ. ശ​ശീ​ന്ദ്ര​ൻ പ​റ​ഞ്ഞു.

വി​ദ്യാ​ഭ്യാ​സ​ത്തി​ന്റെ​യും തൊ​ഴി​ലി​ന്റെ​യും മി​ക​ച്ച സാ​ധ്യ​ത​ക​ൾ തേ​ടു​ന്ന​വ​ർ​ക്കാ​യി ‘മാ​ധ്യ​മം’ ര​ണ്ടു​ദി​വ​സ​മാ​യി ന​ട​ത്തു​ന്ന എ​ജു ക​ഫേ ഉ​ദ്ഘാ​ട​നം ചെ​യ്ത് സം​സാ​രി​ക്കു​ക​യാ​യി​രു​ന്നു മ​ന്ത്രി. കാ​ല​ത്തി​ന്റെ ആ​വ​ശ്യ​ക​ത​ക​ളോ​ട് അ​ർ​ഥ​വ​ത്താ​യി സ​മീ​പി​ച്ച ‘മാ​ധ്യ​മം’ വേ​റി​ട്ട പാ​ത​ക​ളി​ലു​ടെ സ​ഞ്ച​രി​ച്ച് പു​തു​വ​ഴി​ക​ളു​മാ​യി മു​ന്നോ​ട്ടു പോ​കു​മ്പോ​ൾ നി​റ​​വേ​റ്റു​ന്ന​ത് മ​റ്റു സാ​മൂ​ഹി​ക പ്ര​തി​ബ​ദ്ധ​ത​ക​ൾ കൂ​ടി​യാ​ണ്.

പു​തു​ത​ല​മു​റ​യെ എ​ങ്ങ​നെ വ​ള​ർ​ത്ത​ണ​മെ​ന്നും സ്വ​ത​സി​ദ്ധ​മാ​യ സ​ർ​ഗ​വാ​സ​ന​യെ ത​ട്ടി​യു​ണ​ർ​ത്തി പു​തു​മ​യാ​ർ​ന്ന വി​ദ്യാ​ഭ്യാ​സം ന​ൽ​കു​ന്ന​തി​നു​മു​ള്ള അ​റി​വാ​ണ് എ​ജു​ക​ഫേ​യി​ലൂ​ടെ ല​ഭി​ക്കു​ന്ന​തെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

സ​മ​ഗ്ര​മാ​യ വ​ള​ർ​ച്ച​ക്കു​ത​കു​ന്ന സാം​സ്കാ​രി​ക​വും സാ​മൂ​ഹി​ക​വു​മാ​യ മാ​റ്റ​ത്തി​ന് പ​ങ്കു​വ​ഹി​ക്കാ​ൻ എ​ജു​ക​​ഫേ ക​രി​യ​ർ എ​ക്സ്​​പോ​ക്ക് ക​ഴി​യു​മെ​ന്ന് അ​ധ്യ​ക്ഷ​ത വ​ഹി​ച്ച ‘മാ​ധ്യ​മം’ ​ജോ​യ​ന്റ് എ​ഡി​റ്റ​ർ പി.​ഐ. നൗ​ഷാ​ദ് പ​റ​ഞ്ഞു. വി​ദ്യാ​ഭ്യാ​സ​വും ജീ​വി​ത​വും വ​ർ​ണാ​ഭ​മാ​ക്കാ​നും സാ​ധ്യ​ത​ക​ൾ ക​ണ്ടെ​ത്താ​നും എ​ജു​ക​​ഫേ​ക്ക് ക​ഴി​യു​ന്നു​വെ​ന്ന് സൈ​ലം ലേ​ണി​ങ് ഡ​യ​റ​ക്ട​ർ ലി​ജീ​ഷ് കു​മാ​ർ പ​റ​ഞ്ഞു. ‘മാ​ധ്യ​മം’ ന്യൂ​സ് എ​ഡി​റ്റ​ർ റ​ഹ്മാ​ൻ എ​ല​ങ്ക​മ​ൽ ഉ​പ​ഹാ​രം ന​ൽ​കി. റീ​ജ​ന​ൽ മാ​നേ​ജ​ർ ടി.​സി. അ​ബ്ദു​ൽ റ​ഷീ​ദ് സ്വാ​ഗ​തം പ​റ​ഞ്ഞു.

നി​ങ്ങ​ളൊ​റ്റ​ക്ക് അ​നു​ഭ​വി​ച്ചു​തീ​ർ​ക്കേ​ണ്ട, ഞ​ങ്ങ​ളു​ണ്ട് കൂ​ടെ

മാ​ന​സി​ക പി​രി​മു​റു​ക്ക​ങ്ങ​ൾ പു​റ​ത്തു പ​റ​യാ​തെ അ​തി​ന്‍റെ ദു​ര​ന്ത​ഫ​ല​ങ്ങ​ൾ ഒ​റ്റ​ക്ക് അ​നു​ഭ​വി​ക്കു​ന്ന​വ​രാ​ണ് മ​ല​യാ​ളി​ക​ളേ​റെ​യും. ഒ​റ്റ​ക്ക് അ​നു​ഭ​വി​ച്ച് തീ​ർ​ക്കു​ന്ന​വ​ർ​ക്ക് സ​മാ​ശ്വാ​സ​ത്തി​ന്‍റെ കൈ​ത്താ​ങ്ങു​മാ​യി എ​ത്തി​യി​രി​ക്കു​ക​യാ​ണ് അ​ശ്വ​തി ശ്രീ​കാ​ന്തും ബി​ക​മി​ങ് വെ​ൽ​ന​സ് ടീ​മും. ലോ​ക​ത്തി​ന്‍റെ ഏ​തു കോ​ണി​ൽ​നി​ന്നും ഒ​രു വി​ളി​യി​ൽ ആ​ർ​ക്കും ബി​ക​മി​ങ് വെ​ൽ​ന​സ് ടീ​മി​ന്‍റെ സ​ഹാ​യം ല​ഭി​ക്കും.

എ​റ​ണാ​കു​ളം ആ​സ്ഥാ​ന​മാ​യി 2023ൽ ​പ്ര​വ​ർ​ത്ത​നം ആ​രം​ഭി​ച്ച ബി​ക​മി​ങ് വെ​ൽ​ന​സ് ഇ​ന്ന് ആ​യി​ര​ക്ക​ണ​ക്കി​ന് പേ​ർ​ക്ക് ആ​ശ്വാ​സം പ​ക​രു​ന്നു. സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ​യോ ഫോ​ണി​ലൂ​ടെ​യോ ബ​ന്ധ​പ്പെ​ടു​ന്ന​വ​രു​ടെ പ്ര​ശ്ന​ങ്ങ​ൾ മ​ന​സ്സി​ലാ​ക്കി അ​വ​ർ​ക്ക് വേ​ണ്ട ക​ൺ​സ​ൾ​ട്ട​ന്‍റി​നെ ബ​ന്ധ​പ്പെ​ടു​ത്തി​ക്കൊ​ടു​ക്കും. പ്ര​വാ​സി​ക​ളാ​യ മ​ല​യാ​ളി സ്ത്രീ​ക​ളും കൗ​മാ​ര​ത്തി​ലും യൗ​വ​ന​ത്തി​ലു​മു​ള്ള പെ​ൺ​കു​ട്ടി​ക​ളു​മാ​ണ് ഏ​റ്റ​വും കൂ​ടു​ത​ൽ മാ​ന​സി​ക പി​രി​മു​റു​ക്ക​ത്തോ​ടെ വി​ളി​ക്കു​ന്ന​തെ​ന്ന് അ​ശ്വ​തി വ്യ​ക്ത​മാ​ക്കി.

ഇ​ന്ന​ത്തെ മാ​താ​പി​താ​ക്ക​ൾ​ക്ക് കു​ട്ടി​ക​ളു​ടെ കൂ​ടെ ചെ​ല​വ​ഴി​ക്കാ​ൻ സ​മ​യം ക​ണ്ടെ​ത്താ​ൻ ക​ഴി​യാ​ത്ത​ത് കു​ട്ടി​ക​ളി​ൽ വ​ലി​യ മാ​ന​സി​ക പ്ര​ശ്ന​ങ്ങ​ൾ ഉ​ണ്ടാ​ക്കു​ന്ന​താ​യി ത​ന്‍റെ അ​നു​ഭ​വ​ങ്ങ​ളി​ലൂ​ടെ അ​ശ്വ​തി വ്യ​ക്ത​മാ​ക്കി. ‘കൗ​മാ​ര​ത്തി​ന്‍റെ മ​ന​സ്സ് തി​രി​ച്ച​റ​യൂ’ എ​ന്ന അ​ശ്വ​തി​യു​ടെ സം​വാ​ദം കു​ട്ടി​ക​ളും ര​ക്ഷി​താ​ക്ക​ളും ത​മ്മി​ലു​ള്ള ത​ല​മു​റ​വ്യ​ത്യാ​സം വ​ര​ച്ചു​കാ​ട്ടു​ന്ന​താ​യി.

മാ​താ​പി​താ​ക്ക​ളെ​ക്കാ​ൾ ആ​ഗോ​ള സ​മൂ​ഹ​വു​മാ​യി ബ​ന്ധം സ്ഥാ​പി​ക്കു​ന്ന​വ​രാ​ണ് ഇ​ന്ന​ത്തെ കു​ട്ടി​ക​ൾ. സ്വാ​ത​ന്ത്ര്യം വേ​ണം എ​ന്ന തോ​ന്ന​ൽ കു​ട്ടി​ക​ളി​ൽ വ​ന്നു​തു​ട​ങ്ങു​ന്ന പ്രാ​യ​മാ​ണ് കൗ​മാ​ര​മെ​ന്നും മാ​താ​പി​താ​ക്ക​ൾ കു​ട്ടി​ക​ളു​ടെ വി​ശ്വാ​സം നേ​ടി​യെ​ടു​ക്ക​ണ​മെ​ന്നും മി​ക​ച്ച അ​വ​താ​ര​ക​യും മോ​ട്ടി​വേ​ഷ​ൻ സ്പീ​ക്ക​റു​മാ​യ അ​ശ്വ​തി പ​റ​ഞ്ഞു. ഫോ​ൺ: 7034316777.

എ.​ഐ പ​ര​തി വി​ദ്യാ​ർ​ഥി​ക​ൾ, ജാ​ല​കം തു​റ​ന്ന് എ​ജു​ക​ഫേ

കോ​ഴി​ക്കോ​ട്​: എ​സ്.​എ​സ്.​എ​ൽ.​സി, പ്ല​സ് ടു ​കേ​ഴ്സു​ക​ൾ ക​ഴി​ഞ്ഞ വി​ദ്യാ​ർ​ഥി​ക​ൾ​ക്കു മു​ന്നി​ൽ തു​ട​ർ​പ​ഠ​ന​ത്തി​നും മി​ക​ച്ച അ​വ​സ​ര​ങ്ങ​ൾ തേ​ടി​പ്പി​ടി​ക്കു​ന്ന​തി​നു​മു​ള്ള അ​ന​ന്ത​സാ​ധ്യ​ത​ക​ളി​ലേ​ക്ക് ജാ​ല​കം തു​റ​ന്ന് ‘മാ​ധ്യ​മം’ എ​ജു ക​ഫേ സ്റ്റാ​ളു​ക​ൾ. സം​സ്ഥാ​ന​ത്തും പു​റ​ത്തും വി​ദേ​ശ​ത്തും ല​ഭ്യ​മാ​കു​ന്ന പ്ര​ഫ​ഷ​ന​ൽ കോ​ഴ്സു​ക​ളെ​ക്കു​റി​ച്ച് വി​ദ്യാ​ർ​ഥി​ക​ൾ​ക്കും ര​ക്ഷി​താ​ക്ക​ൾ​ക്കും നേ​രി​ട്ട് മ​ന​സ്സി​ലാ​ക്കാ​ൻ ഉ​പ​ക​രി​ക്കു​ന്ന​താ​യി​രു​ന്നു സ്റ്റാ​ളു​ക​ൾ. കൂ​ടു​ത​ൽ പേ​ർ​ക്കും അ​റി​യേ​ണ്ട​ത് എ.​ഐ​യെ​ക്കു​റി​ച്ചാ​യി​രു​ന്നു.

വി​ദേ​ശ രാ​ജ്യ​ങ്ങ​ളി​ൽ ജോ​ലി​യോ​ടൊ​പ്പം പ​ഠ​നം ന​ട​ത്തു​ന്ന​തി​നെ​ക്കു​റി​ച്ചും വി​ദ്യാ​ർ​ഥി​ക​ൾ അ​ന്വേ​ഷി​ക്കു​ന്നു​ണ്ടാ​യി​രു​ന്നു. കേ​ര​ള​ത്തി​ന​ക​ത്തും പു​റ​ത്തു​മു​ള്ള മി​ക​ച്ച ഐ.​ടി പ​ഠ​ന-​പ​രി​ശീ​ല​ന കേ​ന്ദ്ര​ങ്ങ​ൾ, വി​ദേ​ശ​ത്ത് ജോ​ലി​യോ​ടൊ​പ്പം പ​ഠ​ന​ത്തി​ന് അ​വ​സ​ര​ങ്ങ​ൾ ക​ണ്ടെ​ത്താ​ൻ വി​ദ്യാ​ർ​ഥി​ക​ളെ സ​ഹാ​യി​ക്കു​ന്ന സ്ഥാ​പ​ന​ങ്ങ​ൾ, വി​ദേ​ശ രാ​ജ്യ​ങ്ങ​ളി​ലെ സൗ​ജ​ന്യ കോ​ഴ്സു​ക​ൾ, ഐ.​ടി മേ​ഖ​ല​യി​ൽ മി​ക​ച്ച ജോ​ലി ക​ണ്ടെ​ത്താ​ൻ വി​ദ്യാ​ർ​ഥി​ക​ളെ പ്രാ​പ്ത​രാ​ക്കു​ന്ന ക​മ്പ​നി​ക​ൾ, സ്കോ​ള​ർ​ഷി​പ്പോ​ടു​കൂ​ടി വി​ദ്യാ​ർ​ഥി​ക​ൾ പ​ഠ​ന അ​വ​സ​ര​ങ്ങ​ൾ ന​ൽ​കു​ന്ന സ്ഥാ​പ​ന​ങ്ങ​ൾ, വി​ദേ​ശ രാ​ജ്യ​ങ്ങ​ളി​ലെ കോ​ഴ്സു​ക​ൾ കേ​ര​ള​ത്തി​ൽ​നി​ന്ന് പ​ഠി​ക്കാ​ൻ അ​വ​സ​രം ന​ൽ​കു​ന്ന ഇ​ൻ​സ്റ്റി​റ്റ്യൂ​ട്ടു​ക​ൾ എ​ന്നി​വ സ്റ്റാ​ളു​ക​ളു​ടെ പ്ര​ത്യേ​ക​ത​യാ​യി.

വി​ദ്യാ​ർ​ഥി​ക​ൾ​ക്കും ര​ക്ഷി​താ​ക്ക​ൾ​ക്കും മാ​ന​സി​ക പി​ന്തു​ണ ന​ൽ​കു​ന്ന സ്റ്റാ​ളു​ക​ളും മേ​ള​യി​ലു​ണ്ടാ​യി​രു​ന്നു സ്റ്റാ​ളു​ക​ളു​ടെ ഉ​ദ്ഘാ​ട​നം തി​ങ്ക​ളാ​ഴ്ച രാ​വി​ലെ 10ന് ​ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് പി. ​ഗ​വാ​സ് നി​ർ​വ​ഹി​ച്ചു.

മാ​ധ്യ​മ​ത്തി​ന്‍റെ സാ​മൂ​ഹി​ക ഇ​ട​പെ​ട​ൽ മ​റ്റെ​ല്ലാ മേ​ഖ​ല​ക​ളെ​യും പോ​ലെ വി​ദ്യാ​ഭ്യാ​സ​രം​ഗ​ത്തും ല​ഭ്യ​മാ​ക്കു​ന്ന​താ​ണ് ‘മാ​ധ്യ​മം’ എ​ജു ക​രി​യ​ർ എ​ക്സ്പോ​യെ​ന്നും പു​തി​യ കാ​ല​ത്ത് കു​ട്ടി​ക​ൾ​ക്ക് എ​ത്തി​പ്പെ​ടാ​ൻ ക​ഴി​യു​ന്ന എ​ല്ലാ മേ​ഖ​ല​ക​ളെ​ക്കു​റി​ച്ചും അ​റി​വു​ക​ൾ പ​ക​രു​ന്ന മേ​ള മാ​തൃ​കാ​പ​ര​മാ​ണെ​ന്നും അ​ദ്ദേ​ഹം പ​റ​ഞ്ഞു.

റി​യ​ൽ ചി​ന്ത​യി​ല്ലാ​ത്ത റോ​ബോ​ട്ടി​ക്സും ചി​ന്ത​യു​ള്ള മ​നു​ഷ്യ​രും

കോ​ഴി​ക്കോ​ട്: ചി​ന്തി​ക്കാ​ൻ പ്രാ​പ്തി​യി​ല്ലെ​ങ്കി​ലും മ​നു​ഷ്യ പ്ര​വൃ​ത്തി​യെ​ക്കാ​ൾ വേ​ഗ​വും കൃ​ത്യ​ത​യു​മു​ള്ള എ.​ഐ റോ​ബോ​ട്ടി​ക്സി​നെ പ​രി​ച​യ​പ്പെ​ടു​ത്തി മാ​ത്യൂ​സ് അ​ബ്ര​ഹാ​മി​ന്റെ എ.​ഐ ഫോ​ർ എ​വ​രി വ​ൺ സെ​മി​നാ​ർ.

യു​നി​ക് വേ​ൾ​ഡ് റോ​ബോ​ട്ടി​ക്സി​ന്റെ ബി​സി​ന​സ് ഡെ​വ​ല​പ്മെ​ന്റ് ഹെ​ഡാ​യ മാ​ത്യൂ​സ് അ​ബ്ര​ഹാം റി​യ​ൽ ഇ​ന്റ​ലി​ജ​ൻ​സ് ഇ​ല്ലാ​തെ പ്ര​വ​ർ​ത്തി​ക്കു​ന്ന റോ​ബോ​ട്ടി​ക്സു​ക​ളു​ടെ വി​ദൂ​ര​സാ​ധ്യ​ത​ക​ളും പ​രി​മി​തി​ക​ളും വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും പ​രി​ച​യ​​പ്പെ​ടു​ത്തി.

ആ​ക​ർ​ഷ​ക സെ​ഷ​നു​ക​ളോ​ടെ ഇ​ന്ന് സ​മാ​പ​നം

ര​ണ്ടു​ദി​വ​സം നീ​ളു​ന്ന മേ​ള ബു​ധ​നാ​ഴ്ച സ​മാ​പി​ക്കും. ഇന്ന് രാവിലെ ഒമ്പിതിന് പരിപാടികൾ തുടങ്ങും. സ​ർ​ക്കാ​ർ ജോ​ലി​നേ​ടാ​ൻ എ​ങ്ങ​നെ പ​ഠി​ക്ക​ണ​മെ​ന്ന സൂ​ത്ര​ങ്ങ​ളു​മാ​യി സൈ​ലം പി.​എ​സ്.​സി കോ​ച്ചി​ങ് മേ​ധാ​വി​യും മോ​ട്ടി​വേ​ഷ​ൻ സ്പീ​ക്ക​റു​മാ​യ മ​ൻ​സൂ​റ​ലി കാ​പ്പു​ങ്ങ​ൽ, സൈ​ബ​ർ സു​ര​ക്ഷ​യു​മാ​യി ബ​ന്ധ​പ്പെ​ട്ട് സൈ​ബ​ർ നി​യ​മ വി​ദ​ഗ്ധ​ൻ ജി​യാ​സ് ജ​മാ​ൽ, വി​ജ​യ​ഗാ​ഥ​യു​ടെ ക​ഥ​പ​റ​യാ​ൻ സൈ​ലം ഡ​യ​റ​ക്ട​ർ ലീ​ജീ​ഷ് കു​മാ​ർ, ബി.​ബി.​സി അ​വാ​ർ​ഡ് ജേ​താ​വാ​യ വൈ​ൽ​ഡ് ലൈ​ഫ് ഫോ​ട്ടോ​ഗ്രാ​ഫ​ർ വി.​എം. സി​ദ്ദീ​ഖ്, വാ​ണി​ജ്യ മേ​ഖ​ല​യു​ടെ ഭാ​വി എ​ന്ത് എ​ന്ന വി​ഷ​യ​ത്തി​ൽ എ.​സി.​സി.​എ മെം​ബ​ർ മി​ഷ്ഹ​ൽ ഹം​സ, അ​നു​ഭ​വ​ങ്ങ​ൾ പ​ങ്കു​വെ​ക്കാ​ൻ അ​വ​താ​ര​ക​ൻ വി.​ആ​ർ. ര​ജ​നീ​ഷ്, കൗ​മാ​ര​ക്കാ​രു​ടെ മാ​ന​സി​കാ​രോ​ഗ്യം സം​ബ​ന്ധി​ച്ച് സം​സാ​രി​ക്കാ​ൻ ക്ലി​നി​ക്ക​ൽ സൈ​ക്കോ​ള​ജി​സ്റ്റ് ആ​ർ​ദ്ര മോ​ഹ​ൻ, ഡോ. ​ഫാ​ത്തി​മ ഷ​ഹീ​ർ എ​ന്നി​വ​ർ ര​ണ്ടാം ദി​വ​സം എ​ജു​ക​ഫേ​യെ ധ​ന്യ​മാ​ക്കും.

പ്ര​വേ​ശ​നം സൗ​ജ​ന്യ​ം

രാ​വി​ലെ ഒ​മ്പ​തി​ന് ര​ജി​സ്ട്രേ​ഷ​ൻ ആ​രം​ഭി​ക്കും. വി​ദ്യാ​ര്‍ഥി​ക​ള്‍ക്കും അ​ധ്യാ​പ​ക​ര്‍ക്കും ര​ക്ഷി​താ​ക്ക​ള്‍ക്കും എ​ജു​ക​ഫേ​യി​ലേ​ക്ക് പ്ര​വേ​ശ​നം സൗ​ജ​ന്യ​മാ​ണ്. ഓ​ൺ​ലൈ​ൻ വ​ഴി ര​ജി​സ്റ്റ​ർ ചെ​യ്യാ​ത്ത​വ​ർ​ക്ക് സ്പോ​ർ​ട്ട് ര​ജി​സ്ട്രേ​ഷ​ൻ സൗ​ക​ര്യം ഒ​രു​ക്കി​യി​ട്ടു​ണ്ട്. ന​ൽ​കി​യി​രി​ക്കു​ന്ന ക്യു ​ആ​ർ കോ​ഡ് സ്കാ​ൻ ചെ​യ്തോ www.myeducafe.com എ​ന്ന ലി​ങ്ക് വ​ഴി​യോ എ​ജു​ക​ഫേ​യി​ൽ ര​ജി​സ്റ്റ​ർ ചെ​യ്യാം. ര​ജി​സ്ട്രേ​ഷ​ൻ വി​വ​ര​ങ്ങ​ൾ​ക്ക് 96450 05115 ന​മ്പ​റി​ൽ ബ​ന്ധ​​​പ്പെ​ടാം.

സ​രോ​വ​രം വേദിയിലേ​ക്ക് വാ​ഹ​ന സൗ​ക​ര്യം

കോ​ഴി​ക്കോ​ട്​: സ​മാ​പ​ന ദി​വ​സ​മാ​യ ഇ​ന്നും മേ​ള ന​ട​ക്കു​ന്ന കാ​ലി​ക്ക​റ്റ് ട്രേ​ഡ് സെ​ന്റ​റി​ലേ​ക്ക്​ സൗ​ജ​ന്യ വാ​ഹ​ന സൗ​ക​ര്യം ല​ഭ്യ​മാ​ക്കും. കോ​ഴി​ക്കോ​ട് മാ​വൂ​ർ റോ​ഡി​ൽ പു​തി​യ ബ​സ് സ്റ്റാ​ൻ​ഡി​ന് എ​തി​ർ​വ​​ശ​ത്തെ സി​റ്റി ഒ​പ്റ്റി​ക്ക​ൽ​സി​ന് സ​മീ​പ​മാ​ണ്​ എ​ത്തേ​ണ്ട​ത്.രാ​വി​ലെ ഒ​മ്പ​തു​മു​ത​ൽ സ​ർ​വി​സ് ആ​രം​ഭി​ക്കും. ഫോ​ൺ: 9446734681.

സാ​മ്പ​ത്തി​ക സ്വാ​ത​ന്ത്യ്രം നേ​ട​ണം

ആ​ൺ​കു​ട്ടി​ക​ൾ മാ​ത്ര​മ​ല്ല, പെ​ൺ​കു​ട്ടി​ക​ളും സാ​മ്പ​ത്തി​ക സ്വാ​ത​ന്ത്ര്യം നേ​ട​ണ​മെ​ന്ന് ഡോ. ​ഷിം​ന അ​സീ​സ്. ഡ​ബ്ല്യു.​എ​ച്ച്.​ഒ​യു​ടെ ഇ​ന്ത്യ​യി​ലെ സ​ർ​വൈ​ല​ന്‍സ് മെ​ഡി​ക്ക​ല്‍ ഓ​ഫി​സ​റാ​ണ് ഡോ. ​ഷിം​ന അ​സീ​സ്. പെ​ൺ​കു​ട്ടി​ക​ളും അ​വ​രു​ടെ അ​ഭി​രു​ചി​ക്ക​നു​സ​രി​ച്ചു​ള്ള സാ​ധ്യ​ത​ക​ൾ ക​ണ്ടെ​ത്ത​ണം. വ​രു​മാ​നം ചെ​റു​താ​ണെ​ങ്കി​ൽ സ്വ​ന്ത​മാ​യി വ​രു​മാ​നം ഉ​ണ്ടാ​ക്കാ​ൻ ശ്ര​മി​ക്ക​ണം. വി​വാ​ഹം, കു​ടും​ബം എ​ന്ന​വ​യൊ​ന്നും അ​തി​ന് പ്ര​തി​ബ​ന്ധ​മാ​വി​ല്ലെ​ന്നും അ​വ​ർ പ​റ​ഞ്ഞു.

മാ​താ​പി​താ​ക്ക​ൾ കു​ട്ടി​ക​ളെ മ​ന​സ്സി​ലാ​ക്കു​ന്ന​തു​പോ​ലെ കു​ട്ടി​ക​ളും മാ​താ​പി​താ​ക്ക​ളെ മ​ന​സ്സി​ലാ​ക്ക​ണ​മെ​ന്നും ഭ​ക്ഷ​ണ​മേ​ശ​യി​ലെ​ങ്കി​ലും കു​ടും​ബാം​ഗ​ങ്ങ​ൾ പ​ര​സ്പ​രം കാ​ര്യ​ങ്ങ​ൾ പ​ങ്കു​വെ​ക്ക​ണ​മെ​ന്നും അ​വ​ർ നി​ർ​ദേ​ശി​ച്ചു.

പ​ഠ​ന​ത്തി​ൽ ശ്ര​ദ്ധ വേ​ണോ; ഫോ​ൺ ഉ​പ​യോ​ഗം കു​റ​ച്ചോ

എ​ല്ലാം വി​ര​ൽ​ത്തു​മ്പി​ൽ എ​ത്തി​ക്കു​മെ​ങ്കി​ലും മൊ​ബൈ​ൽ ഫോ​ൺ ഉ​പ​യോ​ഗം കു​റ​ച്ചാ​ലേ പ​ഠി​ച്ച് മു​ന്നേ​റാ​ൻ ക​ഴി​യൂ എ​ന്ന് വി​ദ്യാ​ർ​ഥി​ക​ളെ​യും ര​ക്ഷി​താ​ക്ക​ളെ​യും ഉ​ണ​ർ​ത്തി സൈ​ലം ലേ​ണി​ങ് സ്ഥാ​പ​ക​നും സി.​ഇ.​ഒ​യു​മാ​യ ഡോ. ​എ​സ്. അ​ന​ന്തു.

മൊ​ബൈ​ൽ ഫോ​ണി​ൽ കൂ​ടു​ത​ൽ സ​മ​യം ചെ​ല​വ​ഴി​ക്കു​ന്ന​ത് കു​ട്ടി​ക​ളു​ടെ ഓ​ർ​മ ശ​ക്തി​യെ ബാ​ധി​ക്കു​മെ​ന്ന് അ​ദ്ദേ​ഹം ഓ​ർ​മി​പ്പി​ച്ചു. അ​റ്റ​ൻ​ഷ​ൻ ഡ​ഫി​സി​റ്റ് ഇ​ന്ന് കു​ട്ടി​ക​ൾ നേ​രി​ടു​ന്ന വെ​ല്ലു​വി​ളി​യാ​ണ്. ആ​ഗ്ര​ഹം സ​ഫ​ലീ​ക​രി​ക്കാ​ൻ സാ​ഹ​ച​ര്യ​ങ്ങ​ൾ മ​ന​സ്സി​ലാ​ക്കി അ​വ​സ​ര​ങ്ങ​ൾ ക​ണ്ട​റി​ഞ്ഞ് പ​ഠി​ക്ക​ണം. പാ​ഷ​ൻ അ​നു​സ​രി​ച്ച് ക​രി​യ​ർ തെ​ര​ഞ്ഞെ​ടു​ക്ക​ണം. എ​ന്നാ​ൽ, എ​പ്പോ​ഴും തൊ​ഴി​ൽ സാ​ധ്യ​ത​യു​ള്ള ഒ​രു കോ​ഴ്സ് സ്വാ​യത്ത​മാ​ക്കി​വെ​ക്ക​ണം. സാ​ധ്യ​ത​ക​ൾ ക​ണ്ടെ​ത്താ​ൻ ര​ക്ഷി​താ​ക്ക​ളും വി​ദ്യാ​ർ​ഥി​ക​ളെ സ​ഹാ​യി​ക്ക​ണ​മെ​ന്നും അ​ദ്ദേ​ഹം പ​റ​ഞ്ഞു.