പ്ളസ് വണ്‍ ഏകജാലകം: അപേക്ഷകള്‍ നാലര ലക്ഷം കവിഞ്ഞു

തിരുവനന്തപുരം: പ്ളസ് വണ്‍ ഏകജാലക പ്രവേശത്തിനുള്ള ഓണ്‍ലൈന്‍ അപേക്ഷകള്‍ നാലരലക്ഷം കവിഞ്ഞു. ചൊവ്വാഴ്ച വൈകീട്ടുള്ള കണക്കുകള്‍ പ്രകാരം 4,56,622 അപേക്ഷകളാണ് സമര്‍പ്പിക്കപ്പെട്ടത്. ഇതില്‍ 4,42,681 അപേക്ഷകള്‍ കണ്‍ഫേം ചെയ്തിട്ടുണ്ട്. കൂടുതല്‍ അപേക്ഷകള്‍ മലപ്പുറത്തുനിന്നാണ് -72,858. ഇതര ജില്ലകളില്‍നിന്നുള്ള അപേക്ഷകളുടെ എണ്ണം: തിരുവനന്തപുരം- 37665, കൊല്ലം- 33326, പത്തനംതിട്ട -15741, ആലപ്പുഴ- 28269, കോട്ടയം -25027, ഇടുക്കി- 13984, എറണാകുളം- 38668, തൃശൂര്‍- 39441, പാലക്കാട്- 43000, കോഴിക്കോട്- 45713, വയനാട്- 11820, കണ്ണൂര്‍- 33962, കാസര്‍കോട്- 17148. മേയ് 25 ആണ് അപേക്ഷ സമര്‍പ്പിക്കാനുള്ള അവസാന തീയതി.