മൗലാന ആസാദ് ഫെലോഷിപ്പ് കുടിശ്ശിക നൽകാൻ അനുമതിഅനുമതിയായെന്ന് കേന്ദ്ര സർക്കാർ

ന്യൂഡൽഹി: മൗലാനാ ആസാദ് ഫെലോഷിപ്പ് നിലവിൽ ലഭിച്ചു കൊണ്ടിരിക്കുന്ന ഗവേഷണ വിദ്യാർഥികൾക്കുള്ള കുടിശ്ശിക നൽകുന്നതിന് അനുമതി നൽകിയതായി കേന്ദ്ര സർക്കാർ. എം.പിമാരായ അടൂർ പ്രകാശ്, കെ.സി. വേണുഗോപാൽ എന്നിവരുടെ ചോദ്യത്തിന് ന്യൂനപക്ഷകാര്യ വകുപ്പ് മന്ത്രി കിരൺ റിജിജുവാണ് ലോക്സഭയിൽ മറുപടി നൽകിയത്.

വിദ്യാർഥികളുടെ ഫെലോഷിപ്പ് തുക കഴിഞ്ഞ ഡിസംബർ മുതൽ മുടങ്ങിയിരിക്കുകയായിരുന്നു. മൗലാന ആസാദ് ഫെലോഷിപ് 2022-23 മുതൽ നിർത്തലാക്കിയിട്ടുണ്ട്. പദ്ധതിയിൽ നിലവിലുള്ള വിദ്യാർഥികൾക്ക് ഗവേഷണ കാലാവധി തീരുന്നതുവരെ ഫെലോഷിപ്പ് നൽകും.