തൊഴിലിന് വഴി തേടുകയാണോ? ഉത്തരമുണ്ട് എജുകഫേയിൽ...

കൊ​ച്ചി: പ​ഠി​ച്ച കോ​ഴ്​സുക​ൾ ഭാ​വി ജീ​വി​ത​ത്തി​ന് എ​ങ്ങ​നെ വ​ഴി​കാ​ട്ടു​മെ​ന്ന ആ​ശ​ങ്ക​യി​ല​ാണോ? ഇ​നി പ​ഠ​നം എ​ങ്ങ​നെ മു​ന്നോ​ട്ട് കൊ​ണ്ടു​പോ​ക​ണം എ​ന്ന ആ​ശ​യ​ക്കു​ഴ​പ്പ​ത്തി​ലാ​ണോ? നി​ങ്ങ​ളു​ടെ സം​ശ​യ​ങ്ങ​ൾ പ​രി​ഹ​രി​ക്കാ​ൻ ‘മാ​ധ്യ​മം’ കൊ​ച്ചി എ​ജു​ക​ഫേ​യി​ൽ അ​വ​സ​ര​മൊ​രു​ങ്ങു​ന്നു.

സം​സ്ഥാ​ന സ​ർ​ക്കാ​റി​ന് കീ​ഴി​ലു​ള്ള ഐ.​എ​ച്ച്.​ആ​ർ.​ഡി​യു​ടെ​യും ഇ​ൻ​ഫോ​സി​സി​ന്‍റെ​യും ആ​ഭി​മു​ഖ്യ​ത്തി​ലു​ള്ള മോ​ഡ​ൽ ഫി​നി​ഷിങ്​ സ്കൂ​ളും സം​സ്ഥാ​ന സ​ർ​ക്കാ​റിന്‍റെ ഉ​ന്ന​ത വി​ദ്യാ​ഭ്യാ​സ വ​കു​പ്പി​ന് കീ​ഴി​ലു​ള്ള അ​ഡീ​ഷ​നൽ സ്കി​ൽ അ​ക്വി​സി​ഷ​ൻ പ്രോ​ഗ്രാ​മും ചേ​ർ​ന്ന് (അ​സാ​പ്) നി​ങ്ങ​ളു​ടെ സം​ശ​യ​ങ്ങ​ൾ തീ​ർ​ക്കാ​ൻ എ​ജു​ക​ഫേ​യി​ൽ എ​ത്തു​ന്നു. ഏ​പ്രി​ൽ 24, 25 തീയതി​ക​ളി​ൽ ക​ള​മ​ശ്ശേ​രി ചാ​ക്കോ​ളാ​സ് ക​ൺ​വെ​ൻ​ഷ​ൻ സെൻറ​റി​ൽ ന​ട​ക്കു​ന്ന എ​ജു​ക​ഫേ​യു​ടെ ഹെ​ൽ​പ് ഡെ​സ്കി​ലെ വി​ദ​ഗ്ധ​ർ നി​ങ്ങ​ളു​ടെ സം​ശ​യ​ങ്ങ​ൾ പ​രി​ഹ​രി​ച്ചു​ത​രും.

എ​ൻ​ജി​നീ​യ​റിങ്​, സ​യ​ൻ​സ്, കോ​മേ​ഴ്സ്, പോ​ളി​ടെ​ക്നി​ക് ബി​രു​ദ ധാ​രി​ക​ൾ​ക്കു​ള്ള നൈ​പു​ണ്യ വി​ക​സ​ന കോ​ഴ്സു​ക​ളെ​പ്പ​റ്റി​യു​ള്ള വി​വ​ര​ങ്ങ​ളും ഇ​വി​ടെ നി​ന്ന​റി​യാം. അ​സാ​പിന്‍റെ നേ​തൃ​ത്വ​ത്തി​ൽ സം​സ്ഥാ​ന​ത്ത് ഉ​ട​നീ​ളം പ്ര​വ​ർ​ത്തി​ക്കു​ന്ന 16 ക​മ്യൂ​ണി​റ്റി സ്കി​ൽ ഡെ​വ​ല​പ്മെ​ന്‍റ് സെ​ന്‍റ​റു​ക​ളി​ലൂ​ടെ ല​ഭ്യ​മാ​കു​ന്ന പ​രി​ശീ​ല​ന​ങ്ങ​ളെ​ക്കു​റി​ച്ചും ഹ്ര​സ്വ​കാ​ല കോ​ഴ്സു​ക​ളി​ല​ൂടെ വി​വി​ധ മേ​ഖ​ല​ക​ളി​ൽ തൊ​ഴി​ൽ ല​ഭി​ക്കാ​ൻ പ​ര്യാ​പ്ത​മാ​യ കോ​ഴ്സു​ക​ളെ​ക്കു​റി​ച്ചും ഹെ​ൽ​പ് സെ​സ്കി​ൽ നി​ന്ന് അ​റി​യാം.

കോ​ഴ്സു​ക​ളെ​ക്കുറി​ച്ചും പ​രി​ശീ​ല​ന​ങ്ങ​ളെക്കു​റി​ച്ചു​മു​ള്ള ബ്രോ​ഷ​റു​ക​ൾ ല​ഭ്യ​മാ​ക്കു​ന്ന​തി​നൊ​പ്പം ഈ ​സ്ഥാ​പ​ന​ങ്ങ​ളി​ലെ പ്ര​ഫ​ഷ​ണ​ലു​ക​ളി​ൽ നി​ന്ന് നേ​രി​ട്ട് സം​ശ​യ​ങ്ങ​ൾ ചോ​ദി​ച്ച​റി​യാ​നും വി​വ​ര​ങ്ങ​ൾ തേ​ടാ​നും ഹെ​ൽ​പ്ഡെ​സ്ക് സ​ഹാ​യ​ക​മാ​കു​ന്നു.