ഉയരങ്ങൾ കീഴടക്കാം... ആഘോഷമായി എജുകഫേ, നിറഞ്ഞുകവിഞ്ഞ് സദസ്സ്

എജുകഫേയുടെ സദസ്സ്കൊ​ച്ചി: വി​ദ്യാ​ർ​ഥി​ക​ളു​ടെ മ​ന​സ്സ​റി​ഞ്ഞ്, ശോ​ഭ​ന​മാ​യ ഭാ​വി​ക്ക് അ​റി​വി​ന്‍റെ വാ​താ​യ​ന​ങ്ങ​ൾ തു​റ​ന്നി​ട്ട​പ്പോ​ൾ മാ​ധ്യ​മം എ​ജു​ക​ഫേ കൊ​ച്ചി ഏ​റ്റെ​ടു​ത്തു. വി​ദ്യാ​ർ​ഥി​ക​ളു​ടെ സം​ശ​യ​ങ്ങ​ൾ​ക്കും മാ​താ​പി​താ​ക്ക​ളു​ടെ ആ​ശ​ങ്ക​ക​ൾ​ക്കും ഒ​രു​പോ​ലെ ഉ​ത്ത​ര​ങ്ങ​ൾ ന​ൽ​കി​യ​പ്പോ​ൾ നാ​ട് എ​ജു​ക​ഫേ​യെ ക​രി​യ​ർ ഉ​ത്സ​വ​മാ​ക്കി മാ​റ്റു​ക​യാ​യി​രു​ന്നു. ആ​ഴ​ത്തി​ലു​ള്ള അ​റി​വ് പ​ക​രു​ന്ന വി​ദ്യാ​ഭ്യാ​സ സെ​ഷ​നു​ക​ളും മ​നഃ​ശാ​സ്ത്ര സ​മീ​പ​ന​ങ്ങ​ളോ​ടെ​യു​ള്ള ക്ലാ​സു​ക​ളും ലോ​ക​ത്താ​ക​മാ​ന​മു​ള്ള അ​വ​സ​ര​ങ്ങ​ൾ തു​റ​ന്നു​കാ​ണി​ക്കു​ന്ന സ്റ്റാ​ളു​ക​ളും ശ്ര​ദ്ധേ​യ​മാ​യി​രു​ന്നു.

എ​ജു​ക​ഫേ​യി​ൽ പ​ങ്കെ​ടു​ക്കാ​ൻ ക​ള​മ​ശ്ശേ​രി ചാ​ക്കോ​ളാ​സ് പവലിയനി​ലേ​ക്ക് രാ​വി​ലെ മു​ത​ൽ നി​ര​വ​ധി വി​ദ്യാ​ർ​ഥി​ക​ളും മാ​താ​പി​താ​ക്ക​ളു​മാ​ണ് എ​ത്തി​ച്ചേ​ർ​ന്നു​കൊ​ണ്ടി​രു​ന്ന​ത്. ക​ള​മ​ശ്ശേ​രി മെ​ട്രോ സ്റ്റേ​ഷ​നി​ൽ ഇ​വി​ടേ​ക്ക് എ​ത്താ​ൻ പ്ര​ത്യേ​ക വാ​ഹ​ന​വും സ​ജ്ജീ​ക​രി​ച്ചി​രു​ന്നു. മ​ധ്യ​കേ​ര​ള​ത്തി​ലെ വി​വി​ധ ജി​ല്ല​ക​ളി​ൽ നി​ന്നും പ്ര​ത്യേ​കം വാ​ഹ​ന​ങ്ങ​ൾ സ്വ​യം സ​ജ്ജീ​ക​രി​ച്ച് കൂ​ട്ട​മാ​യി എ​ത്തി​യ​വ​രും നി​ര​വ​ധി​യാ​ണ്. ബ​സി​ലും മെ​ട്രോ ട്രെ​യി​നി​ലും സ്വ​കാ​ര്യ വാ​ഹ​ന​ങ്ങ​ളി​ലു​മൊ​ക്കെ​യാ​യി വി​ദ്യാ​ർ​ഥി​ക​ൾ വ​ന്ന​തോ​ടെ സ​ദ​സ്സും സ്റ്റാ​ളു​ക​ളും രാ​വി​ലെ ത​ന്നെ നി​റ​ഞ്ഞു​ക​വി​ഞ്ഞു.

ആ​ർ​ക്കും മ​ന​സ്സി​ലാ​കും വി​ധം കാ​ര്യ​ങ്ങ​ൾ അ​വ​ത​രി​പ്പി​ക്കു​ന്ന​താ​യി​രു​ന്നു വി​വി​ധ സെ​ഷ​നു​ക​ൾ. താ​ൽ​പ​ര്യ​മു​ള്ള തൊ​ഴി​ലി​ൽ ത​ന്നെ സം​രം​ഭ​ക​ത്വ​ത്തി​ലേ​ക്ക് എ​ത്തു​ന്ന​തി​നു​ള്ള സാ​ധ്യ​ത​ക​ൾ അ​നു​ഭ​വ​ത്തി​ന്‍റെ പ​ശ്ചാ​ത്ത​ല​ത്തി​ൽ വി​വ​രി​ച്ച സെ​ഷ​നാ​യി​രു​ന്നു മി​ഥു ശ്രീ​നി​വാ​സ് ന​യി​ച്ച​ത്. ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​ർ അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള എ​ജു​ക​ഫേ​യു​ടെ സം​ഘാ​ട​ന​ത്തി​ന് ‘മാ​ധ്യ​മ’​ത്തെ അ​ഭി​ന​ന്ദി​ച്ചു.

നാ​ടി​ന്‍റെ ഭ​ര​ണ​ച​ക്രം ച​ലി​പ്പി​ക്കു​ന്ന നി​ർ​ണാ​യ​ക വ്യ​ക്തി​ത്വ​ങ്ങ​ളാ​കാ​ൻ ആ​ത്മ​വി​ശ്വാ​സം പ​ക​രു​ന്ന വാ​ക്കു​ക​ളാ​യി​രു​ന്നു ക​ല​ക്ട​ർ എ​ൻ.​എ​സ്.​കെ. ഉ​മേ​ഷ് ഉ​ൾ​പ്പെ​ടെ​യു​ള്ള​വ​ർ സം​സാ​രി​ച്ച സി​വി​ൽ​സ​ർ​വി​സ് സെ​ഷ​നി​ൽ പ​ങ്കെ​ടു​ത്ത​വ​രു​ടേ​ത്. പേ​ര​ൻ​റി​ങി​നെ​ക്കു​റി​ച്ച് വ്യ​ക്ത​മാ​ക്കി​യ അ​ശ്വ​തി ശ്രീ​കാ​ന്തി​ന്‍റെ സെ​ഷ​ൻ സ​ദ​സ്സ് ഇ​രു​കൈ​യും നീ​ട്ടി​യാ​ണ് സ്വീ​ക​രി​ച്ച​ത്. മോ​ട്ടി​വേ​ഷ​ൻ സ്പീ​ക്ക​ർ പ്ര​വീ​ൺ ചി​റ​യ​ത്തി​ന്റെ സെ​ഷ​ൻ ഒ​രേ​സ​മ​യം ചി​രി​യും ചി​ന്ത​യും ഉ​ണ​ർ​ത്തു​ന്ന​താ​യി​രു​ന്നു. പ്ര​ഫ. പി.​പി. നൗ​ഷാ​ദ്, ഡെ​യി​ൻ ഡേ​വി​സ്, കെ.​കെ. കൃ​ഷ്ണ​കു​മാ​ർ, വി.​ആ​ർ. ര​ജ​നീ​ഷ് തു​ട​ങ്ങി​യ​വ​രു​ടെ സെ​ഷ​നു​ക​ളും ശ്ര​ദ്ധേ​യ​മാ​യി.

അപ്രാപ്യമല്ല, സിവിൽ സർവിസ്​

കൊ​ച്ചി: സി​വി​ൽ സ​ർ​വീ​സ്....​രാ​ജ്യ​ത്തെ ല​ക്ഷ​ക്ക​ണ​ക്കി​ന് കൗ​മാ​ര​യൗ​വ​ന​ങ്ങ​ളെ മോ​ഹി​പ്പി​ക്കു​ക​യും പ്ര​ലോ​ഭി​പ്പി​ക്കു​ക​യും ചെ​യ്യു​ന്ന മ​ഹ​ത്വ​മേ​റി​യ പ്ര​ഫ​ഷ​ൻ.. ആ ​സ്വ​പ്ന​ത്തി​ലേ​ക്ക് ന​ട​ന്ന​ടു​ത്ത നാ​ലു​പേ​രു​ടെ അ​നു​ഭ​വ​ങ്ങ​ളും ജീ​വി​ത​വ​ഴി​ക​ളും പ​ങ്കു​വെ​ച്ച മാ​ധ്യ​മം എ​ജു​ക​ഫേ​യി​ലെ ആ​ദ്യ ദി​ന​ത്തി​ലെ സി​വി​ൽ സ​ർ​വി​സ് സെ​ഷ​ൻ ഏ​റ്റ​വും ജ​ന​പ്രി​യ​മാ​യി. സം​സ്ഥാ​ന​ത്തെ മി​ക​ച്ച ക​ല​ക്ട​ർ​ക്കു​ള്ള പു​ര​സ്കാ​രം നേ​ടി​യ എ​റ​ണാ​കു​ളം ക​ല​ക്ട​ർ എ​ൻ.​എ​സ്.​കെ ഉ​മേ​ഷ്, മി​ക​ച്ച സ​ബ്ക​ല​ക്ട​ർ​ക്കു​ള്ള പു​ര​സ്കാ​രം നേ​ടി​യ ഫോ​ർ​ട്ട്കൊ​ച്ചി സ​ബ് ക​ല​ക്ട​ർ കെ. ​മീ​ര, ക​ഴി​ഞ്ഞ ദി​വ​സ​ത്തെ സി​വി​ൽ​സ​ർ​വി​സ് പ​രീ​ക്ഷ ഫ​ല​ത്തി​ൽ 641ാം റാ​ങ്കു നേ​ടി​യ ഡോ.​അ​ക്ഷ​യ് രാ​ജ്, ഐ.​ഐ.​എ​സ് നേ​ടി​യ പ്ര​സ് ഇ​ൻ​ഫ​ർ​മേ​ഷ​ൻ ബ്യൂ​റോ അ​സി. ഡ​യ​റ​ക്ട​ർ എ​സ്.​എ​സ്. ല​ക്ഷ്മി​പ്രി​യ എ​ന്നി​വ​ർ സ​ദ​സ്സു​മാ​യി സം​വ​ദി​ച്ചു. സി​വി​ൽ സ​ർ​വീ​സ് ഇ​ന്റ​ർ​വ്യൂ ബോ​ർ​ഡ്‌ മു​ൻ അം​ഗ​വും കാ​ല​ടി സ​ർ​വ​ക​ലാ​ശാ​ല മു​ൻ വി.​സി​യു​മാ​യ ഡോ.​എം.​സി ദി​ലീ​പ് കു​മാ​ർ മോ​ഡ​റേ​റ്റ​റാ​യി.

മു​ന്നി​ലോ​ട​ണം എ​ല്ലാ​വ​രെ​ക്കാ​ളും

വ​ള​രെ ക​ഠി​ന​മാ​യ മ​ത്സ​ര​പ​രീ​ക്ഷ​യാ​യ​തി​നാ​ൽ ത​ന്നെ കൂ​ടെ​യോ​ടു​ന്ന​വ​രേ​ക്കാ​ൾ ഒ​രു​പ​ടി മു​ന്നി​ൽ പോ​വേ​ണ്ടി വ​രു​മെ​ന്ന ചി​ന്ത സി​വി​ൽ സ​ർ​വീ​സ് മോ​ഹി​ക​ളി​ൽ ഉ​ണ്ടാ​വ​ണ​മെ​ന്ന് എ​ൻ.​എ​സ്.​കെ. ഉ​മേ​ഷ് ഓ​ർ​മി​പ്പി​ച്ചു.

നൂ​റു ശ​ത​മാ​നം സ​മ​ർ​പ്പ​ണം ന​ട​ത്താ​ൻ ആ​വ​ണ​മെ​ന്നി​ല്ല. ര​ണ്ടു ത​വ​ണ പ​രാ​ജ​യ​പ്പെ​ട്ട്, മൂ​ന്നാം ത​വ​ണ​യാ​ണ് താ​ൻ ല​ക്ഷ്യം നേ​ടി​യെ​ടു​ത്ത​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പ​രീ​ക്ഷ​യു​ടെ​യും പ​രി​ശീ​ല​ന​കാ​ല​ത്തെ​യും അ​നു​ഭ​വ​ങ്ങ​ൾ ക​ല​ക്ട​ർ പ​ങ്കു​വെ​ച്ചു.

ലോ​ക​ത്തെ എ​ല്ലാ കാ​ര്യ​ങ്ങ​ളും അ​റി​യ​ണ്ട

സി​വി​ൽ സ​ർ​വി​സ് പ​രീ​ക്ഷ ഏ​റെ ച​ല​നാ​ത്മ​ക​മാ​ണെ​ന്ന് കെ. ​മീ​ര പ​റ​ഞ്ഞു. ലോ​ക​ത്തി​ലെ എ​ല്ലാ കാ​ര്യ​ങ്ങ​ളും അ​റി​യ​ണ​മെ​ന്നി​ല്ല. എ​ന്നാ​ൽ, ഈ ​ത​യാ​റെ​ടു​പ്പ് ഒ​രു സ്കി​ൽ ഗെ​യി​മും മെൻറ​ൽ ഗെ​യി​മും ആ​ണ്. നാ​ലാം ത​വ​ണ​യാ​ണ് താ​ൻ സി​വി​ൽ സ​ർ​വി​സ് നേ​ടി​യെ​ടു​ത്ത​ത​ന്നും അ​വ​ർ കൂ​ട്ടി​ച്ചേ​ർ​ത്തു.

വേ​ണ്ട​ത്​ സ്മാ​ർ​ട്ട്​​ വ​ർ​ക്​

നി​ത്യ​വും 15 മ​ണി​ക്കൂ​ർ പ​ഠി​ക്കു​ന്ന ഒ​ന്ന​ല്ല സി​വി​ൽ സ​ർ​വി​സ് ത​യാ​റെ​ടു​പ്പെ​ന്നും കൃ​ത്യ​മാ​യ ഒ​രു പ​ഠ​ന സ്ട്രാ​റ്റ​ജി സൃ​ഷ്ടി​ച്ച് അ​ത​നു​സ​രി​ച്ച് മു​ന്നോ​ട്ടു​പോ​കേ​ണ്ട​തു​ണ്ടെ​ന്നും ഡോ.​അ​ക്ഷ​യ് രാ​ജ് വ്യ​ക്ത​മാ​ക്കി. താ​ൻ ഈ ​പ​ഠ​ന​രീ​തി ത​യ്യാ​റാ​ക്കാ​നാ​യി മാ​ത്രം ഒ​രു​പാ​ട് സ​മ​യം ചെ​ല​വ​ഴി​ച്ചു. ഹാ​ർ​ഡ് വ​ർ​ക്ക് അ​ല്ല സ്മാ​ർ​ട്ട് വ​ർ​ക്ക് ആ​ണ് പ്ര​ധാ​നം. പ​രി​മി​ത വി​ഭ​വ​ങ്ങ​ളി​ൽ നി​ന്ന് വ്യ​ത്യ​സ്ത​മാ​യ രീ​തി​യി​ൽ അ​വ​ത​രി​പ്പി​ക്കാ​നും ശ്ര​ദ്ധി​ക്ക​ണ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ക​ഠി​നാ​ധ്വാ​നം ഫ​ലംകാ​ണും

നാ​ലാം ശ്ര​മ​ത്തി​ൽ ഐ.​ഐ.​എ​സ് നേ​ടി​യെ​ടു​ത്ത അ​നു​ഭ​വ​മാ​ണ് ല​ക്ഷ്മി​പ്രി​യ പ​ങ്കു​വെ​ച്ച​ത്. നാ​ലു​വ​ർ​ഷ​മെ​ന്ന​ത് വെ​ല്ലു​വി​ളി നി​റ​ഞ്ഞ കാ​ല​മാ​യി​രു​ന്നു. വീ​ട്ടു​കാ​രു​ടെ​യും നാ​ട്ടു​കാ​രു​ടെ​യും സ​മ്മ​ർ​ദം വ​ലു​താ​യി​രു​ന്നു. പ​രീ​ക്ഷാ​രീ​തി മാ​റി​യാ​ലും ക​ഠി​നാ​ധ്വാ​ന​വും സ​മ​ർ​പ്പ​ണ​വും അ​ന്നു​മി​ന്നും ഒ​രു​പോ​ലെ​യാ​ണെ​ന്നും അ​വ​ർ കൂ​ട്ടി​ച്ചേ​ർ​ത്തു.

നവ വൈജ്ഞാനിക സമൂഹം സാധ്യമാക്കൽ ലക്ഷ്യം -മന്ത്രി ആർ. ബിന്ദു

കൊ​ച്ചി: ന​വ വൈ​ജ്ഞാ​നി​ക സ​മൂ​ഹം കേ​ര​ള​ത്തി​ൽ സാ​ധ്യ​മാ​ക്കു​ക എ​ന്ന പ്ര​ഖ്യാ​പി​ത ല​ക്ഷ്യ​ത്തി​ന്റെ അ​ടി​സ്ഥാ​ന​ത്തി​ലാ​ണ് സ​ർ​ക്കാ​ർ മു​ന്നോ​ട്ടു​പോ​കു​ന്ന​തെ​ന്ന് ഉ​ന്ന​ത​വി​ദ്യാ​ഭ്യാ​സ മ​ന്ത്രി ആ​ർ. ബി​ന്ദു. കളമശ്ശേരി ചാ​ക്കോ​ളാ​സ്​ പവലിയനിൽ ന​ട​ക്കു​ന്ന ദ്വി​ദി​ന വി​ദ്യാ​ഭ്യാ​സ ക​രി​യ​ർ മേ​ള​യാ​യ മാ​ധ്യ​മം എ​ജു​ക​ഫേ​യി​ലെ ഉ​ന്ന​ത വി​ദ്യാ​ഭ്യാ​സ സെ​മി​നാ​റു​ക​ളു​ടെ ഉ​ദ്ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു മ​ന്ത്രി.

കേ​ര​ള​ത്തി​ന്റെ ഉ​ന്ന​ത വി​ദ്യാ​ഭ്യാ​സ മേ​ഖ​ല മു​ന്നേ​റ്റ​ത്തി​ന്റെ പാ​ത​യി​ലൂ​ടെ ക​ട​ന്നു​പോ​കു​ന്ന സ​മ​യ​മാ​ണി​ത്. അ​ഭ്യ​സ്ഥ​വി​ദ്യ​രു​ടെ തൊ​ഴി​ലി​ല്ലാ​യ്മ​യെ​ന്ന പ്ര​ശ്നം പ​രി​ഹ​രി​ക്കു​ന്ന​തി​ന് ക​ഴി​യു​ന്ന വി​ധ​ത്തി​ൽ തൊ​ഴി​ലും വി​ദ്യാ​ഭ്യാ​സ​വും ത​മ്മി​ലു​ള്ള ബ​ന്ധം കൂ​ടു​ത​ൽ ശ​ക്തി​പ്പെ​ടു​ത്തു​ക​യാ​ണ്. ആ ​രീ​തി​യി​ലു​ള്ള ക​രി​ക്കു​ലം ഫ്രെ​യിം വ​ർ​ക്ക് ത​യാ​റാ​ക്കി നാ​ല് വ​ർ​ഷ ബി​രു​ദ പ്രോ​ഗ്രാം വി​ജ​യ​ക​ര​മാ​യി ന​ട​പ്പാ​ക്കി വ​രു​ന്നു. സി​വി​ൽ സ​ർ​വി​സ് ഫ​ലം വ​ന്ന​പ്പോ​ൾ ആ​ദ്യ നൂ​റി​ൽ ആ​റു​പേ​ർ മ​ല​യാ​ളി​ക​ളാ​ണെ​ന്ന​തും അ​തി​ൽ അ​ഞ്ച് പേ​രും പെ​ൺ​കു​ട്ടി​ക​ളാ​ണെ​ന്ന​തും അ​ഭി​മാ​ന​ക​ര​മാ​ണ്. 40ൽ​പ​രം പേ​ർ സി​വി​ൽ സ​ർ​വീ​സി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടി​രി​ക്കു​ന്നു. ഇ​തെ​ല്ലാം ഉ​യ​രു​ന്ന ഉ​ന്ന​ത വി​ദ്യാ​ഭ്യാ​സ മേ​ഖ​ല​യു​ടെ സൂ​ചി​ക​ക​ളാ​ണെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

പ്രതിഭകളുടെ സംഗമവേദിയായി ടോപ്പേഴ്സ് ടോക്ക്

കൊ​ച്ചി: ആ​ത്മ​വി​ശ്വാ​സ​ത്തി​ന്റെ ചി​റ​കി​ലേ​റി വി​ജ​യ​ത്തി​ന്റെ ആ​കാ​ശ​ങ്ങ​ളെ​ത്തി​പ്പി​ടി​ച്ച പ്ര​തി​ഭ​ക​ളു​ടെ സം​ഗ​മ​മാ​യി മാ​ധ്യ​മം എ​ജു​ക​ഫേ​യി​ലെ ടോ​പ്പേ​ഴ്സ് ടോ​ക്ക്. കൊ​മേ​ഴ്​​സ്യ​ൽ പൈ​ല​റ്റ് ലൈ​സ​ൻ​സ് നേ​ടി​യ ആ​ലു​വ​യു​ടെ അ​ഭി​മാ​ന താ​രം റം​സാ​ന, അ​മേ​രി​ക്ക​യി​ലെ ടെ​ന്നി​സി സ​ർ​വ​ക​ലാ​ശാ​ല​യി​ൽ നി​ന്നു​ള്ള 67,000 യു.​എ​സ് ഡോ​ള​റി​ന്‍റെ സ്കോ​ള​ർ​ഷി​പ്പ് സ്വ​ന്ത​മാ​ക്കി​യ കോ​ട്ട​യം സി.​എം.​എ​സ് കോ​ള​ജി​ൽ നി​ന്നു​ള്ള ഗ​വേ​ഷ​ക വി​ദ്യാ​ർ​ഥി​ക​ളാ​യ ഷാ​ജി​ല സ​ലീം, ഷെ​റി​ൻ സൂ​സ​ൻ ചെ​റി​യാ​ൻ എ​ന്നി​വ​രും 90,404 പൗ​ണ്ടി​ന്‍റെ ഏ​റെ പ്ര​ശ​സ്ത​മാ​യ ഫെ​ലി​ക്സ് സ്കോ​ള​ർ​ഷി​പ്പ് നേ​ടി​യ കെ.​എം ഹാ​നി​യ മും​താ​സ്, സ്പെ​യി​നി​ൽ ന​ട​ന്ന അ​ന്താ​രാ​ഷ്ട്ര ഹാ​ൻ​ഡ്ബാ​ൾ ടൂ​ർ​ണ​മെൻറി​ൽ ഇ​ന്ത്യ​ക്കു വേ​ണ്ടി മി​ക​ച്ച പ്ര​ക​ട​നം കാ​ഴ്ച വെ​ച്ച റ​മീ​സ് പു​ളി​ക്ക​ൽ, ഐ.​ഐ.​ടി യു.​ജി ഡി​സൈ​നി​ങ് കോ​ഴ്സാ​യ യു​സീ​ഡ് (​യു.​സി.​ഇ.​ഇ.​ഡി) പ്ര​വേ​ശ​ന പ​രീ​ക്ഷ​യി​ൽ ദേ​ശീ​യ ത​ല​ത്തി​ൽ ര​ണ്ടാം റാ​ങ്ക് നേ​ടി​യ ആ​ദി​ത്യ ശ​ങ്ക​ർ എ​ന്നി​വ​രാ​ണ് അ​നു​ഭ​വ​ങ്ങ​ൾ പ​ങ്കു​വെ​ച്ച് വി​ദ്യാ​ർ​ഥി​ക​ൾ​ക്ക് ആ​ത്മ​വി​ശ്വാ​സം പ​ക​ർ​ന്ന​ത്. മേ​ഖ​ല​യോ​ടു​ണ്ടാ​യി​രു​ന്ന താ​ൽ​പ​ര്യ​മാ​ണ് ത​ന്നെ ഇ​വി​ടെ​വ​രെ എ​ത്തി​ച്ച​തെ​ന്ന് ഹാ​നി​യ മും​താ​സ് പ​റ​ഞ്ഞു. ക​ല​യെ മ​നു​ഷ്യ​ർ​ക്ക് വേ​ണ്ടി മാ​റ്റു​ന്ന​തി​നെ​യാ​ണ് ഡി​സൈ​നി​ങ് എ​ന്ന് പ​റ​യു​ന്ന​തെ​ന്ന് വ്യ​ക്ത​മാ​ക്കി​യാ​ണ് ആ​ദി​ത്യ ശ​ങ്ക​ർ സം​സാ​രി​ച്ചത്.

വ്യ​ത്യ​സ്ഥ മേ​ഖ​ല​ക​ളെ ആ​ഴ​ത്തി​ൽ പ​രി​ശോ​ധി​ച്ചാൽ മി​ക​ച്ച വ​ഴി​ക​ൾ തു​റ​ക്ക​പ്പെ​ടു​ക ത​ന്നെ ചെ​യ്യു​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ക്ലാ​സ് ക​ട്ട് ചെ​യ്യാ​ൻ വേ​ണ്ടി ക​ളി​ക്കാ​നി​റ​ങ്ങി​യ താ​ൻ വി​ജ​യ​ത്തി​ന്റെ പ​ടി​ക​ൾ ക​യ​റി​യ ക​ഥ​യാ​യി​രു​ന്നു റ​മീ​സ് പു​ളി​ക്ക​ലി​ന് പ​റ​യാ​നു​ണ്ടാ​യി​രു​ന്ന​ത്. മിപ​ര​മ്പ​രാ​ഗ​ത ക​രി​യ​ർ ഓ​പ്ഷ​നു​ക​ളി​ൽ നി​ന്നു മാ​റി, ഇ​ഷ്ട​മേ​ഖ​ല​യി​ലൂ​ടെ സ​ഞ്ച​രി​ച്ച​പ്പോ​ൾ എ​ത്തി​പ്പി​ടി​ക്കാ​നാ​യ വ​ലി​യ നേ​ട്ട​ത്തെ​ക്കു​റി​ച്ച് ഷെ​റി​ൻ സൂ​സ​ൻ ചെ​റി​യാ​നും ഷ​ജി​ല സ​ലീ​മും സം​സാ​രി​ച്ച​പ്പോ​ൾ നി​റ​കൈ​യ​ടി​ക​ളോ​ടെ​യാ​ണ് സ​ദ​സ്സ് സ്വീ​ക​രി​ച്ച​ത്. ക​രി​യ​ർ ക​ൺ​സ​ൾ​ട്ട​ന്‍റ്​ കെ.​എ​സ്. അ​ബ്ദു​ൽ ക​രീം മോ​ഡ​റേ​റ്റ​റാ​യി. പ്ര​തി​ഭ​ക​ൾ​ക്ക് ഉ​ന്ന​ത വി​ദ്യാ​ഭ്യാ​സ മ​ന്ത്രി ആ​ർ. ബി​ന്ദു ഉ​പ​ഹാ​രം ന​ൽ​കി.

അവസരങ്ങളുടെ വിശാലമായ പാത തുറന്നിട്ട് സ്റ്റാളുകൾ

കൊ​ച്ചി: അ​റി​വി​ന്റെ​യും അ​വ​സ​ര​ങ്ങ​ളു​ടെ​യും വി​ശാ​ല​മാ​യ പാ​ത തു​റ​ന്നി​ട്ട് മാ​ധ്യ​മം എ​ജു​ക​ഫേ​യി​ലെ വി​ദ്യാ​ഭ്യാ​സ സ്റ്റാ​ളു​ക​ൾ. വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളെ അ​ധി​കൃ​ത​ർ പ​രി​ച​യ​പ്പെ​ടു​ത്തി. മി​ക​വു​റ്റ വി​ദ്യാ​ഭ്യാ​സ​ത്തി​നും ഭാ​വി​ക്കും വി​ദ്യാ​ർ​ഥി​ക​ളു​ടെ അ​ഭി​രു​ചി​ക​ൾ തി​രി​ച്ച​റി​ഞ്ഞ് മ​റു​പ​ടി​ക​ൾ ന​ൽ​കാ​ൻ ഓ​രോ സ്റ്റാ​ളു​ക​ളി​ലും വി​ദ​ഗ്​​ധ​രു​ടെ സേ​വ​ന​വു​മു​ണ്ടാ​യി​രു​ന്നു. പ​ഠ​ന രീ​തി, മി​ക​ച്ച സ്ഥാ​പ​ന​ങ്ങ​ൾ തി​രി​ച്ച​റി​യ​ൽ, അ​വി​ടെ ല​ഭി​ക്കു​ന്ന സൗ​ക​ര്യ​ങ്ങ​ൾ, സ്കോ​ള​ർ​ഷി​പ്പു​ക​ൾ, കേ​ര​ള​ത്തി​ന് പു​റ​ത്തു​ള്ള വി​ദ്യാ​ഭ്യാ​സ അ​വ​സ​ര​ങ്ങ​ൾ, പ്ര​വേ​ശ​ന രീ​തി​ക​ൾ, പ്ര​വേ​ശ​ന പ​രീ​ക്ഷ​ക​ൾ എ​ന്നി​വ​യൊ​ക്കെ വി​ദ്യാ​ർ​ഥി​ക​ൾ ചോ​ദി​ച്ച് മ​ന​സി​ലാ​ക്കി.

സി​ജി​യു​ടെ നേ​തൃ​ത്വ​ത്തി​ലു​ള്ള സൗ​ജ​ന്യ ക​രി​യ​ർ കൗ​ൺ​സ​ലി​ങ്, സൈ​ക്കോ​ള​ജി​സ്റ്റു​ക​ളും ലൈ​ഫ് കോ​ച്ചു​ക​ളു​മൊ​ക്കെ അ​ണി​നി​ര​ന്ന ബി​ക​മി​ങ് വെ​ൽ​നെ​സ് സ്റ്റാ​ൾ, ക​രി​യ​ർ ടെ​സ്റ്റു​ക​ൾ​ക്കു​ള്ള സ്റ്റാ​ളു​ക​ൾ എ​ന്നി​വ​യൊ​ക്കെ നൂ​റു​ക​ണ​ക്കി​ന് വി​ദ്യാ​ർ​ഥി​ക​ളാ​ണ് പ്ര​യോ​ജ​ന​പ്പെ​ടു​ത്തി​യ​ത്. വി​ദേ​ശ പ​ഠ​ന​ത്തി​ന് അ​വ​സ​ര​മൊ​രു​ക്കു​ന്ന നി​ര​വ​ധി സ്റ്റാ​ളു​ക​ളു​മു​ണ്ടാ​യി​രു​ന്നു. ഏ​റ്റ​വും സു​ര​ക്ഷി​ത​മാ​യി മി​ക​ച്ച വി​ദ്യാ​ഭ്യാ​സം നേ​ടാ​ൻ സ​ഹാ​യി​ക്കു​ന്ന വി​ദേ​ശ സ്ഥാ​പ​ന​ങ്ങ​ളെ​യും പ​രി​ച​യ​പ്പെ​ടു​ത്തി. കേ​ര​ള​ത്തി​ലും പു​റ​ത്തു​മു​ള്ള വ്യ​ത്യ​സ്ത മേ​ഖ​ല​ക​ളി​ലു​ള്ള കോ​ള​ജു​ക​ളു​ടെ സ്റ്റാ​ളു​ക​ളും ശ്ര​ദ്ധേ​യ​മാ​ണ്.

എ​ഞ്ചി​നി​യ​റി​ങ്, മെ​ഡി​ക്ക​ൽ, ഏ​വി​യേ​ഷ​ൻ, റോ​ബോ​ട്ടി​ക്സ്, ആ​ർ​കി​ടെ​ക്ച​ർ, ഐ.​ടി തു​ട​ങ്ങി​യ മേ​ഖ​ല​ക​ളി​ലെ ഏ​റ്റ​വും പ്ര​മു​ഖ സ്ഥാ​പ​ന​ങ്ങ​ളു​ടെ സ്റ്റാ​ളു​ക​ളും എ​ജു​ക​ഫേ​യി​ലു​ണ്ട്. ക​രി​യ​ർ ടെ​സ്റ്റു​ക​ൾ​ക്കു​ള്ള സ്റ്റാ​ളു​ക​ളി​ലും വി​ദ്യാ​ർ​ഥി​ക​ളു​ടെ നി​റ​സാ​ന്നി​ധ്യ​മു​ണ്ടാ​യി​രു​ന്നു.

എജുകഫേയിൽ ഇന്ന്

തീ​വ്ര​വാ​ദി ആ​ക്ര​മ​ണ​ത്തി​ൽ സ്വ​ന്തം മു​ഖം ത​ക​ർ​ന്നി​ട്ടും രാ​ജ്യ​ത്തി​നാ​യി പൊ​രു​തി​യ ഫി​യ​ർ​ലെ​സ് മാ​ൻ ഓ​ഫ് ഇ​ന്ത്യ ല​ഫ്. കേ​ണ​ൽ ഋ​ഷി രാ​ജ​ല​ക്ഷ്മി​യു​മാ​യു​ള്ള സം​വാ​ദം ഇ​ന്ന്​ എ​ജു ക​ഫേ​യി​ൽ. ക​രി​യ​റി​ലും വി​ദ്യാ​ഭ്യാ​സ​ത്തി​ലും തി​ള​ങ്ങി​യ പ്ര​തി​ഭ​ക​ളു​ടെ വി​ജ​യ​ക​ഥ പ​റ​യു​ന്ന സ​ക്സ​സ് ചാ​റ്റും വെ​ള്ളി​യാ​ഴ്ച​ത്തെ ഹൈ​ലൈ​റ്റാ​ണ്. സോ​ഷ്യ​ൽ മീ​ഡി​യ അ​ഡി​ക്ഷ​നെ കു​റി​ച്ച് ച​ർ​ച്ച ചെ​യ്യു​ന്ന മെൻറ​ൽ വെ​ൽ​ന​സ് ചാ​റ്റും ശ്ര​ദ്ധേ​യ​മാ​കും. സൈ​ബ​ർ നി​യ​മ വി​ദ​ഗ്ധ​ൻ അ​ഡ്വ. ജി​യാ​സ് ജ​മാ​ൽ, ഡി​ജി​റ്റ​ൽ ക്രി​യേ​റ്റ​ർ സൂ​സ​ൻ അ​ബ്ര​ഹാം, ബ്രി​ഡ്ജി​യോ​ൺ ഫൗ​ണ്ട​റും സി.​ഇ.​ഒ​യു​മാ​യ ജാ​ബി​ർ ഇ​സ്മാ​യി​ൽ തു​ട​ങ്ങി വി​വി​ധ മേ​ഖ​ല​ക​ളി​ലെ വി​ദ​ഗ്ധ​രു​ടെ സെ​ഷ​നു​ക​ളും വെ​ള്ളി​യാ​ഴ്ച​യു​ണ്ട്.