പു​ണെ സാ​യു​ധ​സേ​ന മെ​ഡി. കോ​ള​ജി​ൽ സൗ​ജ​ന്യ എം.​ബി.​ബി.​എ​സ് പ​ഠ​ന​വും ക​മീ​ഷ​ൻ​ഡ് ഓ​ഫി​സ​ർ ജോ​ലി​യും

നീ​റ്റ്-​യു.​ജി 2025 റാ​ങ്ക് ജേ​താ​ക്ക​ൾ​ക്ക് രാ​ജ്യ​ത്തെ പ്ര​മു​ഖ സ്ഥാ​പ​ന​മാ​യ പു​ണെ സാ​യു​ധ​സേ​ന മെ​ഡി​ക്ക​ൽ കോ​ള​ജി​ൽ (എ.​എ​ഫ്.​എം.​സി) സൗ​ജ​ന്യ​മാ​യി എം.​ബി.​ബി.​എ​സ് പ​ഠ​നം ന​ട​ത്തി ല​ഫ്റ്റ​ന​ന്റ് പ​ദ​വി​യി​ൽ ക​മീ​ഷ​ൻ​ഡ് ഓ​ഫി​സ​റാ​യി ജോ​ലി നേ​ടാ​ൻ മി​ക​ച്ച അ​വ​സ​രം. വൈ​ദ്യ​ശാ​സ്ത്ര ഉ​ന്ന​ത വി​ദ്യാ​ഭ്യാ​സ-​ഗ​വേ​ഷ​ണ രം​ഗ​ത്തെ മി​ക​വി​ന്റെ കേ​ന്ദ്രം കൂ​ടി​യാ​ണി​ത്. 1948ലാ​ണ് കോ​ള​ജ് സ്ഥാ​പി​ത​മാ​യ​ത്. തു​ട​ക്ക​ത്തി​ൽ ബി​രു​ദാ​ന​ന്ത​ര കോ​ഴ്സു​ക​ൾ മാ​ത്രം.

1962 ൽ ​എം.​ബി.​ബി.​എ​സ് കോ​ഴ്സ് ആ​​രം​ഭി​ച്ചു. സാ​യു​ധ​സേ​ന മെ​ഡി​ക്ക​ൽ സ​ർ​വി​സ​സി​ലേ​ക്കാ​വ​ശ്യ​മാ​യ മെ​ഡി​ക്ക​ൽ ഓ​ഫി​സ​ർ​മാ​രെ വാ​ർ​ത്തെ​ടു​ക്കു​ക​യാ​ണ് ല​ക്ഷ്യം. ഇ​ന്നി​പ്പോ​ൾ വൈ​ദ്യ​ശാ​സ്ത്ര ബി​രു​ദ, ബി​രു​ദാ​ന​ന്ത​ര-​ഗ​വേ​ഷ​ണ പ​ഠ​ന​സൗ​ക​ര്യ​ങ്ങ​ളു​മാ​യി എ.​എ​ഫ്.​എം.​സി മു​ന്നേ​റു​ക​യാ​ണ്. നാ​സി​ക്കി​ലെ മ​ഹാ​രാ​ഷ്ട്ര യൂ​നി​വേ​ഴ്സി​റ്റി ഓ​ഫ് ഹെ​ൽ​ത്ത് സ​യ​ൻ​സ​സു​മാ​യി അ​ഫി​ലി​യേ​റ്റ് ചെ​യ്താ​ണ് കോ​ഴ്സു​ക​ൾ ന​ട​ത്തു​ന്ന​ത്. പ്ര​ഗ​ല്ഭ അ​ധ്യാ​പ​ക​രും മി​ക​ച്ച പ​ഠ​ന​സൗ​ക​ര്യ​ങ്ങ​ളു​മാ​ണ് ഇ​വി​ടെ​യു​ള്ള​ത്.

എം.​ബി.​ബി.​എ​സ്: കോ​ഴ്സ് കാ​ലാ​വ​ധി നാ​ല​ര വ​ർ​ഷം. തു​ട​ർ​ന്ന് ഒ​രു​വ​ർ​ഷ​ത്തെ നി​ർ​ബ​ന്ധി​ത ഇ​ന്റേ​ൺ​ഷി​പ് പ​രി​ശീ​ല​നം. ഈ ​വ​ർ​ഷം ആ​കെ 150 സീ​റ്റു​ക​ളാ​ണു​ള്ള​ത്. 115 ആ​ൺ​കു​ട്ടി​ക​ൾ​ക്കും 30 പെ​ൺ​കു​ട്ടി​ക​ൾ​ക്കും പ്ര​വേ​ശ​നം ല​ഭി​ക്കും.

ഓ​പ്ഷ​ൻ ര​ജി​സ്​​ട്രേ​ഷ​ൻ: നീ​റ്റ്-​യു.​ജി 2025 റാ​ങ്ക​ട​ക്കം യോ​ഗ്യ​ത​യു​ള്ള​വ​ർ​ക്ക് എ.​എ​ഫ്.​എം.​സി എം.​ബി.​ബി.​എ​സ് പ്ര​വേ​ശ​ന​മാ​ഗ്ര​ഹി​ക്കു​ന്ന​പ​ക്ഷം മെ​ഡി​ക്ക​ൽ കൗ​ൺ​സ​ലി​ങ് ക​മ്മി​റ്റി ന​ട​ത്തു​ന്ന ഓ​ൺ​ലൈ​ൻ കൗ​ൺ​സ​ലി​ങ്ങി​ൽ www.mcc.nic.in ൽ ​യ​ഥാ​സ​മ​യം (ജൂ​ലൈ 21-28 വ​രെ) ഓ​പ്ഷ​ൻ ര​ജി​സ്റ്റ​ർ ചെ​യ്യ​ണം. കൗ​ൺ​സ​ലി​ങ്/​ര​ജി​സ്ട്രേ​ഷ​ൻ ഷെ​ഡ്യൂ​ളു​ക​ൾ ഇ​തേ വെ​ബ്സൈ​റ്റി​ലു​ണ്ട്. 1600 ആ​ൺ​കു​ട്ടി​ക​ളും 400 പെ​ൺ​കു​ട്ടി​ക​ളു​മ​ട​ക്കം 2000​ പേ​രു​ടെ ലി​സ്റ്റ് ര​ജി​സ്റ്റ​ർ ചെ​യ്ത​വ​രു​ടെ ലി​സ്റ്റ് സ്ക്രീ​നി​ങ്ങി​നാ​യി ഷോ​ർ​ട്ട്‍ലി​സ്റ്റ് ചെ​യ്യും.

സെ​ല​ക്ഷ​ൻ: സ്ക്രീ​നി​ങ് പ​ട്ടി​ക​യി​ലു​ള്ള​രെ ക​മ്പ്യൂ​ട്ട​ർ അ​ധി​ഷ്ഠി​ത ടെ​സ്റ്റ് ഓ​ഫ് ഇം​ഗ്ലീ​ഷ് ലാം​ഗ്വേ​ജ് ആ​ൻ​ഡ് റീ​സ​ണി​ങ് , സൈ​ക്കോ​ള​ജി​ക്ക​ൽ അ​സ​സ്മെ​ന്റ് ടെ​സ്റ്റ്, വ്യ​ക്തി​ഗ​ത അ​ഭി​മു​ഖം, വൈ​ദ്യ​പ​രി​ശോ​ധ​ന എ​ന്നി​വ ന​ട​ത്തി മെ​റി​റ്റ്ലി​സ്റ്റും വെ​യി​റ്റ് ലി​സ്റ്റും ത​യാ​റാ​ക്കും.

ടെ​സ്റ്റ് സ്കോ​റും ഇ​ന്റ​ർ​വ്യൂ മാ​ർ​ക്കും നീ​റ്റ് സ്കോ​റി​നൊ​പ്പം ചേ​ർ​ത്താ​ണ് അ​ന്തി​മ മെ​റി​റ്റ്ലി​സ്റ്റ് ത​യാ​റാ​ക്കു​ക. സൈ​ക്കോ​ള​ജി​ക്ക​ൽ അ​സ​സ്മെ​ന്റ് ടെ​സ്റ്റ് സ്കോ​ർ ഫൈ​ന​ൽ മെ​റി​റ്റി​ലേ​ക്ക് പ​രി​ഗ​ണി​ക്കു​ന്ന​ത​ല്ല. പ്ര​വേ​ശ​ന വി​വ​ര​ങ്ങ​ള​ട​ങ്ങി​യ ബ്രോ​ഷ​ർ വെ​ബ്സൈ​റ്റി​ൽ ല​ഭ്യ​മാ​ണ്.

പ്ര​വേ​ശ​ന യോ​ഗ്യ​ത: അ​വി​വാ​ഹി​ത​ർ​ക്കാ​ണ് പ്ര​വേ​ശ​നം. കോ​ഴ്സ് കാ​ല​യ​ള​വി​ൽ വി​വാ​ഹം അ​നു​വ​ദി​ക്കി​ല്ല. വി​വ​ര​ണ പ​ത്രി​ക​യി​ൽ നി​ഷ്‍ക​ർ​ഷി​ച്ചി​ട്ടു​ള്ള മെ​ഡി​ക്ക​ൽ, ഫി​സി​ക്ക​ൽ ഫി​റ്റ്ന​സ്, ശാ​രീ​രി​ക യോ​ഗ്യ​ത​ക​ൾ ഉ​ണ്ടാ​യി​രി​ക്ക​ണം. 2025 ഡി​സം​ബ​ർ 31ന് 17 ​വ​യ​സ്സ് തി​ക​യ​ണം. 24 ക​വി​യാ​നും പാ​ടി​ല്ല.

ഫി​സി​ക്സ്, കെ​മി​സ്ട്രി, ബ​യോ​ള​ജി അ​ല്ലെ​ങ്കി​ൽ ബ​യോ​ടെ​ക്നോ​ള​ജി വി​ഷ​യ​ങ്ങ​ൾ​ക്ക് മൊ​ത്തം 60 ശ​ത​മാ​നം മാ​ർ​ക്കി​ൽ കു​റ​യാ​തെ​യും ഈ ​ശാ​സ്ത്ര​വി​ഷ​യ​ങ്ങ​ൾ​ക്ക് ഓ​രോ​ന്നി​നും 50 ശ​ത​മാ​നം മാ​ർ​ക്കി​ൽ കു​റ​യാ​തെ​യും ഇം​ഗ്ലീ​ഷി​ന് 50 ശ​ത​മാ​നം മാ​ർ​ക്കി​ൽ കു​റ​യാ​തെ​യും ആ​ദ്യ​ത​വ​ണ പ്ല​സ് ടു/​ഹ​യ​ർ​​സെ​ക്ക​ൻ​ഡ​റി/​ത​ത്തു​ല്യ ബോ​ർ​ഡ് പ​രീ​ക്ഷ പാ​സാ​യി​രി​ക്ക​ണം. പ​ത്താം ക്ലാ​സ് പ​രീ​ക്ഷ​യി​ൽ മാ​ത്ത​മാ​റ്റി​ക്സ് വി​ജ​യി​ക്കു​ക​യും വേ​ണം.

പ്ര​വേ​ശ​ന​സ​മ​യ​ത്ത് ര​ക്ഷി​താ​ക്ക​ൾ 69 ല​ക്ഷം രൂ​പ​യു​ടെ ബോ​ണ്ട് ഉ​ൾ​പ്പെ​ടു​ന്ന സ​മ്മ​ത​പ​ത്ര​ം നൽകണം. ​പ്രവേശനം നേ​ടി ഏ​ഴു​ദി​വ​സ​ത്തി​നു​ശേ​ഷം കോ​ഴ്സ് നി​ർ​ത്തി പോ​കു​ന്ന പ​ക്ഷം ബോ​ണ്ട് തു​ക (69 ല​ക്ഷം) ​കോ​ള​ജി​ന് ന​ൽ​കേ​ണ്ടി​വ​രും. ട്യൂ​ഷ​ൻ​ഫീ​സും മ​റ്റ് ഫീ​സു​ക​ളു​മ​ട​ക്ക​മു​ള്ള കോ​ഴ്സ് ഫീ​സാ​ണ് ഈ​ടാ​ക്കു​ക. പ​ഠ​നം പൂ​ർ​ത്തി​യാ​ക്കു​ന്ന​വ​ർ സാ​യു​ധ​സേ​ന മെ​ഡി​ക്ക​ൽ സ​ർ​വി​സ​സി​ൽ സേ​വ​ന​മ​നു​ഷ്ഠി​ക്കാ​ൻ ബാ​ധ്യ​സ്ഥ​മാ​ണ്.

ആ​നു​കൂ​ല്യ​ങ്ങ​ൾ: പ്ര​വേ​ശ​നം ല​ഭി​ക്കു​ന്ന​വ​ർ ഹോ​സ്റ്റ​ലി​ൽ താ​മ​സി​ച്ച് പ​ഠി​ക്ക​ണം. ട്യൂ​ഷ​ൻ ഫീ​സ​ട​ക്ക​മു​ള്ള ചെ​ല​വു​ക​ൾ സ​ർ​ക്കാ​ർ വ​ഹി​ക്കും. അ​വ​ധി​ക്കാ​ലം വീ​ട്ടി​ൽ വ​ന്ന് പോ​കു​ന്ന​തി​ന് എ.​സി 3 ടി​യ​ർ റെ​യി​ൽ​വേ വാ​റ​ന്റ്, 60,000 രൂ​പ വാ​ർ​ഷി​ക ബു​ക്ക് അ​ല​വ​ൻ​സ്, വാ​ർ​ഷി​ക സ്റ്റേ​ഷ​ന​റി അ​ല​വ​ൻ​സ് 1680 രൂ​പ, ആ​ദ്യ​വ​ർ​ഷം 6000 രൂ​പ യൂ​നി​ഫോം അ​ല​വ​ൻ​സ് തു​ട​ർ​ന്നു​ള്ള ഓ​രോ​വ​ർ​ഷ​വും 1250 രൂ​പ വീ​തം മെ​യി​ന്റ​ന​ൻ​സ് അ​ല​വ​ൻ​സ്, പ്ര​തി​മാ​സ വാ​ഷി​ങ് അ​ല​വ​ൻ​സ് 840 രൂ​പ, ചി​കി​ത്സാ സ​ഹാ​യം മു​ത​ലാ​യ ആ​നു​കൂ​ല്യ​ങ്ങ​ളു​മു​ണ്ട്. പ​ഠ​ന​ശേ​ഷം സാ​യു​ധ​സേ​ന മെ​ഡി​ക്ക​ൽ സ​ർ​വി​സി​ൽ സേ​വ​ന​മു​ന​ഷ്ഠി​ക്കാ​ൻ ബാ​ധ്യ​സ്ഥ​രാ​ണ്.

എം.​ബി.​ബി.​എ​സ് വി​ജ​യ​ക​ര​മാ​യി പൂ​ർ​ത്തി​യാ​ക്കു​ന്ന​വ​ർ​ക്ക് ല​ഫ്റ്റ​ന​ന്റ് പ​ദ​വി​യി​ൽ ക​മീ​ഷ​ൻ​ഡ് ഓ​ഫി​സ​റാ​യി ആ​ക​ർ​ഷ​ക​മാ​യ ശ​മ്പ​ള​ത്തി​ൽ ജോ​ലി ല​ഭി​ക്കു​ന്ന​താ​ണ്. നി​ര​വ​ധി ആ​നു​കൂ​ല്യ​ങ്ങ​ളും ഉ​ദ്യോ​ഗ​ക്ക​യ​റ്റ സാ​ധ്യ​ത​ക​ളു​മു​ണ്ട്.