ജെ.ഇ.ഇ അഡ്വാൻസ്‍ഡ് ഫലം പ്രഖ്യാപിച്ചു; രജിത് ഗുപ്ത ഒന്നാമൻ

ന്യൂഡൽഹി: ഐ.ഐ.ടികളിലേക്കുള്ള പ്രവേശന പരീക്ഷയായ ജെ.ഇ.ഇ അഡ്വാൻസ്ഡ് ഫലം പ്രഖ്യാപിച്ചു. ഡൽഹി സോണിലെ രജിത് ഗുപ്തയാണ് ദേശീയ തലത്തിൽ ഒന്നാമതെത്തിയത്. 360 ൽ 332 മാർക്കാണ് രജിത് ഗുപ്തക്ക് ലഭിച്ചത്.

ഖരഗ്പൂർ സോണിലെ ദേവ്ദത്ത മജ്ഹിയാണ് പെൺകുട്ടികളിൽ ദേശീയ തലത്തിൽ ഒന്നാമ​ത്. 360ൽ 312 മാർക്കാണ് ദേവ്ദത്തക്ക് ലഭിച്ചത്.

ആകെ 1,80,422 വിദ്യാർഥികളാണ് മേയ് 18ന് നടന്ന ജെ.ഇ.ഇ അഡ്വാൻസ്ഡ് പേപ്പർ1, പേപ്പർ 2 പരീക്ഷകൾ എഴുതിയത്. അതിൽ 54378 പേർ യോഗ്യത നേടി. പരീക്ഷയിൽ യോഗ്യത നേടിയ വിദ്യാർഥികൾ 9404 പേർ പെൺകുട്ടിയാണ്.

jeeadv.ac.in എന്ന വെബ്സൈറ്റ് വഴി ഫലമറിയാം.