നീറ്റ് പി.ജി പരീക്ഷ ആഗസ്റ്റ് മൂന്നിന്; ആവശ്യം അംഗീകരിച്ച് സുപ്രീംകോടതി

ന്യൂ​ഡ​ൽ​ഹി: മെ​ഡി​ക്ക​ല്‍ പി.​ജി പ്ര​വേ​ശ​ന പ​രീ​ക്ഷ (നീ​റ്റ് പി.​ജി) ആ​ഗ​സ്റ്റ് മൂ​ന്നി​ലേ​ക്ക് മാ​റ്റി​വെ​ക്കാ​നു​ള്ള നാ​ഷ​ന​ല്‍ ബോ​ര്‍ഡ് ഓ​ഫ് എ​ക്സാ​മി​നേ​ഷ​ന്‍സ് ഇ​ൻ മെ​ഡി​ക്ക​ൽ സ​യ​ൻ​സ​സി​ന്റെ (എ​ൻ.‌​ബി.‌​ഇ.​എം‌.​എ​സ്) ആ​വ​ശ്യം അം​ഗീ​ക​രി​ച്ച് സു​പ്രീം​കോ​ട​തി. പ​രീ​ക്ഷ ഒ​റ്റ ഷി​ഫ്റ്റാ​യി ന​ട​ത്ത​ണ​മെ​ന്ന് നേ​ര​ത്തേ ​കോ​ട​തി നി​ർ​ദേ​ശം ന​ൽ​കി​യി​രു​ന്നു. തു​ട​ർ​ന്ന്, അ​ധി​ക സ​ജ്ജീ​ക​ര​ണ​ങ്ങ​ൾ ഒ​രു​ക്കാ​ൻ കൂ​ടു​ത​ൽ സ​മ​യം അ​നു​വ​ദി​ക്ക​ണ​​മെ​ന്ന് എ​ൻ.‌​ബി.‌​ഇ.​എം‌.​എ​സ് ആ​വ​ശ്യ​പ്പെ​ടു​ക​യാ​യി​രു​ന്നു. നേ​ര​ത്തേ, ജൂ​ൺ 15ന് ​ര​ണ്ട് ഷി​ഫ്റ്റാ​യാ​ണ് പ​രീ​ക്ഷ ന​ട​ത്താ​ൻ തീ​രു​മാ​നി​ച്ചി​രു​ന്ന​ത്.

2.5 ല​ക്ഷ​ത്തി​ല​ധി​കം വി​ദ്യാ​ർ​ഥി​ക​ൾ​ക്ക് ഒ​റ്റ ഷി​ഫ്റ്റി​ൽ പ​രീ​ക്ഷ ന​ട​ത്താ​ൻ നി​ല​വി​ൽ നി​ശ്ച​യി​ച്ച​തി​​ന്റെ ഇ​ര​ട്ടി​യോ​ളം കേ​ന്ദ്ര​ങ്ങ​ൾ ആ​വ​ശ്യ​മാ​ണ്. ഇ​ത്ത​ര​ത്തി​ൽ 900 കേ​ന്ദ്ര​ങ്ങ​ൾ നി​ർ​ണ​യി​ക്കു​ക​യും സം​വി​ധാ​ന​ങ്ങ​ൾ ഒ​രു​ക്കു​ക​യും വേ​ണം. വി​ദ്യാ​ർ​ഥി​ക​ൾ​ക്ക് പ​രീ​ക്ഷ കേ​ന്ദ്ര​ങ്ങ​ൾ തെ​ര​ഞ്ഞെ​ടു​ക്കാ​ൻ വീ​ണ്ടും അ​വ​സ​ര​മൊ​രു​ക്ക​ണം. ഇ​തി​നു കൂ​ടു​ത​ൽ സ​മ​യം ആ​വ​ശ്യ​മാ​ണെ​ന്ന് എ​ൻ.‌​ബി.‌​ഇ.​എം‌.​എ​സ് കോ​ട​തി​യി​ൽ ചൂ​ണ്ടി​ക്കാ​ട്ടി. പി​ന്നാ​ലെ, ജൂ​ലൈ​യി​ലെ ര​ണ്ടാ​മ​ത്തെ​യോ മൂ​ന്നാ​മ​ത്തെ​യോ ആ​ഴ്ച​യി​ല്‍ എ​ന്തു​കൊ​ണ്ടാ​ണെ​ന്ന് പ​രീ​ക്ഷ ന​ട​ത്താ​നാ​വാ​​ത്ത​തെ​ന്ന് കോ​ട​തി ആ​രാ​ഞ്ഞു. എ​ന്തി​നാ​ണ് ര​ണ്ടു മാ​സം കൂ​ടി ആ​വ​ശ്യ​പ്പെ​ടു​ന്ന​തെ​ന്ന് ചോ​ദി​ച്ച കോ​ട​തി പ​രീ​ക്ഷ വൈ​കു​ന്ന​ത് മു​ഴു​വ​ന്‍ പ്ര​വേ​ശ​ന പ്ര​ക്രി​യ​യും വൈ​കി​പ്പി​ക്കു​മെ​ന്നും നി​രീ​ക്ഷി​ച്ചു.

നി​ര​വ​ധി ഉ​ന്ന​ത​ത​ല യോ​ഗ​ങ്ങ​ൾ​ക്കു ശേ​ഷ​മാ​ണ് ആ​ഗ​സ്റ്റ് മൂ​ന്ന് എ​ന്ന തീ​യ​തി​യി​ൽ എ​ത്തി​യ​തെ​ന്ന് കേ​ന്ദ്ര​ത്തി​നു​വേ​ണ്ടി ഹാ​ജ​രാ​യ അ​ഡീ​ഷ​ന​ൽ സോ​ളി​സി​റ്റ​ർ ജ​ന​റ​ൽ കെ.​എം. ന​ട​രാ​ജ് പ​റ​ഞ്ഞു. പ​രീ​ക്ഷ​യു​ടെ സ​മ​ഗ്ര​ത​ക്കും സു​ര​ക്ഷ​ക്കും പ്ര​ഥ​മ പ​രി​ഗ​ണ​ന ന​ൽ​ക​ണ​മെ​ന്ന് ജ​സ്റ്റി​സ് മി​ശ്ര അ​ഭി​പ്രാ​യ​പ്പെ​ട്ടു. മേ​യ് 30നാ​ണ് പ​രീ​ക്ഷ​ക്ക് അ​നു​മ​തി ന​ല്‍കി മു​ന്‍ ഉ​ത്ത​ര​വ് പു​റ​പ്പെ​ടു​വി​ച്ച​തെ​ന്ന് കോ​ട​തി ഓ​ര്‍മി​പ്പി​ച്ചു. അ​തി​നു പി​ന്നാ​ലെ എ​ന്താ​ണ് ചെ​യ്ത​തെ​ന്നും ജ​സ്റ്റി​സ് പി.​കെ. മി​ശ്ര, ജ​സ്റ്റി​സ് എ.​ജി. മാ​സി​ഹ് എ​ന്നി​വ​ര​ട​ങ്ങി​യ ബെ​ഞ്ച് ചോ​ദി​ച്ചു. ഒ​രു ത​ര​ത്തി​ലും പ​രീ​ക്ഷ​യി​ല്‍ വി​ട്ടു​വീ​ഴ്ച ചെ​യ്യാ​ന്‍ ആ​ഗ്ര​ഹി​ക്കു​ന്നി​ല്ലെ​ന്നും വി​ദ്യാ​ർ​ഥി​ക​ളു​ടെ താ​ല്‍പ​ര്യ​ങ്ങ​ള്‍ക്കു​വേ​ണ്ടി മാ​ത്ര​മാ​ണ് അ​ധി​ക സ​മ​യം ആ​വ​ശ്യ​പ്പെ​ടു​ന്ന​തെ​ന്നും എ​ൻ.​ഇ.​ബി കോ​ട​തി​യി​ൽ വ്യ​ക്ത​മാ​ക്കി.

ര​ണ്ട് ഷി​ഫ്റ്റു​ക​ളി​ലാ​യി പ​രീ​ക്ഷ ന​ട​ത്തു​മ്പോ​ൾ വ്യ​ത്യ​സ്ത ചോ​ദ്യ​പേ​പ്പ​റു​ക​ൾ ന​ൽ​കു​ന്ന​ത് പ​രീ​ക്ഷ​യു​ടെ ഏ​കീ​കൃ​ത നി​ല​വാ​ര​ത്തെ ബാ​ധി​ക്കു​മെ​ന്ന് വാ​ദി​ച്ച് ഒ​രു കൂ​ട്ടം വി​ദ്യാ​ർ​ഥി​ക​ളാ​ണ് കോ​ട​തി​യെ സ​മീ​പി​ച്ച​ത്.