വിർച്വൽ അറസ്റ്റ് വഴി തട്ടിപ്പ്; വിഡിയോ കാളിൽ പ്രത്യക്ഷപ്പെട്ടത് മുഖ്യസൂത്രധാരന്മാർ

കൊ​ടു​ങ്ങ​ല്ലൂ​ർ: മ​തി​ല​കം പൊ​ലീ​സ് പ​രി​ധി​യി​ലെ കൂ​ളി​മു​ട്ടം സ്വ​ദേ​ശി​ക​ളാ​യ വ​യോ​ധി​ക ദ​മ്പ​തി​ക​ളെ വി​ഡി​യോ കാ​ൾ വ​ഴി വി​ർ​ച്വ​ൽ അ​റ​സ്റ്റി​ലാ​ണെ​ന്ന് ഭീ​ഷ​ണി​പ്പെ​ടു​ത്തി 18 ല​ക്ഷ​ത്തി​ലേ​റെ രൂ​പ ത​ട്ടി​യെ​ടു​ത്ത​ത് മും​ബൈ സിം ​കാ​ർ​ഡ് ഉ​പ​യോ​ഗി​ച്ചു​ള്ള കെ​ണി​യെ​ന്ന് സൂ​ച​ന. ഭ​ർ​ത്താ​വ് മു​മ്പ് മും​ബൈ വ​ഴി യാ​ത്ര​ചെ​യ്ത​പ്പോ​ൾ സിം ​കാ​ർ​ഡ് എ​ടു​ത്തി​രു​ന്നു. ഈ ​ന​മ്പ​റി​ലേ​ക്ക് വി​ഡി​യോ കാ​ൾ ചെ​യ്താ​ണ് മു​ൻ പ്ര​വാ​സി​യാ​യ വ​യോ​ധി​ക​ന്റെ​യും ഭാ​ര്യ​യു​ടെ​യും 18 ല​ക്ഷ​ത്തി​ലേ​റെ രൂ​പ ത​ട്ടി​യെ​ടു​ത്ത​ത്.

ത​ട്ടി​പ്പി​ന്റെ മു​ഖ്യ​സൂ​ത്ര​ധാ​ര​ന്മാ​രാ​ണ് വി​ഡി​യോ കാ​ളി​ൽ പ്ര​ത്യ​ക്ഷ​പ്പെ​ട്ട​തെ​ന്നാ​ണ് പൊ​ലീ​സ് ക​രു​തു​ന്ന​ത്. സം​ഘ​ത്തി​ലെ ക​ണ്ണി​ക​ൾ മാ​ത്ര​മാ​ണ് ക​ഴി​ഞ്ഞ ദി​വ​സം കോ​ഴി​ക്കോ​ട് ബാ​ലു​ശ്ശേ​രി​യി​ൽ​നി​ന്ന് അ​റ​സ്റ്റി​ലാ​യ ര​ണ്ടു യു​വാ​ക്ക​ൾ. മും​ബൈ സ​ഹാ​ർ പൊ​ലീ​സ് സ്റ്റേ​ഷ​നി​ൽ മ​ണി ലോ​ണ്ട​റി​ങ് കേ​സു​ണ്ടെ​ന്ന് പൊ​ലീ​സ് വേ​ഷ​ത്തി​ൽ വി​ഡി​യോ കാ​ളി​ലൂ​ടെ വ​യോ​ധി​ക​നെ വി​ശ്വ​സി​പ്പി​ക്കു​ക​യാ​യി​രു​ന്നു. ഹി​ന്ദി വ​ശ​മു​ണ്ടാ​യി​രു​ന്ന ദ​മ്പ​തി​ക​ളെ ഭ​യ​പ്പെ​ടു​ത്തി വ​രു​തി​യി​ലാ​ക്കി​യ ത​ട്ടി​പ്പ് സം​ഘം ആ​രെ​യും അ​റി​യി​ക്കാ​നോ പു​റ​ത്തു​പോ​കാ​നോ അ​നു​വ​ദി​ക്കാ​തെ നി​യ​ന്ത്രി​ച്ചു.

ര​ണ്ടാം ദി​വ​സം ത​ട്ടി​പ്പു​സം​ഘ​ത്തി​ന് പ​ണ​മ​യ​ക്കാ​ൻ ദ​മ്പ​തി​ക​ൾ കാ​റി​ൽ പു​റ​പ്പെ​ട്ട​പ്പോ​ഴും ബാ​ങ്കി​ൽ ഇ​ട​പാ​ട് ന​ട​ത്തു​മ്പോ​ഴു​മെ​ല്ലാം ത​ട്ടി​പ്പ് സം​ഘം വി​ഡി​യോ കാ​ളി​ലൂ​ടെ ഇ​രു​വ​രെ​യും പി​ന്തു​ട​രു​ക​യാ​യി​രു​ന്നു. അ​ക്കൗ​ണ്ടു​ക​ളി​ലെ പ​ണ​ത്തി​ന് പു​റ​മെ, ക​ഴു​ത്തി​ലു​ണ്ടാ​യി​രു​ന്ന സ്വ​ർ​ണ​മാ​ല ക​ണ്ട​തോ​ടെ അ​ത് പ​ണ​യം​വെ​പ്പി​ച്ച് പ​ണം അ​യ​ക്കാ​നും സം​ഘം നി​ർ​ദേ​ശി​ച്ചു.

ഈ ​പ​ണ​വും മ​ഹാ​രാ​ഷ്ട്ര​യി​ലെ അ​ക്കൗ​ണ്ടി​ലേ​ക്ക് മാ​റ്റി​ച്ചു. പ​ണം അ​ക്കൗ​ണ്ടി​ലെ​ത്തി​യ ശേ​ഷ​മാ​ണ് ദ​മ്പ​തി​ക​ളെ വി​ർ​ച്വ​ൽ അ​റ​സ്റ്റി​ൽ​നി​ന്ന് മോ​ചി​പ്പി​ച്ച​ത്.