ഗുണ്ട കുടിപ്പകയിൽ ഒരു ജീവൻ കൂടി

ശ്രീ​കാ​ര്യം: ഗു​ണ്ട​ക​ൾ ത​മ്മി​ലു​ള്ള കു​ടി​പ്പ​ക​യാ​ണ് വെ​ട്ടു​ക​ത്തി ജോ​യി എ​ന്ന ജോ​യി​യുടെ (41) ജീ​വ​നെ​ടു​ത്ത​ത്. ചെ​റി​യ വാ​ക്കു​ത​ർ​ക്ക​ത്തി​നി​ട​യി​ൽ പോ​ലും കൈ​യി​ൽ ക​രു​തി​യ വെ​ട്ടു​ക​ത്തി കൊ​ണ്ട് എ​തി​രാ​ളി​യെ വെ​ട്ടു​ന്ന​താ​ണ് ജോ​യി​യു​ടെ രീ​തി. എ​പ്പോ​ഴും വെ​ട്ടു​ക​ത്തി കൊ​ണ്ടു​ന​ട​ക്കു​ന്ന​തി​നാ​ണ് വെ​ട്ടു​ക​ത്തി​ജോ​യ് എ​ന്ന പേ​ര് കി​ട്ടി​യ​ത്.

ആ​റു മാ​സ​ത്തി​ന് മു​മ്പ് പോ​ത്ത​ൻ​കോ​ട് പ്ലാ​മൂ​ട് പെ​ട്രോ​ൾ പ​മ്പി​ന് സ​മീ​പം ഈ ​കേ​സി​ലെ പ്ര​തി​ക​ൾ എ​ന്ന് സം​ശ​യി​ക്കു​ന്ന​വ​രെ ജോ​യ് വെ​ട്ടി​യി​രു​ന്നു. ആ ​കേ​സി​ൽ ജ​യി​ൽ​വാ​സം ക​ഴി​ഞ്ഞ് പു​റ​ത്തി​റ​ങ്ങി​യ​തി​ന് ശേ​ഷ​മാ​ണ് കാ​പ്പ നി​യ​മ​പ്ര​കാ​രം ജ​യി​ലി​ൽ ആ​യ​ത്. ജ​യി​ൽ​വാ​സം ക​ഴി​ഞ്ഞ് പു​റ​ത്തി​റ​ങ്ങി​യ ജോ​യ് ഓ​ട്ടോ ഓ​ടി​ക്കാ​ൻ തു​ട​ങ്ങി. മൂ​ന്നു​ദി​വ​സം മു​മ്പ് വ​ട്ട​പ്പാ​റ ഇ​ൻ​സ്പെ​ക്ട​ർ ശ്രീ​ജി​ത്തി​നു മു​മ്പാ​കെ ജോ​യ് ഹാ​ജ​രാ​യി. കു​ടും​ബ​ത്തെ​യും കു​ട്ടി​ക​ളെ​യും നോ​ക്കി മാ​ന്യ​മാ​യി ജീ​വി​ക്കു​മെ​ന്നും ഇ​നി ഒ​രു പ്ര​ശ്ന​ത്തി​നും പോ​കി​ല്ലെ​ന്നും പൊ​ലീ​സി​നോ​ട് ജോ​യ് പ​റ​ഞ്ഞു. ത​നി​ക്ക് വ​ധ​ഭീ​ഷ​ണി​യു​ണ്ടെ​ന്നും പ​റ​ഞ്ഞു. ഇ​പ്പോ​ൾ കൊ​ല​പാ​ത​ക​ത്തി​ൽ സം​ശ​യി​ക്കു​ന്ന പ്ര​തി​ക​ളു​ടെ പേ​ര് പ​റ​ഞ്ഞ് ഇ​വ​രി​ൽ നി​ന്ന് ത​നി​ക്ക് ഭീ​ഷ​ണി​യു​ണ്ടെ​ന്നും ജോ​യ് പോ​ലീ​സി​നോ​ട് പ​റ​ഞ്ഞു.

ന​ല്ല ന​ട​പ്പി​ന് ജീ​വി​ക്കു​ന്ന​തി​ന്റെ ഭാ​ഗ​മാ​യാ​ണ് ജോ​യി പൗ​ഡി​ക്കോ​ണം വി​ഷ്ണു ന​ഗ​റി​ൽ വീ​ട് വാ​ട​ക​ക്കെ​ടു​ത്ത് താ​മ​സ​മാ​യ​ത്. ജോ​യി​യു​ടെ ജീ​വ​ന് ഭീ​ഷ​ണി​യു​ണ്ടെ​ന്ന് സ്പെ​ഷ്യ​ൽ ബ്രാ​ഞ്ചും റി​പ്പോ​ർ​ട്ട് ചെ​യ്തി​രു​ന്നു.

മൂ​ന്നു പേ​ര​ട​ങ്ങു​ന്ന സം​ഘ​മാ​ണ് ഓ​ട്ടോ ഓ​ടി​ച്ചു വ​ന്ന ജോ​യി ചാ​യ കു​ടി​ക്കാ​നാ​യി നി​ർ​ത്തി​യ സ​മ​യ​ത്ത് ക്രൂ​ര​മാ​യി വെ​ട്ടി​ക്കൊ​ല​പ്പെ​ടു​ത്തി​യ​ത്. ഒ​രു ഇ​ട​വേ​ള​യ്ക്ക് ശേ​ഷം ജി​ല്ല​യി​ലെ റൂ​റ​ൽ കേ​ന്ദ്രീ​ക​രി​ച്ച് ഗു​ണ്ട​ക​ൾ ത​മ്പ​ടി​ക്കു​ന്ന​തി​ന്റെ തെ​ളി​വാ​യാ​ണ് ഈ ​കൊ​ല​പാ​ത​ക​ത്തെ പോ​ലീ​സ് കാ​ണു​ന്ന​ത്.