‘ദൃശ്യം മോഡൽ’ കൊല മുൻകാല പ്രാബല്യത്തോടെ; പെൺശബ്ദത്തിൽ ഫോൺ വിളിച്ച് അന്വേഷണം വഴി തെറ്റിക്കാൻ ശ്രമം

കാ​സ​ർ​കോ​ട്: കൊ​ല​പാ​ത​ക കേ​സു​ക​ളി​ൽ തെ​ളി​വു​ക​ൾ ന​ശി​പ്പി​ക്കാ​ൻ, മോ​ഹ​ൻ​ലാ​ൽ നാ​യ​ക​നാ​യി ജീ​ത്തു ജോ​സ​ഫ് സം​വി​ധാ​നം ചെ​യ്ത ദൃ​ശ്യം സി​നി​മ കാ​ര​ണ​മാ​യി എ​ന്നാ​ണ് പ​ഴി. എ​ന്നാ​ൽ, കാ​ഞ്ഞ​ങ്ങാ​ട് അ​മ്പ​ല​ത്ത​റ​യി​ൽ 15 വ​ർ​ഷം​മു​മ്പ് കാ​ണാ​താ​യ പെ​ൺ​കു​ട്ടി മ​രി​ച്ചു​വെ​ന്ന് അ​ന്വേ​ഷ​ണ സം​ഘം ക​ണ്ടെ​ത്തി​യ കേ​സി​ൽ തെ​ളി​വു​ക​ൾ ന​ശി​പ്പി​ക്കാ​ൻ പ്ര​തി സ്വീ​ക​രി​ച്ച വ​ഴി​ക​ൾ ദൃ​ശ്യം സി​നി​മ​യി​ലേ​തി​നു സ​മാ​ന​മാ​ണ്. 2013ലാ​ണ് ദൃ​ശ്യം സി​നി​മ ഇ​റ​ങ്ങി​യ​ത് എ​ങ്കി​ൽ അ​തി​നു മു​മ്പ് 2010ൽ ന​ട​ന്ന മ​ര​ണ​ത്തി​ൽ ഇ​പ്പോ​ൾ അ​റ​സ്റ്റി​ലാ​യ പാ​ണ​ത്തൂ​ർ ചെ​മ്പ​ലാ​ൽ സ്വ​ദേ​ശി ബൈ​ജു പൗ​ലോ​സ് തെ​ളി​വു​ന​ശി​പ്പി​ക്കാ​ൻ ദൃ​ശ്യം മോഡൽ മു​ൻ​കാ​ല പ്രാ​ബ​ല്യ​ത്തോ​ടെ നടപ്പാക്കി!!

കേ​സി​ൽ കൊ​ല​പാ​ത​ക വ​കു​പ്പ് നി​ല​വി​ൽ പ്ര​തി​ക്കെ​തി​രെ ചു​മ​ത്തി​യി​ട്ടി​ല്ല. ത​ട്ടി​ക്കൊ​ണ്ടു​പോ​ക​ൽ, ബ​ലാ​ത്സം​ഗം തു​ട​ങ്ങി​യ വ​കു​പ്പു​ക​ളാ​ണ് ചു​മ​ത്തി​യ​ത്. പെ​ൺ​കു​ട്ടി​ക്ക് ഫോ​ൺ വാ​ങ്ങി ന​ൽ​കി​യ​ത് പ്ര​തി​യാ​ണ്. 2010 ജൂ​ൺ ആ​റി​ന് പാ​ണ​ത്തൂ​ർ പ​വി​ത്രം ക​യ​ത്തി​ലാ​ണ് പെ​ൺ​കു​ട്ടി​യു​ടെ മൃ​ത​ദേ​ഹം പ്ര​തി താ​ഴ്ത്തി​യ​ത്. തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ പെ​ൺ​കു​ട്ടി​യെ വീ​ട്ടു​കാ​രെ അ​റി​യി​ച്ചാ​ൽ താ​ൻ പി​ടി​ക്ക​പ്പെ​ടു​മെ​ന്ന് ഭ​യ​ന്നാ​ണ് പു​ഴ​യി​ൽ താ​ഴ്ത്തി​യ​തെ​ന്നാ​ണ് പ്ര​തി അ​ന്വേ​ഷ​ണ സം​ഘ​ത്തോ​ട് പ​റ​ഞ്ഞ​ത്. മൃ​ത​ദേ​ഹം മ​റ​വു​ചെ​യ്ത ശേ​ഷം എ​റ​ണാ​കു​ള​ത്തേ​ക്ക് മു​ങ്ങി​യ പ്ര​തി പെ​ൺ​കു​ട്ടി​യു​ടെ ഫോ​ണും കൊ​ണ്ടു​പോ​യി.

ത​ന്റെ ഫോ​ണി​ൽ​നി​ന്ന് പെ​ൺ​കു​ട്ടി​യു​ടെ ഫോ​ണി​ലേ​ക്ക് വി​ളി​ക്കു​ക​യും പെ​ൺ​കു​ട്ടി​യു​ടെ ഫോ​ൺ അ​റ്റ​ൻ​ഡ് ചെ​യ്ത​താ​യി രേ​ഖ​യു​ണ്ടാ​ക്കു​ക​യും ചെ​യ്തു. പെ​ൺ​കു​ട്ടി​യു​ടെ പി​താ​വി​നെ ‘മ​ക​ളു​ടെ’ ഫോ​ണി​ൽ​നി​ന്ന് മി​സ് കാ​ൾ ചെ​യ്ത് വി​ളി​ച്ച​താ​യി രേ​ഖ​പ്പെ​ടു​ത്തി. അ​ച്ഛ​ൻ ശ​ബ്ദം തി​രി​ച്ച​റി​യു​മെ​ന്ന് ക​രു​തി സം​സാ​രി​ക്കാ​ൻ ശ്ര​മി​ച്ചി​ല്ല. പ​ക​രം പെ​ൺ​കു​ട്ടി​യു​ടെ ഫോ​ണി​ൽ​നി​ന്ന് അ​ച്ഛ​ന്റെ സു​ഹൃ​ത്തി​ന്റെ ഫോ​ണി​ലേ​ക്ക് പെ​ൺ ശ​ബ്ദ​ത്തി​ൽ വി​ളി​ച്ചു. അ​ന്ന് ചൈ​ന മൊ​ബൈ​ൽ സെ​റ്റി​ന് അ​ങ്ങ​നെ ഒ​രു ഓ​പ്ഷ​ൻ ഉ​ണ്ടാ​യി​രു​ന്നു. അ​ച്ഛ​നെ വി​ളി​ച്ചി​രു​ന്നു​വെ​ന്നും കി​ട്ടി​യി​ല്ലെ​ന്നും അ​തു​കൊ​ണ്ടാ​ണ് വി​ളി​ക്കു​ന്ന​തെ​ന്നും അ​ച്ഛ​ന്റെ സു​ഹൃ​ത്തി​നോ​ട് പ​റ​ഞ്ഞു. താ​ൻ എ​റ​ണാ​കു​ള​ത്ത് ആ​റു​മാ​സ കോ​ഴ്സി​ന് ചേ​ർ​ന്നി​രി​ക്കു​ക​യാ​ണെ​ന്നും വി​ളി​ക്കേ​ണ്ട എ​ന്നും പ​റ​ഞ്ഞു.

മ​രി​ച്ച ശേ​ഷം പ​ല​രോ​ടാ​യി പെ​ൺ​കു​ട്ടി​യെ ക​ണ്ടി​രു​ന്നു​വെ​ന്ന് പ​റ​യി​പ്പി​ക്കാ​ൻ പ്ര​തി ശ്ര​മി​ച്ചി​രു​ന്നു​വെ​ന്ന് അ​ന്വേ​ഷ​ണ ഉ​ദ്യോ​ഗ​സ്ഥ​ൻ പ​റ​ഞ്ഞു. അ​ന്വേ​ഷ​ണം ന​ട​ക്കാ​തി​രി​ക്കാ​ൻ പ്ര​തി പ​ല​വ​ഴി​ക​ളി​ലൂ​ടെ ശ്ര​മം ന​ട​ത്തി​യി​രു​ന്ന​താ​യി സം​ഘം ക​ണ്ടെ​ത്തി​യി​ട്ടു​ണ്ട്. അ​ന്വേ​ഷ​ണ​ത്തി​ൽ​നി​ന്ന് പി​ൻ​മാ​റാ​ൻ 25 ല​ക്ഷം രൂ​പ വാ​ഗ്ദാ​നം ചെ​യ്തു​വെ​ന്ന് കു​ടും​ബം രേ​ഖാ​മൂ​ലം പ​രാ​തി അ​ന്വേ​ഷ​ണ സം​ഘ​ത്തി​ന് ന​ൽ​കി​യി​ട്ടു​ണ്ട്. ക്രി​മി​ന​ൽ അ​ഭി​ഭാ​ഷ​ക​നാ​യ ആ​ളൂ​​ർ പ്ര​തി​ക​ൾ​ക്കു​വേ​ണ്ടി സം​സാ​രി​ക്കാ​ൻ പ​ല​ത​വ​ണ കാ​ഞ്ഞ​ങ്ങാ​ട് എ​ത്തി​യ​താ​യും പ​റ​യു​ന്നു​ണ്ട്.