മത്സ്യത്തൊഴിലാളിയെ കഴുത്തറുത്ത് കൊലപ്പെടുത്തിയ പ്രതി പിടിയിൽ

ബേ​പ്പൂ​ർ: ഫി​ഷി​ങ് ഹാ​ർ​ബ​ർ ജ​ങ്ഷ​നി​ലെ ത്രീ​സ്റ്റാ​ർ ലോ​ഡ്ജി​ൽ മ​ത്സ്യ​ത്തൊ​ഴി​ലാ​ളി​യാ​യ സോ​ള​മ​നെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി പി​ടി​യി​ൽ. ലോ​ഡ്ജി​ൽ അ​നീ​ഷ് എ​ന്ന​യാ​ൾ വാ​ട​ക​ക്കെ​ടു​ത്ത മു​റി​യി​ൽ മൂ​ന്ന് ദി​വ​സ​ത്തേ​ക്ക് അ​തി​ഥി​യാ​യി താ​മ​സി​ച്ചു​വ​ന്ന കൊ​ല്ലം വാ​ടി​ക്ക​ൽ മു​ദാ​ക്ക​ര ജോ​സ് (35) ആണ് പിടിയിലായ​ത്.

ബു​ധ​നാ​ഴ്ച പു​ന്ന​പ്ര​യി​ൽ​നി​ന്ന് തൂ​ത്തു​ക്കു​ടി​യി​ലേ​ക്ക് പോ​കു​ന്ന വ​ഴി, ഫ​റോ​ക്ക് എ.​സി.​പി എ.​എം. സി​ദ്ദീ​ഖി​ന്റെ കീ​ഴി​ലു​ള്ള സ്പെ​ഷ​ൽ സ്‌​ക്വാ​ഡും ബേ​പ്പൂ​ർ പൊ​ലീ​സും ചേ​ർ​ന്നാ​ണ് പ്ര​തി​യെ പി​ടി​കൂ​ടി​യ​ത്. ഇയാളെ ബു​ധ​നാ​ഴ്ച വൈ​കീ​ട്ട് ഏ​ഴോ​ടെ ഡി.​സി.​പി അ​രു​ൺ കെ. ​പ​വി​ത്ര​ന്റെ ഓ​ഫി​സി​ലെ​ത്തി​ച്ചു. സ്പെ​ഷ​ൽ സ്കോ​ഡ് ര​ണ്ട് സം​ഘ​ങ്ങ​ളാ​യി തിരിഞ്ഞ് തി​രു​വ​ന​ന്ത​പു​രം, കൊ​ല്ലം ഭാ​ഗ​ങ്ങ​ളി​ൽ ഊ​ർ​ജി​ത​മാ​യ അ​ന്വേ​ഷ​ണം ന​ട​ത്തു​ന്ന​തി​നി​ട​യി​ലാ​ണ് പി​ടി​യി​ലാ​കു​ന്ന​ത്.

ത്രീ ​സ്റ്റാ​ർ ലോ​ഡ്ജി​ൽ, പ്ര​തി​യു​ടെ സു​ഹൃ​ത്ത് അ​നീ​ഷ് വാ​ട​ക​ക്കെ​ടു​ത്ത മു​റി​യി​ൽ അ​നീ​ഷും മ​റ്റു മൂ​ന്നു​പേ​രു​മാ​ണ് താ​മ​സി​ച്ചു​വ​ന്നി​രു​ന്ന​ത്. ഇ​വ​രെ​ല്ലാ​വ​രും വെ​ള്ളി​യാ​ഴ്ച രാ​ത്രി ഒ​മ്പ​ത​ര​യോ​ടെ നാ​ട്ടി​ലേ​ക്ക് പോ​യെ​ങ്കി​ലും ജോ​സ് മാ​ത്രം റൂ​മി​ൽ​ത​ന്നെ ത​ങ്ങു​ക​യാ​യി​രു​ന്നു. രാ​ത്രി ഭ​ക്ഷ​ണം ക​ഴി​ക്കാ​ൻ പു​റ​ത്തി​റ​ങ്ങി​യ ജോ​സ് ക​ട​യി​ൽ​വെ​ച്ച് യാ​ദൃ​ശ്ചി​ക​മാ​യി സോ​ള​മ​നെ പ​രി​ച​യ​പ്പെ​ട്ടു. കൊ​ല്ല​ത്ത് ഇ​രു​വ​രു​ടെ​യും വീ​ടു​ക​ൾ ത​മ്മി​ൽ മൂ​ന്ന് കി​ലോ​മീ​റ്റ​ർ ദൂ​രം മാ​ത്ര​മേ ഉ​ള്ളൂ. സോ​ള​മ​നു​മാ​യി മ​ദ്യ​പി​ച്ചു​ണ്ടാ​യ ത​ർ​ക്ക​മാ​ണ് കൊ​ല​പാ​ത​ത്തി​ൽ ക​ലാ​ശി​ച്ച​തെ​ന്നാ​ണ് പൊ​ലീ​സി​ന്റെ പ്രാ​ഥ​മി​ക നി​ഗ​മ​നം.

കു​റ്റ​കൃ​ത്യ​ത്തി​ന് ശേ​ഷം ജോ​സ് മൊ​ബൈ​ൽ ഫോ​ൺ ഓ​ഫ് ചെ​യ്തു​വെ​ച്ച​തും കോ​ഴി​ക്കോ​ട്, കൊ​ല്ലം റെ​യി​ൽ​വേ സ്റ്റേ​ഷ​നു​ക​ളി​ൽ​നി​ന്ന് നി​രീ​ക്ഷ​ണ കാ​മ​റ​ക​ളു​ടെ ല​ഭ്യ​ത​ക്കു​റ​വും പൊ​ലീ​സി​നെ തു​ട​ക്ക​ത്തി​ൽ കു​ഴ​ക്കി. ഇ​തി​നി​ട​യി​ൽ കാ​യം​കു​ള​ത്തു​വെ​ച്ച് ഇയാൾ ഒ​രു അ​പ​രി​ചി​ത​നി​ൽ​നി​ന്ന് ഫോ​ൺ വാ​ങ്ങി അ​മ്മ​യെ വി​ളി​ച്ചി​രു​ന്നു. ആ ​സ്ഥ​ല​ത്തെ നി​രീ​ക്ഷ​ണ കാ​മ​റ ദൃ​ശ്യ​ങ്ങ​ൾ പ​രി​ശോ​ധി​ച്ചു പ്ര​തി പോ​യ സ്ഥ​ല​ങ്ങ​ളി​ൽ സ​ഞ്ച​രി​ച്ചാ​ണ് പി​ടി​കൂ​ടി​യ​ത്. പു​ന്ന​പ്ര​യി​ലെ ഒ​രു അ​ക​ന്ന ബ​ന്ധു​വി​ന്റെ വീ​ട്ടി​ൽ ഇ​ന്ന് പു​ല​ർ​ച്ച എ​ത്തി വ​സ്ത്രം മാ​റി തൂ​ത്തു​ക്കു​ടി​യി​ലേ​ക്ക് പോ​കു​ന്ന വ​ഴി​യി​ലാ​ണ് പൊ​ലീ​സി​ന്റെ കൈ​യി​ൽ അ​ക​പ്പെ​ടു​ന്ന​ത്.