വീ​ണ്ടും അം​ഗീ​കാ​ര തി​ള​ക്ക​ത്തി​ൽ ഒ​മാ​ൻ എ​ക്രോ​സ് ഏ​ജ​സ് മ്യൂ​സി​യം

മ​സ്ക​ത്ത്: വീ​ണ്ടും അ​വാ​ർ​ഡ് തി​ള​ക്ക​വു​മാ​യി ദാ​ഖി​ലി​യ ഗ​വ​ർ​ണ​റേ​റ്റി​ലെ മ​ന​അ വി​ലാ​യ​ത്തി​ലെ ഒ​മാ​ൻ എ​ക്രോ​സ് ഏ​ജ​സ് മ്യൂ​സി​യം. 2025ലെ ​പ​ബ്ലി​ക് ആ​ർ​ക്കി​ടെ​ക്ച​ർ അ​വാ​ർ​ഡ് സ്വ​ന്ത​മാ​ക്കി. ഇ​ന്റ​ർ​നാ​ഷ​ന​ൽ പ്രോ​ജ​ക്ട്സ് വി​ഭാ​ഗ​ത്തി​ൽ ആ​സ്‌​ട്രേ​ലി​യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ആ​ർ​ക്കി​ടെ​ക്‌​ട്‌​സാ​ണ് പു​ര​സ്കാ​രം ന​ൽ​കു​ന്ന​ത്.

ജ​പ്പാ​നി​ലെ ഒ​സാ​ക്ക​യി​ൽ ന​ട​ക്കു​ന്ന എ​ക്‌​സ്‌​പോ 2025ലെ ​ആ​സ്‌​ട്രേ​ലി​യ​ൻ പ​വ​ലി​യ​നി​ൽ ആ​ണ് അ​വാ​ർ​ഡ് പ്ര​ഖ്യാ​പ​നം ന​ട​ന്ന​ത്. ആ​സ്‌​ട്രേ​ലി​യ​ൻ സ്ഥാ​പ​ന​മാ​യ കോ​ക്സ് ആ​ർ​ക്കി​ടെ​ക്ച​റാ​ണ് മ്യൂ​സി​യം രൂ​പ​ക​ൽ​പ​ന ചെ​യ്ത​ത്. സു​ൽ​ത്താ​നേ​റ്റി​ലെ ഏ​റ്റ​വും പ്ര​ധാ​ന​പ്പെ​ട്ട സാം​സ്കാ​രി​ക​പ​ദ്ധ​തി​ക​ളി​ൽ ഒ​ന്നാ​ണ് ഒ​മാ​ൻ അ​ക്രോ​സ് ഏ​ജ​സ് മ്യൂ​സി​യം. 2024ലെ ​ലോ​ക​ത്തി​ലെ ഏ​റ്റ​വും മ​നോ​ഹ​ര​മാ​യ മ്യൂ​സി​യ​ങ്ങ​ളു​ടെ പ​ട്ടി​ക​യി​ലും മ്യൂ​സി​യം ഇ​ടം​നേ​ടി​യി​രു​ന്നു. യു​നെ​സ്​​കോ​യു​ടെ പ്രി​ക്സ് വെ​ർ​സൈ​ൽ​സ് ത​യാ​റാ​ക്കി​യ പ​ട്ടി​ക​യി​ലാ​ണ്​ എ​ക്രോ​സ്​ ഏ​ജ​സ്​ മ്യൂ​സി​യ​ത്തെ ഉ​ൾ​പ്പെ​ടു​ത്തി​യി​രു​ന്ന​ത്.

ഒ​മാ​ന്‍റെ വി​വി​ധ കാ​ല​ഘ​ട്ട​ങ്ങ​ളു​ടെ ച​രി​ത്ര​ത്തി​ലേ​ക്ക്​ വാ​തി​ൽ തു​റ​ക്കു​ന്ന ഒ​മാ​ൻ എ​ക്രോ​സ് ഏ​ജ​സ് മ്യൂ​സി​യം മ​ന​അ വി​ലാ​യ​ത്തി​ൽ 2023 മാ​ർ​ച്ച്​ 13നാ​യി​രു​ന്നു ​സു​ൽ​ത്താ​ൻ ഹൈ​തം ബി​ൻ താ​രി​ഖ്​ നാ​ടി​ന്​ സ​മ​ർ​പ്പി​ച്ച​ത്. ക​ഴി​ഞ്ഞ​വ​ർ​ഷം ഒ​ന്നാം വാ​ർ​ഷി​കം വി​പു​ല​മാ​യി ആ​ഘോ​ഷി​ച്ചി​രു​ന്നു. മ്യൂ​സി​യം തു​റ​ന്ന്​ പ​ത്ത്​ മാ​സ​മാ​കു​മ്പോ​​​ഴേ​ക്കും മൂ​ന്ന​ര​ല​ക്ഷ​ത്തി​ല​ധി​കം ആ​ളു​ക​ൾ​ ച​രി​ത്ര​കൗ​തു​ക​ങ്ങ​ൾ തേ​ടി ഇ​വി​ടെ യെ​ത്തി.

സു​ൽ​ത്താ​നേ​റ്റി​ന്‍റെ വി​വി​ധ ഘ​ട്ട​ങ്ങ​ളി​ലെ ച​രി​ത്രം, സാം​സ്കാ​രി​ക​വും ഭൂ​മി​ശാ​സ്ത്ര​പ​ര​വു​മാ​യ വൈ​വി​ധ്യം എ​ന്നി​വ പ​ക​ർ​ന്നു​ന​ൽ​കു​ന്ന മേ​ഖ​ല​യി​ലെ​ത​ന്നെ ഏ​റ്റ​വും വ​ലി​യ മ്യൂ​സി​യ​മാ​ണി​ത്​​. ഗാ​ല​റി​ക​ൾ, ലൈ​ബ്ര​റി, ഓ​ഡി​റ്റോ​റി​യം, ക​ഫേ​ക​ൾ, സാ​മൂ​ഹി​ക, ഗ​വേ​ഷ​ണ ഇ​ട​ങ്ങ​ൾ എ​ന്നി​വ​യും ഒ​രു​ക്കി​യി​ട്ടു​ണ്ട്​. സ്ഥി​ര​മാ​യി പ്ര​ദ​ർ​ശ​നം ന​ട​ത്താ​നാ​യി 9,000 ച​തു​ര​ശ്ര മീ​റ്റ​ർ സ്ഥ​ല​മാ​ണ് നീ​ക്കി​വെ​ച്ചി​ട്ടു​ള്ള​ത്. ച​രി​ത്രാ​തീ​ത കാ​ല​ത്തെ ആ​ദ്യ കു​ടി​യേ​റ്റ​ക്കാ​രി​ൽ തു​ട​ങ്ങി ആ​ധു​നി​ക ഒ​മാ​ന്‍റെ വി​ശേ​ഷ​ങ്ങ​ളി​ലൂ​ടെ ക​ട​ന്നു​പോ​കു​ന്ന കാ​ഴ്ച​ക​ളാ​ണ്​ സ​ന്ദ​ർ​ശ​ക​ർ​ക്കാ​യി ഒ​രു​ക്കി​യി​ട്ടു​ള്ള​ത്. വി​വി​ധ കാ​ല​ഘ​ട്ട​ങ്ങ​ളി​ലെ രാ​ജ​വം​ശ​ങ്ങ​ൾ, നാ​ഗ​രി​ക​ത​ക​ൾ, ഒ​മാ​ന്‍റെ മു​ന്നേ​റ്റ​ങ്ങ​ളും നേ​ട്ട​ങ്ങ​ളും എ​ന്നി​വ ഇ​വി​ടെ​നി​ന്ന് മ​ന​സ്സി​ലാ​ക്കാം.

പ​രേ​ത​നാ​യ സു​ൽ​ത്താ​ൻ ഖാ​ബൂ​സ് ബി​ൻ സ​ഈ​ദി​ന്റെ കീ​ഴി​ൽ രാ​ജ്യ​ത്തി​ന്റെ ശ്ര​ദ്ധേ​യ​മാ​യ സാ​മ്പ​ത്തി​ക, സാ​ങ്കേ​തി​ക, രാ​ഷ്ട്രീ​യ, സാ​മൂ​ഹി​ക ന​വീ​ക​ര​ണം പ്ര​വ​ർ​ത്ത​ന​ങ്ങ​ളു​ടെ നീ​ണ്ട ച​രി​ത്ര​മാ​ണ് ‘ന​വോ​ത്ഥാ​ന ഗാ​ല​റി’​യി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. വി​വി​ധ സ​ന്ദ​ർ​ശ​ക​ർ​ക്ക് ആ​സ്വാ​ദ്യ​ക​ര​വും വി​ദ്യാ​ഭ്യാ​സ​പ​ര​വു​മാ​യ മ്യൂ​സി​യം അ​നു​ഭ​വം സൃ​ഷ്ടി​ക്കു​ക എ​ന്ന ല​ക്ഷ്യ​ത്തോ​ടെ ഏ​റ്റ​വും പു​തി​യ സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ച്ചു​ള്ള സം​വേ​ദ​നാ​ത്മ​ക ഓ​ഡി​യോ-​വി​ഷ്വ​ൽ വി​വ​ര​ണ​വും ഉ​ണ്ട്. അ​ന്ത​രി​ച്ച മു​ൻ ഭ​ര​ണാ​ധി​കാ​രി സു​ൽ​ത്താ​ൻ ഖാ​ബൂ​സ് ബി​ൻ സ​ഈ​ദി​ന്‍റെ രാ​ജ​കീ​യ ഉ​ത്ത​ര​വി​നെ തു​ട​ർ​ന്ന്​ 2015 ജൂ​ലൈ 14നാ​ണ്​ പ​ദ്ധ​തി​ക്ക് ത​റ​ക്ക​ല്ലി​ടു​ന്ന​ത്.

സ​ന്ദ​ർ​ശ​ക​ർ​ക്ക് മ്യൂ​സി​യം ഒ​ന്നി​ല​ധി​കം ടൂ​റി​ങ് ഓ​പ്ഷ​നു​ക​ൾ വാ​ഗ്ദാ​നം ചെ​യ്യു​ന്നു. സ്വ​ന്ത​മാ​യി പ​ര്യ​വേ​ഷ​ണ​ത്തി​ന് ആ​ഗ്ര​ഹി​ക്കു​ന്ന​വ​ർ​ക്ക് റി​സ​പ്ഷ​നി​ൽ നി​ന്ന് ബു​ക്ക്‌​ലെ​റ്റു​ക​ളും മാ​പ്പു​ക​ളും ശേ​ഖ​രി​ക്കാം. കൂ​ടു​ത​ൽ ആ​ഴ​ത്തി​ൽ കാ​ര്യ​ങ്ങ​ൾ മ​ന​സി​ലാ​ക്കാ​നാ​യി വി​ദ​ഗ്ധ​രു​ടെ ഗൈ​ഡ​ഡ് ടൂ​റു​ക​ൾ അ​ധി​ക ഫീ​സ് ന​ൽ​കി ഉ​പ​യോ​ഗ​പ്പെ​ടു​ത്താം. മ്യൂ​സി​യ​ത്തി​ന്റെ സ്ഥി​രം ഗാ​ല​റി​ക​ളി​ലൂ​ടെ ആ​ഴ​ത്തി​ലു​ള്ള അ​നു​ഭ​വം ന​ൽ​കി ഒ​ന്നി​ല​ധി​കം ഭാ​ഷ​ക​ളി​ൽ ഒ​രു ഓ​ഡി​യോ ടൂ​ർ ഗൈ​ഡ് സേ​വ​ന​വും വാ​ഗ്ദാ​നം ചെ​യ്യു​ന്നു.

നി​ര​വ​ധി വി​ഭാ​ഗ​ങ്ങ​ളി​ലു​ള്ള സ​ന്ദ​ർ​ശ​ക​ർ​ക്ക് മ്യൂ​സി​യ​ത്തി​ലേ​ക്കു​ള്ള പ്ര​വേ​ശ​നം സൗ​ജ​ന്യ​മാ​ണ്. 60 ഉം ​അ​തി​ൽ കൂ​ടു​ത​ലു​മു​ള്ള പൗ​ര​ന്മാ​ർ, ജി.​സി.​സി പൗ​ര​ന്മാ​ർ, മു​തി​ർ​ന്ന താ​മ​സ​ക്കാ​ർ എ​ന്നി​വ​ർ​ക്ക് സാ​ധു​വാ​യ തി​രി​ച്ച​റി​യ​ൽ കാ​ർ​ഡ് ഹാ​ജ​രാ​ക്കി​യാ​ൽ സൗ​ജ​ന്യ​മാ​യി പ്ര​വേ​ശി​ക്കാം. ആ​റ് വ​യ​സ്സി​ന് താ​ഴെ​യു​ള്ള കു​ട്ടി​ക​ൾ​ക്കും 25 വ​യ​സ്സും അ​തി​ൽ താ​ഴെ​യു​മു​ള്ള സ്കൂ​ൾ, യൂ​നി​വേ​ഴ്സി​റ്റി വി​ദ്യാ​ർ​ഥി​ക​ൾ​ക്കും സാ​ധു​വാ​യ വി​ദ്യാ​ർ​ഥി ഐ​ഡി ഉ​പ​യോ​ഗി​ച്ച് സൗ​ജ​ന്യ പ്ര​വേ​ശ​ന​മു​ണ്ട്. കൂ​ടാ​തെ, ഫ്ര​ണ്ട്സ് ഓ​ഫ് ദി ​ഒ​മാ​ൻ മ്യൂ​സി​യ​ത്തി​ലെ അം​ഗ​ങ്ങ​ൾ, ഒ​മാ​നി​ലെ പൊ​തു, സ്വ​കാ​ര്യ മ്യൂ​സി​യ​ങ്ങ​ളി​ലെ ജീ​വ​ന​ക്കാ​ർ, ഐ.​സി.​ഒ.​എം, ഐ.​സി.​ഒ.​എം.​ഒ.​എ​സ്, യു​നെ​സ്കോ അം​ഗ​ങ്ങ​ൾ​ക്കും പ്ര​വേ​ശ​നം സൗ​ജ​ന്യ​മാ​ണ്.

ശ​നി മു​ത​ൽ വ്യാ​ഴം വ​രെ ദി​വ​സ​ങ്ങ​ളി​ൽ രാ​വി​ലെ ഒ​മ്പ​തു​​ മു​ത​ൽ വൈ​കീ​ട്ട് അ​ഞ്ചു​വ​രെ ഇ​വി​ടം സ​ന്ദ​ർ​ശി​ക്കാം. പ്ര​ധാ​ന ഗേ​റ്റ്, വി​ജ്ഞാ​ന​കേ​ന്ദ്രം തു​ട​ങ്ങി​യ​വ രാ​വി​ലെ ഒ​മ്പ​തു​മു​ത​ൽ രാ​ത്രി ഒ​മ്പ​തു​​വ​രെ തു​റ​ക്കും. അ​ട​ക്കു​ന്ന​തി​ന്​ അ​ര​മ​ണി​ക്കൂ​ർ മു​മ്പു​വ​രെ പ്ര​വേ​ശ​ന​മു​ണ്ട്. സ്വ​ദേ​ശി​ക​ൾ​ക്കും ജി.​സി.​സി പൗ​ര​ന്മാ​ർ​ക്കും ഒ​രു റി​യാ​ലും ​പ്ര​വാ​സി​ക​ൾ​ക്ക്​ ര​ണ്ട്​ റി​യാ​ലു​മാ​യി​രി​ക്കും പ്ര​വേ​ശ​ന ഫീ​സ്. വി​നോ​ദ​സ​ഞ്ചാ​രി​ക​ൾ അ​ഞ്ചു​ റി​യാ​ൽ ന​ൽ​ക​ണം. ഇ-​പേ​മെ​ന്റ് ഒ​രു​ക്കി​യി​രി​ക്കു​ന്ന​ത്. ടി​ക്ക​റ്റു​ക​ൾ വാ​ങ്ങു​മ്പോ​ഴോ പ​രി​സ​ര​ത്ത് മ​റ്റേ​തെ​ങ്കി​ലും ഇ​ട​പാ​ടു​ക​ൾ ന​ട​ത്തു​മ്പോ​ഴോ ഇ​ല​ക്ട്രോ​ണി​ക് പേ​മെ​ന്റി​നു​ള്ള സൗ​ക​ര്യ​ങ്ങ​ളു​ണ്ടെ​ന്ന്​ ഉ​റ​പ്പു​വ​രു​ത്ത​ണം.