നാടൻ നേരിൻറെ രൂപം

മാ​മു​ക്കോ​യ ഹാ​ജി എ​ത്ര​യോ കാ​ലം എ​നി​ക്ക് സു​ഹൃ​ത്ത് എ.​പി. കു​ഞ്ഞാ​മു​വി​ന്റെ ഇക്കാ​ക്ക മാ​ത്ര​മാ​യി​രു​ന്നു. പ്രീ​ഡി​ഗ്രി​ക്ക് പ​ഠി​ക്കു​ന്ന കാ​ല​ത്തേ (1967-1969) എ​നി​ക്ക് കു​ഞ്ഞാ​മു​വി​നെ അ​റി​യാം. ആ ​വ​കു​പ്പി​ൽ ഒ​രി​ക്ക​ൽ അ​വ​ന്റെ വീ​ട്ടി​ൽ പോ​യ​പ്പോ​ഴാ​ണ് ആ ​പേ​ര് ആ​ദ്യം കേ​ട്ട​ത്, ആ​ളെ ക​ണ്ടി​രു​ന്നോ? സം​ശ​യ​മാ​ണ്. കു​റേ ക​ഴി​ഞ്ഞാ​ണ് ക​ണ്ട​ത്. അ​പ്പോ​ൾ തോ​ന്നി​യ​ത് ആ​ള് ത​നി നാ​ട​ൻ ആ​ണ​ല്ലോ എ​ന്നാ​ണ് ശ​രീ​ര​ഭാ​ഷ​യും വ​ർ​ത്ത​മാ​ന​വും എ​ല്ലാം ല​ളി​തം. ഒ​രു കോ​ള​ജ് അ​ധ്യാ​പ​ക​ന്റെ ഗ​മ ഒ​ട്ടും ഇ​ല്ലാ​ത്ത ആ​ൾ. ആ ​കോ​ല​ത്തി​ൽ ഒ​രു ഇം​ഗ്ലീ​ഷ് ലെ​ക്‌​ച​റ​റെ സ​ങ്ക​ൽ​പി​ക്കു​ക പ്ര​യാ​സം. കു​ഞ്ഞാ​മു ധാ​രാ​ളം വ​ർ​ത്ത​മാ​നം പ​റ​യും, മാ​മു​ക്കോ​യ ഹാ​ജി മി​ത​വാ​ക്കാ​ണ്.

ആ ​വീ​ട്ടി​ലും നാ​ട്ടി​ലും റോ​ട്ടി​ലും വെ​ച്ചൊ​ക്കെ പ​ല​വ​ട്ടം ക​ണ്ടി​രു​ന്നെ​ങ്കി​ലും ഞ​ങ്ങ​ൾ ത​മ്മി​ൽ എ​ന്തെ​ങ്കി​ലും വി​ശ​ദ​മാ​യി സം​സാ​രി​ക്കു​ക​യോ അ​ടു​ക്കു​ക​യോ ഉ​ണ്ടാ​യി​ല്ല. സു​ഹൃ​ത്തി​ന്റെ ഇ​ക്കാ​ക്ക എ​ന്നൊ​ര​ക​ലം ഞാ​നും അ​നി​യ​ന്റെ സു​ഹൃ​ത്ത് എ​ന്നൊ​രു അ​ക​ലം മൂ​പ്പ​രും പാ​ലി​ച്ച​താ​വാം കാ​ര​ണം. 1970 കാ​ല​ത്തെ ഒ​രു ക​ച്ച​റ എ​നി​ക്ക് ഓ​ർ​മ​യു​ണ്ട്: മു​സ്‍ലിം ലീ​ഗും എം.​ഇ.​എ​സു​മാ​യി​ട്ട് പി​ണ​ങ്ങി. അ​ക്കാ​ല​ത്ത് കോ​ഴി​ക്കോ​ട് കേ​ന്ദ്ര​മാ​ക്കി സാ​ഹി​ത്യ​കാ​ര​ൻ എ​ൻ.​പി. മു​ഹ​മ്മ​ദി​ന്റെ നേ​തൃ​ത്വ​ത്തി​ൽ പ്ര​വ​ർ​ത്ത​ന​മാ​രം​ഭി​ച്ച ‘ഇ​സ‌്ലാം ആ​ൻ​ഡ് മോഡേ​ൺ ഏ​ജ് സൊ​സൈ​റ്റി’​യാ​ണ് അ​തി​ന് വി​ത്തി​ട്ട​ത്. മു​സ്‍ലിം​ക​ളു​ടെ മ​ത​ ക​ർ​മ​ശാ​സ്ത്ര​ പാ​ര​മ്പ​ര്യ​മാ​യ ശ​രീ​അ​ത്ത് കാ​ല​ദേ​ശോ​ചി​ത​മാ​യി പ​രി​ഷ്ക​രി​ക്ക​ണം എ​ന്ന​താ​യി​രു​ന്നു സൊ​സൈ​റ്റി​യു​ടെ ആ​വ​ശ്യം. എ​ൻ.​പി​യു​ടെ കൂ​ട്ട​ത്തി​ൽ ഉ​ണ്ടാ​യി​രു​ന്ന മ​റ്റു പ്ര​മു​ഖ​ർ: ചേ​ക​ന്നൂർ മൗ​ല​വി, കെ.​എം. ബ​ഹാ​വു​ദ്ദീ​ൻ, പി.​എ​ൻ.​എം. കോ​യ​ട്ടി, ഡോ. ഇ.​വി. ഉ​സ്‌​മാ​ൻ കോ​യ, മൂ​സ എ. ​ബേ​ക്ക​ർ, ഇ.​എ. കോ​യ, എം.​എ. പ​ക്ക​ർ, മ​ങ്ക​ട അ​ബ്ദു​ൽ അ​സീ​സ് മൗ​ല​വി, സ​ലാം കാ​ര​ശ്ശേ​രി...

അ​ത് വ​ലി​യ ക്ഷോ​ഭ​മു​ണ്ടാ​ക്കി​യ സം​ഭ​വ​മാ​ണ്. മു​സ്‌​ലിം ലീ​ഗ്, ജ​മാ​അ​ത്തെ ഇ​സ്‌​ലാ​മി, സു​ന്നി, മു​ജാ​ഹി​ദ് തു​ട​ങ്ങി​യ സം​ഘ​ട​ന​ക​ളെ​ല്ലാം സം​ഘം ചേ​ർ​ന്ന് ‘മോ​ഡേ​ൺ ഏ​ജി​’​നെ എ​തി​ർ​ത്തു. ആ​യി​ടെ​യാ​ണ് ധ​ന​ശേ​ഖ​ര​ണ​ത്തി​നു വേ​ണ്ടി എം.​ഇ.​എ​സ് കോ​ഴി​ക്കോ​ട്ട് ‘സ്റ്റ‌ാ​ർ നൈ​റ്റ്’ സം​ഘ​ടി​പ്പി​ച്ച​ത്. മ​ല​യാ​ള സി​നി​മ തീ​ർ​ത്തും മ​ദി​രാ​ശി​യി​ൽ കേ​ന്ദ്രീ​ക​രി​ച്ച കാ​ല​മാ​ണ​ത്. അ​വി​ടെ​നി​ന്നും അ​റി​യ​പ്പെ​ടു​ന്ന ന​ടീ​ന​ട​ന്മാ​രെ കൊ​ണ്ടു​വ​ന്ന് സ്‌​റ്റേ​ജി​ൽ അ​ണി​നി​ര​ത്തി ചി​ല്ല​റ പാ​ട്ടും ഡാ​ൻ​സും ത​മാ​ശ​യും അ​വ​ത​രി​പ്പി​ക്കു​ന്ന പ​രി​പാ​ടി​യാ​ണ് സ്‌​റ്റാ​ർ നൈ​റ്റ്. ന​ടീ​ന​ട​ന്മാ​രെ നേ​രി​ൽ കാ​ണാ​നു​ള്ള സൗ​ഭാ​ഗ്യ​ത്തി​നുവേ​ണ്ടി വി​ല​കൂ​ടി​യ ടി​ക്ക​റ്റ് എ​ടു​ത്ത് ആ​ളു​ക​ൾ ഇ​ര​ച്ചു​ക​യ​റും. സ്‌​റ്റാ​ർ നൈ​റ്റ് വ​ലി​യ വി​വാ​ദ​മാ​യി, മാ​പ്പി​ള​മാ​ർ​ക്ക് സി​നി​മ ഹ​റാ​മാ​യ കാ​ല​മാ​ണ്. മാ​ത്ര​മോ, സു​ന്ദ​രി​ക​ളാ​യ സി​നി​മാ​ന​ടി​ക​ളെ സ്‌​റ്റേ​ജി​ൽ അ​വ​ത​രി​പ്പി​ച്ചു. മു​സ്‌​ലി​യാ​ന്മാ​രും മൗ​ല​വി​മാ​രും അ​നി​സ്‌​ലാ​മി​ക​മാ​യ ഈ ​ബി​ദ് അ​ത്തി​നെ​തി​രെ രം​ഗ​ത്തി​റ​ങ്ങി. മോ​ഡേ​ൺ ഏ​ജ് സൊ​സൈ​റ്റി​യു​ടെ വി​മ​ർ​ശ​ന​ത്തി​ന്റെ ക​ർ​ട്ട​ന് പി​റ​കി​ൽ പ​രി​ഷ്കാ​രി​ക​ളാ​യ എം.​ഇ.​എ​സു​കാ​ർ ഉ​ണ്ടെ​ന്ന് ചി​ല കോ​ണു​ക​ളി​ൽ സം​ശ​യ​മു​യ​ർ​ന്നി​രു​ന്നു.

അ​തി​നി​ട​ക്കാ​ണ് എം.​ഇ.​എ​സ് ജേ​ണ​ലി​ന്റെ എ​ഡി​റ്റ​ർ ടാം​ട​ൺ അ​ബ്ദു​ൽ അ​സീ​സ് ആ ​പ്ര​സി​ദ്ധീ​ക​ര​ണ​ത്തി​ൽ ബ​ഹു​ഭാ​ര്യ​ത്വ​ത്തി​നെ​തി​രെ മു​ഖ​പ്ര​സം​ഗം എ​ഴു​തി​യ​ത്. അ​ത് യാ​ഥാ​സ്ഥി​തി​ക​ വി​ഭാ​ഗ​ത്തി​ന് വ​ലി​യ പ്ര​കോ​പ​ന​മാ​യി. മോ​ഡേ​ൺ ഏ​ജ് സൊ​സൈ​റ്റി, സ്‌​റ്റാ​ർ നൈ​റ്റ് എ​ന്നി​വ​ക്കെ​തി​രെ പ​ട​ന​ട​ത്തി​ക്കൊ​ണ്ടി​രു​ന്ന മു​സ്‌​ലിം ലീ​ഗ് മു​ഖ​പ​ത്രം ‘ച​ന്ദ്രി​ക’ ഇ​തോ​ടു​കൂ​ടി പ്ര​ക​മ്പ​നം കൊ​ണ്ടു. എ​ല്ലാ ‘മ​ത​വി​രു​ദ്ധ’ പ​രി​ഷ്‌​ക​ര​ണ​വാ​ദ​വും എം.​ഇ.​എ​സി​ന്റെ ത​ല​യി​ലാ​യി. മു​സ്‍ലിം ലീ​ഗ് എം.​ഇ.​എ​സി​നെ ബ​ഹി​ഷ്‌​ക​രി​ക്ക​ണ​മെ​ന്ന് ഫ​ത് വ ​ഇ​റ​ക്കി. അ​ന​വ​ധി ആ​ളു​ക​ൾ വ​ലി​യ പ്ര​മാ​ണി​ക​ൾ ത​ന്നെ എം.​ഇ.​എ​സി​ൽ നി​ന്നും രാ​ജി​​െവ​ച്ചു. ലീ​ഗു​മാ​യി വ​ലി​യ അ​ടു​പ്പ​മു​ണ്ടാ​യി​രു​ന്ന ഫാ​റൂ​ഖ് കോ​ള​ജ് പ്രി​ൻ​സി​പ്പ​ൽ കെ.​എ. ജ​ലീ​ലി​നെ​പ്പോ​ലെ ചി​ല​ർ എം.​ഇ.​എ​സ് പ​ക്ഷ​ത്ത് ഉ​റ​ച്ചു​നി​ന്നു. ആ ​കാ​ല​ത്ത് ലീ​ഗി​ന്റെ നേ​തൃ​ത്വ​ത്തി​ലെ പ്ര​മു​ഖ​ൻ സി.​എ​ച്ച്. ആ​ണെ​ന്നും എം.​ഇ.​എ​സി​ന്റെ നേ​തൃ​ത്വ​ത്തി​ലെ പ്ര​മു​ഖ​ൻ ഡോ​. പി.​കെ. അ​ബ്ദു​ൽ ഗ​ഫൂ​ർ ആ​ണെ​ന്നും ഓ​ർ​ക്കു​ക; അ​ന്ന് പു​രോ​ഗ​മ​ന​പ്ര​തി​ച്ഛാ​യ എം.​ഇ.​എസി​നാ​ണെ​ന്നും.

ഈ ​കാ​ല​ത്താ​ണ് ഞാ​ൻ മ​ങ്ക​ട അ​ബ്ദു​ൽ അ​സീ​സ് മൗ​ല​വി​യെ ശ്ര​ദ്ധി​ച്ചു​തു​ട​ങ്ങു​ന്ന​ത്. ‘മോ​ഡേ​ൺ ഏ​ജി’​ലൂ​ടെ​യാ​ണ് ആ ​പേ​ര് ആ​ദ്യം കേ​ട്ട​ത്. അ​ത് പ​ക്ഷേ ഒ​രു​കൊ​ല്ലംകൊ​ണ്ട് തീ​ർ​ത്തും കെ​ട്ട​ട​ങ്ങി​പ്പോ​യി. എം.​ഇ.​എ​സ് പ​ക്ഷ​ത്ത് അ​ടി​യു​റ​ച്ചു​നി​ന്ന ലീ​ഗു​കാ​ര​നാ​യി​രു​ന്നു മൗ​ല​വി. അ​ദ്ദേ​ഹം എ​ഴു​തു​ന്ന​തൊ​ക്കെ എ​പ്പോ​ഴും ഞാ​ൻ വാ​യി​ക്കു​മാ​യി​രു​ന്നു. മൂ​പ്പ​രെ​പ്പ​റ്റി ഇം​ഗ്ലീ​ഷും അ​റ​ബി​യും മ​ല​യാ​ള​വും ഒ​രു​പോ​ലെ വാ​യി​ക്കു​ന്ന അ​റ​ബി അ​ധ്യാ​പ​ക​ൻ എ​ന്ന് കേ​ട്ട​ത് വ​ലി​യ കൗ​തു​ക​മാ​യി. മൗ​ല​വി​ക്ക് മാ​പ്പി​ള​പ്പാ​ട്ടി​ൽ വ​ലി​യ ക​മ്പ​മാ​ണ് എ​ന്ന​ത് ആ ​കൗ​തു​കം വ​ർ​ധി​പ്പി​ച്ചു.

മ​മ്പാ​ട് എം.​ഇ.​എ​സ് കോ​ള​ജി​ലെ അ​ധ്യാ​പ​ക​രി​ൽ പ​ല​നി​ല​ക്കും പ്ര​ധാ​നി​യാ​ണ് അ​സീ​സ് മൗ​ല​വി. അ​റ​ബി​യും ഇം​ഗ്ലീ​ഷും മ​ല​യാ​ള​വും ഒ​രു​പോ​ലെ കൈ​കാ​ര്യം ചെ​യ്യു​ന്ന അ​ധ്യാ​പ​ക​ൻ നേ​തൃ​ത്വ​ത്തി​ലു​ള്ള​ത് എം.​ഇ.​എ​സി​ന് വ​ലി​യ ക​രു​ത്താ​യി​രു​ന്നു. മ​മ്പാ​ട് കോ​ള​ജി​ൽ മൗ​ല​വി​ക്ക് ഒ​പ്പം നി​ന്ന ഇം​ഗ്ലീ​ഷ് അ​ധ്യാ​പ​ക​ൻ എ​ന്ന നി​ല​ക്കാ​ണ് പി​ന്നീ​ട് മാ​മു​ക്കോ​യ ഹാ​ജി എ​ന്റെ ശ്ര​ദ്ധ പി​ടി​ച്ചുപ​റ്റു​ന്ന​ത്. മൗ​ല​വി കോ​ള​ജി​ൽ സം​ഘ​ടി​പ്പി​ച്ച ചി​ല സെ​മി​നാ​റു​ക​ളി​ൽ എ​ന്നെ പ്ര​സം​ഗ​ക​നാ​യി ക്ഷ​ണി​ച്ച​ത് ഞ​ങ്ങ​ൾ ത​മ്മി​ലു​ള്ള അ​ടു​പ്പം വ​ർ​ധി​ക്കാ​ൻ കാ​ര​ണ​മാ​യി. അ​വി​ടെ​വെ​ച്ചാ​ണ് ഞാ​ൻ മാ​മു​ക്കോ​യ ഹാ​ജി​യു​മാ​യി അ​ൽ​പമെ​ങ്കി​ലും അ​ടു​ക്കു​ന്ന​ത്. ‘അ​സീ​സ് മൗ​ല​വി​ക്ക് വേ​ണ്ട​പ്പെ​ട്ട ആ​ൾ’ എ​ന്ന പ​രി​ഗ​ണ​ന​കൂ​ടി എ​നി​ക്ക് ത​ന്നി​രി​ക്ക​ണം. പി​ൽ​ക്കാ​ല​ത്ത് മാ​മു​ക്കോ​യ ഹാ​ജി മ​മ്പാ​ട് കോ​ള​ജി​ൽ പ്രി​ൻ​സി​പ്പ​ൽ ആ​യി. ആ ​സ്‌​ഥാ​ന​ത്തി​രു​ന്ന് അ​ദ്ദേ​ഹം പ്ര​വ​ർ​ത്തി​ച്ച​തി​നെ​പ്പ​റ്റി ഞാ​ൻ ന​ല്ല​ത് മാ​ത്ര​മേ കേ​ട്ടി​ട്ടു​ള്ളൂ.

കോ​ള​ജി​ൽ കു​ട്ടി​ക​ൾ ത​മ്മി​ൽ എ​ന്തൊ​ക്കെ​യോ ക​ശ​പി​ശ ഉ​ണ്ടാ​യ​പ്പോ​ൾ അ​ന്ന​വി​ടെ വി​ദ്യാ​ർ​ഥി​ക​ളാ​യി​രു​ന്ന സ്വ​ന്തം മ​ക​നെ​യും അ​നു​ജ​ൻ കു​ഞ്ഞാ​മു​വി​ന്റെ മ​ക​നെ​യും ആ​ദ്യം സ​സ്പെ​ൻ​ഡ് ചെ​യ്‌​ത വ​ർ​ത്ത​മാ​നം ഒ​രു ഉ​ദാ​ഹ​ര​ണം മാ​ത്രം. ദ​രി​ദ്ര​രാ​യ വി​ദ്യാ​ർ​ഥി​ക​ളെ തു​ട​ർ​പ​ഠ​ന​ത്തി​ന് സ​ഹാ​യി​ക്കാ​ൻ മൂ​പ്പ​ർ സ്വ​ന്തം പോ​ക്ക​റ്റി​ൽനി​ന്നും കാ​ശ് കൊ​ടു​ത്ത​തു പോ​ലു​ള്ള ക​ഥ​ക​ൾ വേ​റെ​യും. എ​ല്ലാം അ​ഭി​മാ​നം വ​ള​ർ​ത്തു​ന്ന കി​സ്സ​ക​ൾ അ​ർ​ഹ​രെ സ​ഹാ​യി​ക്കു​ന്ന​തി​ൽ ഉ​ദാ​ര​നാ​യി​രി​ക്കു​മ്പോ​ഴും ന്യാ​യ​ത്തി​ന്റെ പ​ക്ഷ​ത്ത് നി​ഷ്കരു​ണം നി​ൽ​ക്കു​ന്ന പ്രി​ൻ​സി​പ്പ​ൽ!

2005ലാ​ണ് സി.​എ​ൻ. അ​ഹ​മ്മ​ദ് മൗ​ല​വി ജ​ന്മ​ശ​താ​ബ്ദി ആ​ഘോ​ഷ​ത്തി​ന്റെ ഭാ​ഗ​മാ​യി ഞാ​ൻ സി.​എ​ൻ. സ്‌​മ​ര​ണി​ക എ​ഡി​റ്റ് ചെ​യ്യു​ന്ന​ത്. മ​മ്പാ​ട് കോ​ള​ജി​ന്റെ സ്‌​ഥാ​പ​ക​ൻ സി.​എ​ൻ. അ​ഹ​മ്മ​ദ് മൗ​ല​വി​യാ​ണ്. സു​ഹൃ​ത്തു​ക്ക​ളാ​യ പ​ണ​ക്കാ​രി​ൽ​നി​ന്നു പ​ണം പി​രിച്ചാ​ണ് അ​ത് തു​ട​ങ്ങി​യ​ത്. ‘കി​ഴ​ക്ക​ൻ’ ഏ​റ​നാ​ട്ടി​ൽ ഒ​രു ഉ​ന്ന​ത ക​ലാ​ല​യം എ​ന്ന സ്വ​പ്ന​ത്തി​ന്റെ സാ​ക്ഷാ​ത്കാ​ര​മാ​യി​ട്ടാ​ണ് സി.​എ​ൻ അ​ത് ക​ണ്ട​ത്. അ​ഞ്ചു​വ​ർ​ഷ​ക്കാ​ലം കൊ​ണ്ടുന​ട​ന്ന​തി​നു​ശേ​ഷമാ​ണ് സി.​എ​ൻ അ​ത് എം.​ഇ.​എ​സി​ന് കൈ​മാ​റു​ന്ന​ത്. ഈ ​കാ​ര്യ​ങ്ങ​ളൊ​ക്കെ എ​നി​ക്ക് എ​ന്ന​പോ​ലെ വേ​റെ ചി​ല​ർ​ക്കും അ​റി​യാം. അ​തി​ലൊ​രാ​ളാ​ണ് മാ​മു​ക്കോ​യ ഹാ​ജി എ​ന്ന വി​ശ്വാ​സ​ത്തി​ൽ ഞാ​ൻ കാ​ര്യ​ങ്ങ​ൾ വി​ശ​ദീ​ക​രി​ച്ചു​കൊ​ണ്ടും സ്മ​ര​ണി​ക​യി​ലേ​ക്ക് ഇ​തേ​പ്പ​റ്റി ഒ​രു ലേ​ഖ​നം ത​ന്ന് സ​ഹാ​യി​ക്ക​ണ​മെ​ന്ന് അ​പേ​ക്ഷി​ച്ചു​കൊ​ണ്ടും ക​ത്ത​യ​ച്ചു. ഉ​ട​നെ മ​റു​പ​ടി വ​ന്നു: ‘ലേ​ഖ​നം എ​ഴു​താം; സി.​എ​ൻ. മൗ​ല​വി​യെ​പ്പ​റ്റി സ്‌​മ​ര​ണി​ക ഇ​റ​ക്കു​ന്ന​ത് ന​ല്ല​കാ​ര്യം.’

മൂ​ന്നാ​ല് ആ​ഴ്‌​ച​ക്ക​കം ലേ​ഖ​നം വ​ന്നു. പ​ഴ​യ മി​നി​ട്‌​സ് പു​സ്‌​ത​ക​ങ്ങ​ളി​ലെ പേ​രു​ക​ളും തീ​യ​തി​ക​ളും പ​രി​ശോ​ധി​ച്ചും പ്ര​സ​ക്ത​മാ​യ​വ എ​ടു​ത്തു​പ​റ​ഞ്ഞും എ​ഴു​തി​യ ആ ​അ​നു​സ്മ‌​ര​ണം പ​ല​രും മ​റ​ന്നു​പോ​യ മ​മ്പാ​ട് കോ​ള​ജി​ന്റെ ആ​ദ്യ​കാ​ല​ച​രി​ത്ര​ത്തി​ലേ​ക്കും അ​തി​ൽ സി.​എ​ന്നി​നു​ള്ള പ​ങ്കി​ലേ​ക്കും വ​ഴി കാ​ണി​ക്കു​ന്ന ഒ​ന്നാ​യി​രു​ന്നു. മാ​മു​ക്കോ​യ ഹാ​ജി​യു​മാ​യി എ​നി​ക്ക് വേ​റെ ഒ​രു ബ​ന്ധംകൂ​ടി വ​ന്നു​ചേ​ർ​ന്നു. മൂ​പ്പ​രു​ടെ ഇ​ള​യ അ​നു​ജ​ൻ അ​ബൂ​ബ​ക്ക​ർ മീ​ഞ്ച​ന്ത ഗ​വ. ആ​ർ​ട്‌​സ് കോ​ള​ജി​ൽ കു​റ​ച്ചു​കാ​ലം എ​ന്റെ വി​ദ്യാ​ർ​ഥി​യാ​യി​രു​ന്നു.

ആ​രാ​മ്പ്ര​ത്തെ എ​ന്റെ ദീ​ർ​ഘ​കാ​ല സു​ഹൃ​ത്ത് ടി.​എം. ഹു​സൈ​ൻ മാ​മു​ക്കോ​യ ഹാ​ജി​യി​ലേ​ക്കു​ള്ള വ​ഴി​ക​ളി​ൽ ഒ​ന്നാ​യി​രു​ന്നു. അ​വ​ർ നാ​ട്ടു​കാ​ർ എ​ന്ന​പോ​ലെ അ​ടു​ത്ത ബ​ന്ധു​ക്ക​ളു​മാ​ണ്. മൂ​പ്പ​രു​ടെ രോ​ഗ​ത്തെ​പ്പ​റ്റി​യും അ​തി​ൽ കാ​ണി​ച്ചു​പോ​ന്ന ആ​ഴ​മേ​റി​യ ക്ഷ​മ​യെ​പ്പ​റ്റി​യും ഹു​സൈ​നാ​ണ് എ​ന്നോ​ട് അ​ധി​ക​വും പ​റ​ഞ്ഞി​രു​ന്ന​ത്. ഞാ​ൻ ര​ണ്ടു മൂ​ന്നു വ​ട്ടം രോ​ഗ​ശ​യ്യ​യി​ലാ​യ മാ​മു​ക്കോ​യ ഹാ​ജി​യെ കാ​ണാ​ൻ പോ​യ​ത് ഹു​സൈ​ന്റെ കൂ​ടെ​യാ​ണ്. ഹു​സൈ​ൻ ആ ​ബ​ന്ധു​വി​നെ​പ്പ​റ്റി പ​റ​ഞ്ഞി​രു​ന്ന ക​ഥ​ക​ളി​ൽ തെ​ളി​ഞ്ഞു​നി​ന്ന​ത്, എ​ന്നും എ​വി​ടെ​യും എ​ന്തി​ലും കൃ​ത്യ​മാ​യ നി​ല​പാ​ടു​ള്ള എ​പ്പോ​ഴും നീ​തി​യു​ടെ കൂ​ടെ നി​ല​യുറ​പ്പി​ച്ച​വ​നും വി​നീ​ത​നും സ​ഹാ​യ​മ​ന​സ്‌​ക​നു​മാ​യ ഒ​രു മ​നു​ഷ്യ​ചി​ത്ര​മാ​ണ്.

(പു​റ​ത്തി​റ​ങ്ങാ​ൻ പോ​കു​ന്ന പ്ര​ഫ. വി. ​മാ​മു​ക്കോ​യ ഹാ​ജി സ്‌​മ​ര​ണി​ക​യി​ൽ​നി​ന്നും)