വായിക്കാതിരിക്കാൻ ആവില്ലെനിക്ക്​...

കോ​ട്ട​യം: പു​റ​ത്തു​പോ​യ ഉ​പ്പ​യും സ​ഹോ​ദ​ര​ങ്ങ​ളും തി​രി​ച്ചു​വ​രു​ന്ന​തും​നോ​ക്കി വാ​തി​ൽ​ക്ക​ൽ കാ​ത്തു​നി​ന്നി​രു​ന്ന കു​ട്ടി​ക്കാ​ല​മു​ണ്ടാ​യി​രു​ന്നു​ ഐ​ഷ​ക്ക്. മ​റ്റൊ​ന്നി​നു​മ​ല്ല, അ​വ​രു​ടെ കൈ​യി​ലൊ​രു പു​സ്ത​ക​മു​ണ്ടാ​വും. അ​ത്​ ത​നി​ക്കു​ള്ള​താ​ണ്. കൈ​യി​ൽ കി​ട്ടി​യാ​ൽ ആ ​പു​സ്ത​കം​ വാ​യി​ച്ചു​തീ​രാ​തെ എ​ത്​ പാ​തി​രാ​ത്രി ആ​യാ​ലും ഉ​റ​ങ്ങി​ല്ല. ഈ 94ാം ​വ​യ​സ്സി​ലും ആ ​ശീ​ല​ത്തി​ന്​ മാ​റ്റ​മി​ല്ല. കൈ​യി​ലൊ​രു പു​സ്ത​ക​മി​ല്ലാ​തെ ഐ​ഷു​മ്മ​യെ കാ​ണാ​നാ​വി​ല്ല.

‘എ​നി​ക്ക്​ എ​ന്തെ​ങ്കി​ലും വാ​യി​ച്ചു​കൊ​ണ്ടി​രി​ക്ക​ണം മ​ക്ക​ളേ; അ​ല്ലാ​തെ പ​റ്റി​ല്ല’ -എ​ന്നാ​ണ്​ ഇ​തേ​ക്കു​റി​ച്ച്​ ചോ​ദി​ച്ചാ​ൽ ഐ​ഷു​മ്മ​യു​ടെ മ​റു​പ​ടി. താ​ഴ​ത്ത​ങ്ങാ​ടി ഇ​ഖ്​​ബാ​ൽ ​ലൈ​ബ്ര​റി​യി​ലെ ആ​ദ്യ വ​നി​ത അം​ഗ​മാ​ണ്​ കു​മ്മ​നം കി​ഴ​ക്കേ വെ​ടി​പ്പു​ര​ക്ക​ൽ ഐ​ഷ സെ​യ്തു​മു​ഹ​മ്മ​ദ്. അ​ക്ഷ​രം കൂ​ട്ടി​വാ​യി​ക്കു​ന്ന കാ​ലം​മു​ത​ലേ കി​ട്ടു​ന്ന​തെ​ന്തും വാ​യി​ക്കും. ക​ഥ, നോ​വ​ൽ, ക​വി​ത, ച​രി​​ത്രം, രാ​ഷ്ട്രീ​യം എ​ന്തും ഐ​ഷ​ക്ക്​ പ്രി​യ​പ്പെ​ട്ട​താ​ണ്.

ഐ​ഷ​യെ പു​സ്ത​ക​പ്രേ​മി​യാ​ക്കി​യ​ത്​ ഇ​ഖ്​​ബാ​ൽ ലൈ​ബ്ര​റി​യാ​ണ്. ലൈ​ബ്ര​റി​യു​ടെ സ്ഥാ​പ​ക​രി​ലൊ​രാ​ളാ​ണ്​ ഐ​ഷ​യു​ടെ സ​ഹോ​ദ​ര​ൻ പി.​കെ. മു​ഹ​മ്മ​ദ് പാ​ഴൂ​ർ. 1947 മാ​ർ​ച്ച്​ ര​ണ്ടി​നാ​ണ് ​തി​രു​വി​താം​കൂ​ർ മു​സ്​​ലിം വി​ദ്യാ​ർ​ഥി ഫെ​ഡ​റേ​ഷ​ന്‍റെ (ഇ​ന്ന​ത്തെ എം.​എ​സ്.​എ​ഫി​ന്‍റെ ആ​ദ്യ​രൂ​പം) ആ​ഭി​മു​ഖ്യ​ത്തി​ൽ ലൈ​ബ്ര​റി തു​ട​ങ്ങു​ന്ന​ത്. സ​ഹോ​ദ​ര​നാ​ണ്​ പു​സ്ത​ക​ങ്ങ​ൾ കൊ​ണ്ടു​കൊ​ടു​ത്തി​രു​ന്ന​ത്. കി​ട്ടി​യാ​ൽ ഒ​റ്റ​യി​രി​പ്പി​ൽ വാ​യി​ച്ചു​തീ​ർ​ക്കും. ഒ​രു മെം​ബ​ർ​ഷി​പ്പി​ൽ ഒ​രു പു​സ്ത​കം മാ​ത്ര​മേ കി​ട്ടൂ. ര​ണ്ടു​പു​സ്ത​കം കി​ട്ടാ​ൻ ര​ണ്ട്​ മെം​ബ​ർ​ഷി​പ്പെ​ടു​ത്ത്​ വീ​ട്ടു​കാ​രെ ഞെ​ട്ടി​ച്ചു, ഐ​ഷ.

വേ​ളൂ​ർ സെ​ന്‍റ്​ ജോ​ൺ​സി​ലാ​യി​രു​ന്നു സ്കൂ​ൾ​പ​ഠ​നം. തേ​ഡ്​ ഫോ​റം വ​രെ​യേ പ​ഠി​ക്കാ​നാ​യു​ള്ളൂ. സ്കൂ​ളി​ൽ പോ​കാ​നാ​യി​ല്ലെ​ങ്കി​ലും പു​സ്ത​ക​ങ്ങ​ളെ കൈ​വി​ട്ടി​ല്ല. ‘ന്‍റു​പ്പൂ​പ്പാ​ക്കൊ​രാ​നേ​ണ്ടാ​ർ​ന്നു’ വാ​യി​ക്കു​മ്പോ​ൾ ഐ​ഷ​യും പ​റ​ഞ്ഞു, ‘എ​ന്‍റു​പ്പൂ​പ്പാ​ക്കും ഒ​രാ​ന​യു​ണ്ടാ​യി​രു​ന്നു’​വെ​ന്ന്. അ​ത്​ നേ​രാ​യി​രു​ന്നു; ഐ​ഷ​യു​ടെ ഉ​പ്പൂ​പ്പാ​ക്കും ആ​ന​യു​ണ്ടാ​യി​രു​ന്നു.

ഐ​ഷ​യു​ടെ കൈ​തൊ​ടാ​ത്ത ഒ​രു പു​സ്ത​ക​വും ഇ​ല്ലാ​യി​രു​ന്നു ലൈ​ബ്ര​റി​യി​ൽ. ഇ​ട​ക്കാ​ല​ത്ത്​ ലൈ​ബ്ര​റി നി​ർ​ജീ​വ​മാ​വു​ക​യും കെ​ട്ടി​ടം നാ​മാ​വ​ശേ​ഷ​മാ​വു​ക​യും ചെ​യ്ത​പ്പോ​ൾ ഒ​ത്തി​രി സ​ങ്ക​ട​പ്പെ​ട്ടു. 20 വ​ർ​ഷ​ങ്ങ​ൾ​ക്കു​ശേ​ഷം 2021ൽ ​താ​ഴ​ത്ത​ങ്ങാ​ടി മു​സ്​​ലിം ക​ൾ​ച​റ​ൽ ഫോ​റം പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ ലൈ​ബ്ര​റി വീ​ണ്ടെ​ടു​ത്ത​പ്പോ​ഴാ​ണ്​ ആ ​സ​ങ്ക​ടം മാ​റി​യ​ത്. ദി​വ​സ​വും ര​ണ്ട്​ പ​ത്രം അ​രി​ച്ചു​പെ​റു​ക്കി വാ​യി​ക്കും.

17 വ​ർ​ഷം​മു​മ്പാ​യി​രു​ന്നു​ ഭ​ർ​ത്താ​വ്​ സെ​യ്തു​മു​ഹ​മ്മ​ദി​ന്‍റെ വി​യോ​ഗം. നാ​ലു​മ​ക്ക​ളാ​ണ്. മു​ഹ​മ്മ​ദ്​ അ​ഷ്​​റ​ഫ്, നൗ​ഷാ​ദ്, ജ​ലീ​ല (മോ​ളി), റ​ഷീ​ദ (കു​ഞ്ഞു​മോ​ൾ). മ​ക്ക​ളും ബ​ന്ധു​ക്ക​ളും ഐ​ഷ​യെ കാ​ണാ​ൻ വ​രു​ക പു​സ്ത​ക​വു​മാ​യാ​ണ്. പു​സ്ത​കം കി​ട്ടി​യാ​ൽ കു​ട്ടി​ക​ളെ​പ്പോ​ലെ​യാ​ണ്. വാ​തി​ല​ട​ച്ചി​രു​ന്ന്​ വാ​യി​ച്ചു​തീ​ർ​ത്തേ പു​റ​ത്തു​വ​രൂ​വെ​ന്ന്​ ചി​രി​യോ​ടെ പ​റ​യു​ന്നു, മ​രു​മ​ക്ക​ളാ​യ മും​താ​സും സാ​ബി​റ​യും.