ബോളിവുഡ്​ അരങ്ങേറ്റത്തിനൊരുങ്ങി ആമിർ ഖാ​െൻറ മകൻ; ആശംസകളുമായി സഹോദരി

ബോളിവുഡ്​ സൂപ്പർതാരം ആമിർ ഖാ​െൻറ മകൻ ജുനൈദ്​ ഖാൻ അഭിനയ രംഗത്തേക്ക്​. യാഷ്​ രാജ്​ ഫിലിംസി​െൻറ പിരീഡ്​ ഡ്രാമയിലൂടെയാണ്​ ജുനൈദ്​ അരങ്ങേറ്റം കുറിക്കുക. സിദ്ധാർഥ്​ മൽഹോത്ര സംവിധാനം ചെയ്യുന്ന ചിത്രം 1862ലെ മഹാരാജ്​ ലിബെൽ കേസ്​ പ്രമേയമാക്കിയുള്ളതാണ്​. 'മഹാരാജ' എന്ന്​ പേരായ ചിത്രത്തിൽ ഒരു മാധ്യമ പ്രവർത്തകനായാണ്​ ജുനെദ്​ വേഷമിടുന്നത്​​. നേരത്തെ ഷൈൻ നിഗം നായകനായ ഇഷ്​ഖി​െൻറ ബോളിവുഡ്​ റീമേക്കിൽ ജുനൈദ്​ ഖാൻ നായകനാകുമെന്ന്​ റിപ്പോർട്ടുകളുണ്ടായിരുന്നു.

ജുനൈദി​െൻറ ബോളിവുഡ്​ അരങ്ങേറ്റത്തിന്​ ആശംസകളുമായി സഹോദരി ഇറ ഖാൻ രംഗത്തെത്തിയിരുന്നു. ഇൻസ്റ്റഗ്രാമിൽ മനോഹരമായ ഒരു ചിത്രവും കൂടെ ഒരു കുറിപ്പും ഇറ പങ്കുവെച്ചിട്ടുണ്ട്​. ''ജുനു... ഇത്​ അവ​െൻറ ആദ്യത്തെ നാടകമോ, ആദ്യത്തെ ഷോയോ, ഞങ്ങൾ ഒരുമിച്ചുള്ള ആദ്യത്തെ നാടകമോ അല്ല.. ഇത്​ അവ​െൻറ ആദ്യത്തെ ഷൂട്ടിങ്​ ദിവസമാണ്​. ഇൗ ചിത്രം ഞാൻ ഏറെ ഇഷ്​ടപ്പെടുന്നു. അവൻ കുറച്ചു വർഷങ്ങളായി അഭിനയരംഗത്തുണ്ടെങ്കിലും ഇതെനിക്ക്​ പുതിയതാണ്​. അവൻ എ​െൻറ നാടകത്തിലും അഭിനയിച്ചിട്ടുണ്ട്​. എന്നാൽ മറ്റെല്ലാ കാര്യങ്ങളെക്കാളും ഏറെക്കാലമായി ഞാൻ അവ​െൻറ അനുജത്തിയാണ്. "

സമാനതകളില്ലാത്തതാണ്​ അവ​െൻറ പ്രൊഫഷണലിസം. പ്രകടനം കൊണ്ട് അവൻ​ എല്ലാവരെയും അമ്പരപ്പിക്കുന്ന ആ നിമിശത്തിനായി കാത്തിരിക്കാൻ വയ്യ. അതുപോലെ, അമിത കൃത്യനിഷ്​ട പാലിച്ച്​ എല്ലാവർക്കും അസ്വസ്ഥതയുണ്ടാക്കുന്നത്​ കാണാനും. സിനിമയെ കുറിച്ചുള്ള വിശേഷങ്ങൾ ഒന്നും അവൻ എന്നോട്​ പറഞ്ഞിട്ടില്ല. അത്​ എനിക്ക്​ അസ്വസ്ഥതയുണ്ടാക്കുന്നുണ്ട്​. അണിയറ വിശേഷങ്ങളെല്ലാം അറിയണമെന്നുണ്ട്​. അങ്ങനെയാണെങ്കിൽ എനിക്ക്​ സെറ്റിൽ പോയി അവനെ ശല്യപ്പെടുത്താൻ കഴിഞ്ഞേക്കും. -ഇറ ഇൻസ്റ്റഗ്രാം പോസ്റ്റിൽ കുറിച്ചു. ആമിർ ഖാന്​ ആദ്യ ഭാര്യ റീന ദത്തയിലുണ്ടായ മക്കളാണ്​ ജുനൈദും ഇറയും.