ക്ലോക്ക് ടവറിലെ രഹസ്യങ്ങൾ

പാ​രി​സ് റെ​യി​ല്‍വേ സ്റ്റേ​ഷ​നി​ലെ ക്ലോ​ക്ക് ട​വ​റി​നു​ള്ളി​ല്‍ ആ​രു​മ​റി​യാ​തെ താ​മ​സി​ക്കു​ന്ന ഒ​രു​കു​ട്ടി. ഹ്യൂ​ഗോ കാ​ബ്രെ​റ്റ്. അ​വ​ൻ അ​നാ​ഥ​നാ​ണ്. അ​വി​ട​ത്തെ ഒ​റ്റ​യാ​ൾ താ​മ​സം ദു​സ്സ​ഹ​മാ​ണെ​ങ്കി​ലും താ​ഴെ ക​ളി​പ്പാ​ട്ട​ക്ക​ട ന​ട​ത്തു​ന്ന വൃ​ദ്ധ​നു​മാ​യി അ​വ​ൻ നി​ര​ന്ത​രം സം​സാ​രി​ക്കു​ന്നു​ണ്ട്. ആ ​സം​സാ​രം ഒ​ടു​വി​ൽ അ​വ​സാ​നി​ക്കു​ന്ന​ത് വ​ലി​യൊ​രു ട്വി​സ്റ്റി​ലേ​ക്കാ​ണ്. വ​ള​രെ സ്വാ​ഭാ​വി​ക​മാ​ണെ​ന്ന് തോ​ന്നാ​വു​ന്ന ക​ണ്ടു​മു​ട്ട​ലാ​ണെ​ങ്കി​ലും അ​തൊ​രു അ​ന്വേ​ഷ​ണ​മാ​ണ്. ചി​ല ഉ​ത്ത​ര​ങ്ങ​ളി​ലേ​ക്കു​ള്ള അ​ന്വേ​ഷ​ണം. ഹ്യൂ​ഗോ​യു​ടെ​യും പാ​വ​ക്ക​ച്ച​വ​ട​ക്കാ​ര​ന്റെ​യും ജീ​വി​ത​ത്തി​ലെ ര​ഹ​സ്യ​ങ്ങ​ളി​ലൂ​ടെ​യാ​ണ് സി​നി​മ സ​ഞ്ച​രി​ക്കു​ന്ന​ത്.

റെ​യി​ൽ​വേ സ്റ്റേ​ഷ​നാ​ണ് ചി​ത്ര​ത്തി​ന്റെ പ്ര​ധാ​ന ക​ഥാ​പ​രി​സ​രം. ബ്രൗ​ണി​ഷ്-ബ്ലാ​ക്ക് ക​ള​ർ ടോ​ണി​ൽ വ​രു​ന്ന ചി​ത്ര​ത്തി​ൽ തി​ര​ക്കേ​റി​യ റെ​യി​ൽ​വേ സ്റ്റേ​ഷ​നും പ​രി​സ​ര​വും കൂ​ടു​ത​ൽ ശ്ര​ദ്ധി​ക്ക​പ്പെ​ടു​ന്ന രീ​തി​യി​ലാ​ണ് ലൈ​റ്റ്സും അ​തി​ന്റെ റി​ഫ്ല​ക്ഷ​ൻ​സും ഉ​പ​യോ​ഗി​ച്ചി​രി​ക്കു​ന്ന​ത്. എ​ടു​ത്തുപ​റ​യേ​ണ്ട​ത് ഛായാ​ഗ്ര​ഹ​ണ​വും വി​ഷ്വ​ൽ ഇഫ​ക്ട്സു​മാ​ണ്. ഹ്യൂ​ഗോ​യു​ടെ മെ​ക്കാ​നി​ക്ക​ൽ നൈ​പു​ണ്യ​ത്തെ​യും ക​ണ്ടു​പി​ടി​ക്കാ​നു​ള്ള അ​ന്വേ​ഷ​ണ ത്വ​ര​യേ​യും ക്ലോ​സ​പ് ഷോ​ട്ടു​ക​ൾ വ്യ​ക്ത​മാ​യി ഫോ​ക്ക​സ് ചെ​യ്യു​ന്നു​ണ്ട്. ഹ്യൂ​ഗോ​യെ​ക്കാ​ൾ ഇ​മോ​ഷ​ൻ ക്രി​യേ​റ്റ് ചെ​യ്യു​ന്ന​ത് ക​ളി​പ്പാ​ട്ട ക​ച്ച​വ​ട​ക്കാ​ര​നാ​ണ്. സി​നി​മ പ​കു​തി​യി​ലേ​ക്ക് എ​ത്തു​മ്പോ​ഴേ​ക്കും അ​തി​നു​ള്ള കാ​ര​ണ​ങ്ങ​ൾ ഓ​രോ​ന്നാ​യി വെ​ളി​പ്പെ​ടും.

മാ​ർ​ട്ടി​ൻ സ്കോ​ർ​സ​സി​യു​ടെ സം​വി​ധാ​ന​ത്തി​ൽ 2011ൽ ​പു​റ​ത്തി​റ​ങ്ങി​യ ഇം​ഗ്ലീ​ഷ് ത്രീ​ഡി ച​ല​ച്ചി​ത്ര​മാ​ണ് ‘ഹ്യൂ​ഗോ’. സ്കോ​ർ​സ​സി​യു​ടെ ആ​ദ്യ ത്രീ​ഡി ച​ല​ച്ചി​ത്ര​മാ​യ ഹ്യൂ​ഗോ ബ്ര​യാ​ൻ സെ​ല്സ്നി​ക്കി​ന്റെ ‘ദ ​ഇ​ൻ​വെ​ൻ​ഷ​ൻ ഓ​ഫ് ഹ്യൂ​ഗോ കാ​ബ്രെ​റ്റ്’ എ​ന്ന നോ​വ​ലി​നെ ആ​സ്പ​ദ​മാ​ക്കി​യു​ള്ള​താ​ണ്. 128 മി​നി​റ്റ് ദൈ​ർ​ഘ്യ​മു​ള്ള ഹ്യൂ​ഗോ​യു​ടെ തി​ര​ക്ക​ഥ എ​ഴു​തി​യി​രി​ക്കു​ന്ന​ത് ജോ​ൺ ലോ​ഗ​ൻ.

മി​ക​ച്ച ച​ല​ച്ചി​ത്രം, മി​ക​ച്ച സം​വി​ധാ​യ​ക​ൻ എ​ന്നി​വ​യ​ട​ക്കം 11 അ​ക്കാ​ദ​മി പു​ര​സ്കാ​ര നാ​മ​നി​ർ​ദേ​ശ​ങ്ങ​ൾ ചി​ത്ര​ത്തി​ന് ല​ഭി​ച്ചി​രു​ന്നു. 84ാം അ​ക്കാ​ദ​മി പു​ര​സ്കാ​ര​ങ്ങ​ളി​ൽ ഏ​റ്റ​വു​മ​ധി​കം നാ​മ​നി​ർ​ദേ​ശം ല​ഭി​ച്ച​തും ഈ ​ചി​ത്ര​ത്തി​നാ​യി​രു​ന്നു. മി​ക​ച്ച ശ​ബ്ദമി​ശ്ര​ണം, സൗ​ണ്ട് എ​ഡി​റ്റി​ങ്, ക​ലാ​സം​വി​ധാ​നം, വി​ഷ്വ​ൽ ഇഫ​ക്ട്സ്, ഛായാ​ഗ്ര​ഹ​ണം എ​ന്നീ അ​ഞ്ച് അ​ക്കാ​ദ​മി പു​ര​സ്കാ​ര​ങ്ങ​ളും ചി​ത്രം നേ​ടി. ഇ​തു​കൂ​ടാ​തെ ര​ണ്ട് ബാ​ഫ്റ്റ അ​വാ​ർ​ഡു​ക​ളും മൂ​ന്ന് ഗോ​ൾ​ഡ​ൻ ഗ്ലോ​ബ് പു​ര​സ്കാ​ര​ങ്ങ​ൾ​ക്കു​ള്ള നാ​മ​നി​ർ​ദേ​ശ​വും ചി​ത്ര​ത്തി​നു​ണ്ടാ​യി​രു​ന്നു.