ഹി​മാ​ല​യ​ൻ നി​ശ്ച​ല​ത​യും പ്ര​ത്യാ​ശ​യും

ഏ​റെ ക്ഷ​മ​യോ​ടെ ഒ​രു സി​നി​മ ക​ണ്ടു​തീ​ർ​ക്കാ​ൻ സൗ​ക​ര്യ​വും സ​മ​യ​വു​മു​ണ്ടെ​ങ്കി​ൽ ‘സെ​ക്ക​ൻ​ഡ് ചാ​ൻ​സ്’ തെ​ര​ഞ്ഞെ​ടു​ക്കാം. ശാ​ന്ത​മാ​യ ഹി​മാ​ല​യ​ൻ താ​ഴ്വ​ര​യി​ലെ മ​രം​കോ​ച്ചു​ന്ന ത​ണു​പ്പി​ൽ ചി​ത്രീ​ക​രി​ച്ച ഈ ​ചി​ത്രം ഏ​കാ​ന്ത​ത, ഒ​റ്റ​പ്പെ​ട​ൽ, മ​നഃ​ശാ​ന്തി എ​ന്നി​വ​യെ നി​ശ്ശ​ബ്ദ​മാ​യി സം​ബോ​ധ​ന ചെ​യ്യു​ന്നു. ബ്ലാ​ക്ക് ആ​ൻ​ഡ് വൈ​റ്റി​ൽ ചി​ത്രീ​ക​രി​ച്ച​താ​ണെ​ങ്കി​ലും ഹി​മാ​ല​യ​ൻ ഭം​ഗി​യെ അ​ത് ഒ​ട്ടും മു​റി​വേ​ൽ​പി​ക്കു​ന്നി​ല്ല. ഹി​മാ​ല​യ​ൻ ഭൂ​പ്ര​കൃ​തി​യെ മാ​ത്ര​മ​ല്ല അ​തി​ന്‍റെ നി​ശ്ച​ല​ത​യെ​യും അ​തി​ലൂ​ടെ ഉ​ണ​ർ​ത്തു​ന്ന വി​കാ​ര​ങ്ങ​ളെ​യും സി​നി​മ അ​ട​യാ​ള​പ്പെ​ടു​ത്തു​ന്നു​ണ്ട്.

ഹി​മാ​ച​ൽ പ്ര​ദേ​ശി​ൽ ജ​നി​ച്ചു​വ​ള​ർ​ന്ന് മും​ബൈ​യി​ൽ താ​മ​സ​മാ​ക്കി​യ സു​ഭ​ദ്ര മ​ഹാ​ജ​നാ​ണ് ചി​ത്രം സം​വി​ധാ​നം ചെ​യ്ത​ത്. സ​മ​കാ​ലി​ക ഇ​ന്ത്യ​യി​ലെ സ്ത്രീ​ത്വ​ത്തി​ന്‍റെ സ​ത്യ​സ​ന്ധ​വും ക്ഷ​മാ​പ​ണ​മി​ല്ലാ​ത്ത​തു​മാ​യ ആ​വി​ഷ്കാ​ര​ത്തി​ന് നേ​ര​ത്തേ​ത​ന്നെ ലോ​കാം​ഗീ​കാ​ര​ങ്ങ​ൾ നേ​ടി​യ എ​ഴു​ത്തു​കാ​രി​യും സം​വി​ധാ​യി​ക​യു​മാ​ണ് സു​ഭ​ദ്ര മ​ഹാ​ജ​ൻ. ലോ​ക​ത്തി​ലെ പൗ​രാ​ണി​ക​മാ​യ ച​ല​ച്ചി​ത്ര​മേ​ള​ക​ളി​ലൊ​ന്നാ​യ ചെ​ക്ക് റി​പ​ബ്ലി​ക്കി​ലെ കാ​ർ​ലോ​വി വാ​രി​യി​ൽ ന​ട​ക്കു​ന്ന കാ​ർ​ലോ​വി വാ​രി ഇ​ന്‍റ​ർ​നാ​ഷ​ന​ൽ ഫി​ലിം ഫെ​സ്റ്റി​വ​ലി​ൽ ‘സെ​ക്ക​ൻ​ഡ് ചാ​ൻ​സ്’ പ്ര​ദ​ർ​ശി​പ്പി​ക്കാ​ൻ 2024ൽ ​അ​വ​ർ​ക്ക് അ​വ​സ​രം ല​ഭി​ച്ചു.

സ്ലോ ​പേ​സി​ലൂ​ടെ​യും വി​ര​ള​മാ​യ സം​ഭാ​ഷ​ണ​ങ്ങ​ളി​ലൂ​ടെ​യു​മാ​ണ് ‘സെ​ക്ക​ൻ​ഡ് ചാ​ൻ​സ്’ മു​ന്നോ​ട്ടു​പോ​കു​ന്ന​ത്. അ​തി​നാ​ൽ വി​ര​സ​ത​യ​നു​ഭ​വ​പ്പെ​ടാം. എ​ന്നാ​ൽ, ക​ഥ​യു​ടെ വൈ​കാ​രി​ക അ​ടി​യൊ​ഴു​ക്കു​ക​ൾ പ്രേ​ക്ഷ​ക​നെ ആ​ഴ​ത്തി​ൽ സ്പ​ർ​ശി​ക്കാ​നി​ട​യു​ണ്ട്. ല​ളി​ത​മാ​യ ആ​ഖ്യാ​ന​ശൈ​ലി​യാ​ണ് സി​നി​മ​യു​ടെ ഹൃ​ദ​യം. ജീ​വി​ത​ത്തി​ന്‍റെ സു​പ്ര​ധാ​ന നി​മി​ഷ​ത്തി​ലൂ​ടെ ക​ട​ന്നു​പോ​ക​വെ ത​നി​ക്കു നേ​രി​ടേ​ണ്ടി​വ​ന്ന പ്ര​ശ്ന​ങ്ങ​ളി​ൽ​നി​ന്ന് പി​ൻ​വാ​ങ്ങാ​ൻ വ​ഴി​തേ​ടി അ​ല​യു​ന്ന യു​വ​തി നി​യ​യു​ടെ (ധീ​ര ജോ​ൺ​സ​ൺ) ക​ഥ​യാ​ണ് സി​നി​മ പ​റ​യു​ന്ന​ത്.

അ​വ​ൾ ഗ​ർ​ഭി​ണി​യാ​ണ്. കാ​മു​ക​നു​മാ​യു​ള്ള പി​ണ​ക്ക​ത്തി​നു ശേ​ഷം സ​മാ​ധാ​നം ന​ഷ്ട​പ്പെ​ട്ട അ​വ​ൾ ഡ​ൽ​ഹി​യു​ടെ ക​ന​ത്ത തി​ര​ക്കി​ലും ഒ​റ്റ​പ്പെ​ട്ട് അ​ല​ച്ചി​ലി​ലു​മാ​ണ്. വേ​ഗ​ത​യേ​റി​യ ന​ഗ​ര​ജീ​വി​ത​ത്തി​ൽ​നി​ന്ന് ഇ​ട​വേ​ള തേ​ടി, അ​വ​ൾ മ​ല​നി​ര​ക​ളി​ൽ സ്ഥി​തി​ചെ​യ്യു​ന്ന ത​ന്റെ കു​ടും​ബ​ത്തി​ന്റെ പൂ​ർ​വി​ക വീ​ട്ടി​ലേ​ക്ക് യാ​ത്ര തി​രി​ക്കു​ന്നു. അ​വി​ടെ​യെ​ത്തി സ​മാ​ധാ​നം തി​രി​ച്ചു​പി​ടി​ക്കാ​ൻ ശ്ര​മി​ക്കു​മ്പോ​ഴും ഭൂ​ത​കാ​ല​ത്തെ അ​നി​ഷ്ട സം​ഭ​വ​ങ്ങ​ൾ അ​വ​ളെ നി​ര​ന്ത​രം വേ​ട്ട​യാ​ടു​ക​യാ​ണ്. ഒ​റ്റ​പ്പെ​ട്ട മ​ന​സ്സി​ന്‍റെ വി​ങ്ങ​ലു​ക​ളി​ൽ​നി​ന്നു​ള്ള മോ​ച​ന​ത്തി​നാ​യി അ​വ​ൾ വ​ഴ​ക്കി​ട്ടി​റ​ങ്ങി​യ കാ​മു​ക​നെ വീ​ണ്ടും ബ​ന്ധ​പ്പെ​ടാ​ൻ ശ്ര​മി​ക്കു​ന്നു. എ​ന്നാ​ൽ, അ​പൂ​ർ​ണ​മാ​യ മൊ​ബൈ​ൽ ക​ണ​ക്ടി​വി​റ്റി കാ​ര​ണം ശ്ര​മ​ങ്ങ​ൾ ആ​വ​ർ​ത്തി​ച്ച് പ​രാ​ജ​യ​പ്പെ​ടു​ന്നു.

ദി​വ​സ​ങ്ങ​ൾ മു​ന്നോ​ട്ടു നീ​ങ്ങ​വെ, ത​നി​ക്ക് മു​ന്നി​ൽ തു​റ​ന്നി​ട്ട ജ​ന​ൽ​പാ​ളി​ക​ൾ​ക്ക​പ്പു​റ​ത്തെ ഏ​കാ​ന്ത കു​ന്നു​ക​ൾ​ക്ക് വി​പ​രീ​ത​മാ​യി നൊ​മ്പ​ര​ങ്ങ​ളെ അ​വ​ൾ മ​റ​വി​യു​ടെ നീ​ണ്ട ആ​ഴ​ങ്ങ​ളി​ലേ​ക്ക് മാ​റ്റി​വെ​ക്കു​ന്നു. വീ​ട്ടി​ലെ വൃ​ദ്ധ പ​രി​ചാ​ര​ക​ൻ ഭെ​മി​ജി (താ​ക്രി ദേ​വി), അ​ദ്ദേ​ഹ​ത്തി​ന്റെ ഉ​ത്സാ​ഹ​ഭ​രി​ത​നാ​യ ചെ​റു​മ​ക​ൻ സ​ണ്ണി (ക​ന​വ് താ​ക്കൂ​ർ) എ​ന്നി​വ​രി​ൽ അ​വ​ൾ സൗ​ഹൃ​ദം ക​ണ്ടെ​ത്തു​ന്നു. ഡ​ൽ​ഹി​യി​ൽ​നി​ന്നു​ള്ള വൈ​കാ​രി​ക​മാ​യ ര​ക്ഷ​പ്പെ​ട​ലി​ൽ​നി​ന്ന് പ​ർ​വ​ത ജീ​വി​ത​ത്തി​ന്റെ ശാ​ന്ത​മാ​യ താ​ള​ങ്ങ​ളി​ലേ​ക്ക് ക്ര​മേ​ണ നി​യ ആ​ക​ർ​ഷി​ക്ക​പ്പെ​ടു​ക​യാ​ണ് തു​ട​ന്ന​ങ്ങോ​ട്ട്.

സി​നി​മ സാ​വ​ധാ​ന​ത്തി​ൽ വി​ക​സി​ക്കു​ന്ന​തോ​ടൊ​പ്പം അ​തി​ലെ നാ​യ​ക​നെ​പ്പോ​ലെ ത​ന്നെ കാ​ഴ്ച​ക്കാ​ർ​ക്ക് ശ്വ​സി​ക്കാ​നും ചി​ന്തി​ക്കാ​നും ഇ​ടം ന​ൽ​കു​ന്നു. നി​ശ്ശ​ബ്ദ​ത​ക​ൾ​ക്കൊ​പ്പം ഇ​രി​ക്കാ​നും ചെ​റി​യ ആം​ഗ്യ​ങ്ങ​ൾ ശ്ര​ദ്ധി​ക്കാ​നും സാ​വ​ധാ​ന​ത്തി​ൽ വ​ള​രു​ന്ന ബ​ന്ധ​ങ്ങ​ൾ നി​രീ​ക്ഷി​ക്കാ​നും അ​ത് അ​നു​വ​ദി​ക്കു​ക​യും ചെ​യ്യു​ന്നു. വാ​ക്കു​ക​ളി​ലൂ​ടെ​യ​ല്ല, സാ​ന്നി​ധ്യ​ത്തി​ലൂ​ടെ​യാ​ണ് യ​ഥാ​ർ​ഥ രോ​ഗ​ശാ​ന്തി എ​ന്നും അ​ങ്ങ​നെ​യു​ള്ള ആ​ളു​ക​ളെ​യും സ്ഥ​ല​ങ്ങ​ളെ​യും കു​റി​ച്ച് ചി​ന്തി​ക്കു​ക​യാ​ണ് വേ​ണ്ട​തെ​ന്നും സി​നി​മ പറയുന്നു.

ബ്ലാ​ക്കി​ന്‍റെ​യും വൈ​റ്റി​ന്‍റെ​യും ക​ന​ത്ത പ്ര​ത​ല​മാ​യി​ട്ടും സ്വ​യ​ശൈ​ലി​യി​ൽ നി​യ എ​ന്ന ക​ഥാ​പാ​ത്ര​ത്തെ അ​ഭി​ന​യി​ച്ച് ഫ​ലി​പ്പി​ച്ച ധീ​ര ജോ​ൺ​സ​ന്‍റെ പ്ര​ക​ട​നം എ​ടു​ത്തു​പ​റ​യേ​ണ്ട​താ​ണ്. സം​ഭാ​ഷ​ണ​ത്തെ ആ​ശ്ര​യി​ക്കാ​തെ അ​ഭി​ന​യ​ത്തി​ലും, നി​ശ്ശ​ബ്ദ​ത​യും ഏ​കാ​ന്ത​ത​യും വൈ​കാ​രി​ക​മാ​യി​ത​ന്നെ അ​വ​ർ ക​ഥാ​പാ​ത്ര​ത്തി​ലേ​ക്ക് സ​ന്നി​വേ​ശി​പ്പി​ച്ചി​ട്ടു​ണ്ട്.

സ്വ​പ്നി​ൽ സോ​നാ​വാ​നെ​യു​ടെ ക​റു​പ്പും വെ​ളു​പ്പും നി​റ​ങ്ങ​ളി​ലു​ള്ള ഛായാ​ഗ്ര​ഹ​ണ​ത്തെ പു​ക​ഴ്ത്തു​ക​ത​ന്നെ വേ​ണം. ശൈ​ലീ​പ​ര​മാ​യ ച​ല​ന​ങ്ങ​ൾ​ക്ക​പ്പു​റ​ത്ത് സി​നി​മ​യു​ടെ കാ​ലാ​തീ​ത​ത​യും വൈ​കാ​രി​ക ഗു​രു​ത്വാ​ക​ർ​ഷ​ണ​വും ഉ​യ​ർ​ത്തു​ന്ന ആ​ഖ്യാ​നം അ​ദ്ദേ​ഹ​ത്തി​ന്‍റെ ഛായാ​ഗ്ര​ഹ​ണ മി​ക​വി​ന്‍റെ​കൂ​ടി അ​യാ​ള​മാ​ണ്. ഒ​രു​വേ​ള ഈ ​സി​നി​മ സ​ങ്കീ​ർ​ണ​മാ​യി തോ​ന്നാം, എ​ന്നാ​ൽ ആ​ത്മാ​വ് ല​ളി​ത​മാ​ണ്, ഉ​ന്മേ​ഷ​മു​ള്ള​തും.