മരിച്ച് വർഷങ്ങൾ കഴിഞ്ഞിട്ടും 600 മില്യൺ ഡോളർ വരുമാനം; ആരാണ് ഈ പോപ്പ് ഇതിഹാസ താരം?

വീട്ടിലെ പഴയ ഫ്രിഡ്ജ് പുറപ്പെടുവിക്കുന്ന കടകകട ശബ്ദത്തിനൊത്ത് ചുവടുവെക്കുന്ന കുരുന്നു പയ്യൻ. അന്നേ അവന്റെ താളബോധം അമ്മ ശ്രദ്ധിച്ചിരുന്നു. അന്നത്തെ പയ്യൻ ആദ്യം സഹോദരങ്ങൾക്കൊപ്പം സംഗീതത്തിൽ തരംഗം തീർത്തു. അവിടെ നിന്നും മൈക്കിൾ ജാക്സണെന്ന ഇതിഹാസ പോപ്പ് താരമായി മാറി. പാശ്ചാത്യ ജനപ്രിയ സംഗീതത്തിലെ അവസാന വാക്കായി. പോപ് സംഗീതത്തിലെ ഇതിഹാസ താരം ജനിക്കുകയായി. 'ത്രില്ലർ' പോപ് സംഗീത ലോകത്തെ ഇളക്കി മറിച്ചു. ത്രില്ലറിലെ ബീറ്റ് ഇറ്റും, ബില്ലി ജീനും ത്രില്ലറുമൊക്കെ ലോകം ഒന്നുപോലെ ഏറ്റുപാടി.

സം​ഗീ​ത​ലോ​കം ഇ​ന്ന് പ​ണ​ക്കൊ​ഴു​പ്പി​ന്റേ​ത് കു​ടി​യാ​ണ്. ഒ​രു പാ​ട്ട്, അ​ത​ല്ലെ​ങ്കി​ൽ ഒ​രു ആ​ൽ​ബം, അ​തു​മ​​ല്ലെ​ങ്കി​ൽ ഒ​രു സം​ഗീ​ത സ​ദ​സ്സ് എ​ല്ലാ​ത്തി​നും കോ​ടി​ക​ളാ​ണ് ഗാ​യ​ക​രും സം​ഗീ​ത സം​വി​ധാ​യ​ക​രു​മെ​ല്ലാം വാ​ങ്ങു​ന്ന​ത്. നി​ല​വി​ൽ ലോ​ക​ത്ത് ഏ​റ്റ​വും ​കൂടു​ത​ൽ പ്ര​തി​ഫ​ലം വാ​ങ്ങൂ​ന്ന​ത് ഗാ​യി​ക ടെയ്‍ല​ർ സ്വി​ഫ്റ്റ് ആ​ണ്. എ​ന്നാ​ൽ, അ​വ​രേ​ക്കാ​ൾ കൂടു​ത​ൽ വ​രു​മാ​നം മ​റ്റൊ​രു താ​ര​ത്തി​നാ​ണ്. ഒ​ന്ന​ര പ​തി​റ്റാ​ണ്ട് മു​മ്പ് വി​ട​പ​റ​ഞ്ഞ ​ഇ​തി​ഹാ​സ താ​രം ​മൈ​ക്കി​ൾ ജാ​ക്സ​ൺ! ടെ​യ്‌​ല​ർ സ്വി​ഫ്റ്റി​ന്റെ 2024 ലെ ​വ​രു​മാ​നം 40 കോ​ടി ഡോ​ള​റാ​ണ്. ജാ​ക്സ​ണേ​ക്കാ​ൾ 20 കോ​ടി ഡോ​ള​റി​ന്റെ കു​റ​വ്.

ഫോ​ർ​ബ്സ് ആ​ണ് സം​ഗീ​ത മേ​ഖ​ല​യി​ലു​ള്ള​വ​രു​ടെ പ്ര​തി​ഫ​ലം സം​ബ​ന്ധി​ച്ച ക​ണ​ക്കു​ക​ൾ പു​റ​ത്തു​വി​ട്ടി​രി​ക്കു​ന്ന​ത്. പ​ഴ​യ പാ​ട്ടുകളു​ടെ ലൈ​സ​ൻ​സ് ഉ​ട​മ്പ​ടി​യി​ലൂ​ടെ​യും എം​.ജെ എ​ന്ന മ്യൂ​സി​ക്ക​ൽ ബ​യോ​പ്പി​ക്കി​ന്റെ വി​ൽ​പ്പന​യി​ലൂ​ടെ​യും മ​റ്റു​മാ​യി 60 കോ​ടി ഡോ​ള​റാ​ണ് 2024 ൽ ​മാ​ത്രം മൈ​ക്കി​ൾ ജാ​ക്സ​ണ് ല​ഭി​ച്ച​ത്. 2009 ജൂണ്‍ 25 നാണ് പോപ് ഇതിഹാസം മൈക്കിള്‍ ജാക്‌സണ്‍ അന്തരിച്ചത്. അന്ന് അന്‍പതുവയസ്സായിരുന്നു താരത്തിന്റെ പ്രായം. അ​തി​നു​ശേ​ഷം, അ​ദ്ദേ​ഹം 320 കോ​ടി സ​മ്പാ​ദി​ച്ചു​വെ​ന്നാ​ണ് റി​പ്പോ​ർ​ട്ടുകൾ.