പൂന്തോട്ടത്തിലെ രാജകുമാരി

ഫിലോഡെ​ൻഡ്രോൺ പിങ്ക്​ പ്രിൻസസ്​ മാൾബ്​ൾ കിങ്. ഇതൊരു അപൂർവ ഗണത്തിൽപ്പെട്ട ചെടിയാണ്​. തെക്കേ അമേരിക്കയിലെ മഴക്കാടുകളാണ്​ ഇതിന്‍റെ ജന്മദേശം. കൊളംബിയയിൽ കൂടുതലായി കണ്ടുവരുന്നു. ഈർപ്പം ഇഷ്ടപ്പെടുന്ന ചെടിയായതിനാൽ നേരിട്ടുള്ള സൂര്യപ്രകാശം ആവശ്യമില്ല. ഇളം വെയിലാണ് ഇഷ്ട്ടം. എന്നാൽ നല്ല രീതിയിൽ വെയിൽ കിട്ടിയില്ലെങ്കിൽ ചെടിയുടെ ഇലകൾക്ക് ഇത്ര മനോഹരമായ നിറം കിട്ടുകയില്ല. ഈ ചെടിയുടെ ഇലകളുടെ ഭംഗിയാണ് ഇതിനെ കൂടുതൽ ആകർഷമാക്കുന്ന ഘടകം. ചെടികൾ വളർത്തി പരിചയമുള്ളവർക്ക് വളർത്താൻ പറ്റിയതാണ്. ഇതിന്‍റെ ഇലകൾ വളരെ സെൻസിറ്റീവ് ആണ്. നേരിട്ടുള്ള സൂര്യപ്രകാശം അടിച്ചാൽ ഇലകൾ പൊള്ളി പോകും.

ചകിരിച്ചണ്ടി, പെരിലൈറ്റ്​, ക്ലെ ബോൾസ്​, വളം എന്നിവ ചേർത്ത്​ പോട്ടിങ്​ മിക്സ്​ തയാറാക്കാം. നമ്മുടെ കയ്യിലുള്ള ഏത് വളം ആയാലും ഇതിന്​ ഉപയോഗിക്കാം. മണ്ണ് നന്നായി ഉണങ്ങിയ ആയ ശേഷമേ വെള്ളം കൊടുക്കാവൂ. വെള്ളം കൂടാനും പാടില്ല.

കാരണം ചീഞ്ഞു പോകും. പതിയെ ആണിതിന്‍റെ വളർച്ച. ടിഷ്യൂ കൾച്ചർ വഴി ആണ് ഈ ചെടികൾ കൂടുതലും ഉൽപ്പാദിപ്പിക്കുന്നത്. ഇതിന്‍റെ വിത്ത്​ എടുത്തു ടിഷ്യൂ കൾച്ചർ വഴിയാണ് ഉത്​പാദനം നടത്താറ്​. തണ്ടുകൾ കട്ട്​ ചെയ്തുള്ള പരാഗണം പ്രക്രിയ കുറവാണ്​.

ഫിലോഡെ​ൻഡ്രോൺ പിങ്ക്​ പ്രിൻസസുമായി താരതമ്യം ചെയ്യുമ്പോൾ ഫിലോഡെ​ൻഡ്രോൺ പിങ്ക്​ പ്രിൻസസ്​ മാൾബ്​ൾ കിങ്ങിന്‍റെ ഇലകൾ ചെറുതും ഇലകൾക്ക് പിങ്ക് കളർ കൂടുതലും ആണ്. നല്ല രീതിയിൽ ചെടിയെ പരിപാലിക്കുന്നവർക്ക് ഈ ചെടി നന്നായി വളർത്തിയെടുക്കാം.