ജ്യൂസിനേക്കാൾ ഹെവി ആണ് മാംഗോ കോക്കോനറ്റ്‌ സ്മൂത്തി

ജ്യൂസിനേക്കാൾ ഹെവി ആയതാണ് സ്മൂത്തി. അതുകൊണ്ടു തന്നെ പലരും ഇതിനെ ഒരു നേരത്തെ ആഹാരമായി കണക്കാക്കാറുണ്ട്. സ്മൂത്തികൾ പല തരമുണ്ട്. മാമ്പഴ സീസണിന് പറ്റിയ ഒരു സ്മൂത്തിയാണ് ഇന്ന്.

ചേരുവകൾ:

• മാമ്പഴം (ചെറിയ കഷണങ്ങളാക്കിയത്) - 1 കപ്പ്,
• നാളികേര പാൽ - 1 കപ്പ്,
• തേൻ - 1-2 ടേബിൾസ്പൂൺ (രുചിക്കനുസരിച്ച്),
• ഏലക്കായ പൊടി - 1/4 ടീസ്പൂൺ

തയാറാക്കുന്ന വിധം:

മാമ്പഴം, നാളികേര പാൽ, തേൻ, ഏലക്കായ പൊടി എന്നിവ ഒരു മിക്സിയുടെ ജാറിൽ എടുക്കുക. നന്നായി അടിച്ചെടുക്കുക. മധുരം ആവശ്യമെങ്കിൽ അതിനനുസരിച്ചു തേൻ കൂട്ടാം.

സ്മൂത്തി ഗ്ലാസ്സുകളിൽ ഒഴിച്ച്, മുകളിൽ അല്പം നാളികേരം ചീകിയത് ബട്ടറിൽ ഫ്രൈ ആക്കി വിതറി അലങ്കരിക്കാം. തണുപ്പിച്ച് കുടിക്കാൻ ഏറ്റവും രുചികരം.