കൊ​തി​പ്പി​ക്കു​ന്ന ബി​രി​യാ​ണി മ​ണം പ​ണ്ടാ​രീ​സും ക​ട​ന്ന് പ​ര​ക്കു​ക​യാ​ണ്...

പ​ണ്ടാരീ​സ് ഹോ​ട്ട​ലി​ൽ ദം ബി​രി​യാ​ണി ചെ​മ്പൊ​ന്നു പൊ​ട്ടി​ച്ചാ​ൽ മ​ണം പി​ടി​ച്ചെ​ത്തു​ന്ന​തി​ൽ ഏ​റെ​യും കൊ​ച്ചി​യി​ലെ സി​നി​മാ​ക്കാ​രാ​കും. എ​റ​ണാ​കു​ള​ത്തും പ​രി​സ​ര​ങ്ങ​ളി​ലും ത​ളി​ർ​ക്കു​ന്ന ന്യൂ​ജൻ സി​നി​മ​ക്കാ​രു​ടെ ര​സ​ക്കൂ​ട്ടി​ൽ ഒ​ഴി​ച്ചു​കൂ​ടാ​ൻ പ​റ്റാ​ത്ത​താ​ണ് ഇ​ന്ന് പ​ണ്ടാരീ​സിലെ ബി​രി​യാ​ണി. സി​നി​മാ​ച​ർ​ച്ച, പോ​സ്​​റ്റ്​-​പ്രീ പ്രൊ​ഡ​ക്​​ഷ​ൻ, ഷൂ​ട്ടി​ങ് സൈ​റ്റു​ക​ൾ എ​ന്നി​വി​ട​ങ്ങ​ളി​ൽ​നി​ന്നെ​ല്ലാം കാ​ക്ക​നാ​ട് മീ​ഡി​യ അ​ക്കാ​ദ​മി​ക്കു മു​ന്നി​ലെ പ​ണ്ടാരീ​സിലെ സി​യാ​ദിന്‍റെ മൊ​ബൈ​ലി​ലേ​ക്ക് വി​ശ​പ്പിന്‍റെ വി​ളി​യെ​ത്തും.

മ​ല​യാ​ള സി​നി​മ​യി​ൽ ന​വ​ത​രം​ഗം തീ​ർ​ത്ത കൊ​ച്ചി​ക്കൂ​ട്ടം മു​മ്പ് മ​ഹാ​രാ​ജാ​സ് കോ​ള​ജി​ലെ വി​ദ്യാ​ർ​ഥി​ക​ളാ​യി​രു​ന്ന​പ്പോ​ൾ അ​തി​ൽ ഒ​രാ​ളാ​യി​രു​ന്നു മ​ട്ടാ​ഞ്ചേ​രി​ക്കാ​ര​ൻ സി​യാ​ദും. കൂ​ട്ട​ത്തി​ലു​ള്ള​വ​ർ സി​നി​മ​യി​ലേ​ക്കു തി​രി​ഞ്ഞ​പ്പോ​ൾ ന​ന്നാ​യി ബി​രി​യാ​ണി വെ​ച്ച് രു​ചി​യോ​ടെ വി​ള​മ്പി​യൂ​ട്ടി​യ സി​യാ​ദി​ന് ജീ​വി​ത​വ​ഴി പി​ന്നെ​യ​താ​യി. ‘‘കോ​ള​ജ് കാ​ല​ത്തു​ത​ന്നെ ബി​രി​യാ​ണി വെ​ച്ചു​കൊ​ടു​ക്കു​ന്ന പ​രി​പാ​ടി​യു​ണ്ട്. അ​ന്ന് കേ​റ്റ​റി​ങ് അ​ത്ര വ്യാ​പ​ക​മ​ല്ല. ആ​രെ​ങ്കി​ലും ഓ​ർ​ഡ​ർ പ​റ​യും. ഞാ​ൻ മൂ​ത്താ​പ്പ അ​ബ്​​ദു​ല്ല​യോ​ട് പ​റ​ഞ്ഞ് അ​വ​ർ വ​ഴി ബി​രി​യാ​ണി വെ​ച്ചു​കൊ​ടു​ക്കും. ഓ​ർ​ഡ​ർ ത​രു​ന്ന​വ​ർ കി​ട്ടി​യ ഭ​ക്ഷ​ണ​ത്തി​ൽ സം​തൃ​പ്തി പ​റ​യും. അ​ത്ര​ത​ന്നെ’’ - സി​യാ​ദ് പ​റ​ഞ്ഞു.

‘‘92-95 കാ​ല​ഘ​ട്ട​ത്തി​ലാ​ണ് മ​ഹാ​രാ​ജാ​സി​ലെ പ​ഠ​നം. അ​മ​ൽ നീ​ര​ദും രാ​ജീ​വ് ര​വി​യു​മൊ​ക്കെ ഞാ​ൻ മ​ഹാ​രാ​ജാ​സി​ൽ എ​ത്തി​യ​പ്പോ​ഴേ​ക്കും കോ​ള​ജ് വി​ട്ടി​രു​ന്നു. ആ​ഷി​ഖ് അ​ബു​വും ഷൈ​ജു ഖാ​ലി​ദും സ​മീ​ർ താ​ഹി​റും അ​ൻ​വ​ർ റ​ഷീ​ദും ഒ​ക്കെ കൂ​ട്ട​ത്തി​ലു​ണ്ട്. നിന്‍റെ കൈ​യി​ൽ പാ​ച​കം എ​ന്ന ആ​യു​ധ​മു​ണ്ട്. അ​തു​കൊ​ണ്ട് ജീ​വി​ക്ക​ണം എ​ന്നൊ​ക്കെ അ​ക്കാ​ല​ത്ത് കൂ​ട്ടു​കാ​ർ​ത​ന്നെ​യാ​ണ് പ​റ​ഞ്ഞു​ത​ന്ന​ത്’’ -ബി​രി​യാ​ണി വ​ഴി​യി​ലേ​ക്കു തി​രി​ഞ്ഞ ക​ഥ അ​ദ്ദേ​ഹം വി​വ​രി​ക്കു​ന്നു.

അ​ഞ്ചു വ​ർ​ഷം മു​മ്പാ​ണ് ക​ട തു​ട​ങ്ങി​യ​ത്. ആ​ദ്യം എ​റ​ണാ​കു​ളം പു​ല്ലേ​പ്പ​ടി സി.​പി. ഉ​മ്മ​ർ റോ​ഡി​ൽ. അ​തി​നു മു​മ്പേ കേ​റ്റ​റി​ങ് പ​രി​പാ​ടി​യു​ണ്ട്. അ​ന്ന് സി​യാ​ദിന്‍റെ ബി​രി​യാ​ണി എ​ന്നൊ​ക്കെ​യാ​ണ് പ​റ​യു​ക. പി​ന്നെ, കൂ​ട്ടു​കാ​ർ ഒ​ക്കെ​ക്കൂ​ടി ആ​ലോ​ചി​ച്ചാ​ണ് ഒ​രു ട്ര​ഡീ​ഷ​ന​ൽ പേ​രു വേ​ണ​മെ​ന്ന് പ​റ​ഞ്ഞ​ത്. അ​ങ്ങ​നെ പ​ണ്ടാരീ​സ് എ​ന്ന പേ​രി​ട്ടു.

ചി​ക്ക​ൻ, മ​ട്ട​ൻ, ബീ​ഫ്, ഫി​ഷ്, എ​ഗ്, വെ​ജി​റ്റ​ബ്ൾ എ​ന്നീ ആ​റി​നം ബി​രി​യാ​ണി​ക​ളാ​ണ് പ​ണ്ടാരീ​സി​ന്‍റെ ഹൈ​ലൈ​റ്റ്. പാ​ര​മ്പ​ര്യ​രീ​തി​യി​ലാ​ണ് പ​ണ്ടാരീ​സിൽ ഇ​ന്നും ബി​രി​യാ​ണി വെ​ക്കു​ന്ന​ത്. ഗ്യാ​സ് അ​ടു​പ്പി​ന് പ​ക​രം വി​റ​ക് ക​ത്തി​ക്കും. ഗ്യാ​സി​ൽ ബി​രി​യാ​ണി വെ​ച്ചാ​ൽ ഒ​രു 60 ശ​ത​മാ​നം മാ​ത്ര​മേ കൃ​ത്യ​ത കി​ട്ടൂ. അ​ത് 100 ശ​ത​മാ​നം ദം ​ആ​ക​ണ​മെ​ങ്കി​ൽ വി​റ​ക​ടു​പ്പി​ൽത​ന്നെ വെ​ക്ക​ണം.

‘‘വി​റ​ക​ടു​പ്പ് ദം ​ബി​രി​യാ​ണി​യു​ടെ ഒ​രു ഭാ​ഗം​ത​ന്നെ​യാ​ണ് ഇ​വി​ടെ. വി​റ​ക് ക​ത്തി​ച്ച് അ​ല്ലാ​തെ​യും ദം ​ചെ​യ്യാം. പ​​ക്ഷേ, വി​റ​ക​ടു​പ്പി​ൽ​വെ​ച്ച് ഒ​രു ചാ​ടി​ക്ക​ൽ പ​രി​പാ​ടി​യു​ണ്ട്. അ​ത് ക​ഴി​ഞ്ഞാ​ൽ ചോ​റ് കാ​ണു​മ്പോ​ഴും തി​ന്നു​മ്പോ​ഴും ഒ​രു വൃ​ത്തി​യും രു​ചി​യും വേ​റെ​യാ​ണ്. വി​റ​ക് പൂ​ർ​ണ​മാ​യി ക​ത്ത​ണം. സ്വ​യം കൂ​ട്ടു​ക​ൾ മേ​ടി​ച്ച് പൊ​ടി​ച്ചെ​ടു​ത്താ​ണ് ക​റി​മ​സാ​ല​ക​ൾ ഒ​രു​ക്കു​ന്ന​ത്. പാ​ക്ക​റ്റ് മ​സാ​ല​കൊ​ണ്ട് പ്ര​ഫ​ഷ​ന​ലാ​യി പാ​ച​കം ചെ​യ്യു​മ്പോ​ൾ ന​മു​ക്ക് ആ ​ടേ​സ്​​റ്റ്​ നി​ല​നി​ർ​ത്താ​ൻ പ​റ്റി​ല്ല’’ -പ​ണ്ടാരീ​സ് സീ​ക്ര​ട്ട് സി​യാ​ദ് ത​ന്നെ പ​റ​ഞ്ഞു​ത​രും.

പ​ഴ​യ കൂ​ട്ടു​കാ​രൊ​ക്കെ ഇ​ന്ന് വ​ലി​യ സി​നി​മാ​ക്കാ​രാ​യ​പ്പോ​ൾ പ​ണ്ടാരീ​സ് താ​ര​ങ്ങ​ളു​ടെ ഇ​ഷ്​​ട​യി​ട​വു​മാ​യി. ബി​രി​യാ​ണി ചെ​മ്പ് പൊ​ട്ടി​ക്കു​ന്ന ടൊ​വീ​നോ, കൂ​ട്ടു​കാ​ര്‍ക്ക് ഒ​പ്പ​മി​രു​ന്ന് ക​ഴി​ക്കു​ന്ന വി​നാ​യ​ക​ന്‍, ബി​രി​യാ​ണി​ക്ക് ഒ​പ്പം സെ​ല്‍ഫി​യെ​ടു​ക്കു​ന്ന സൗ​ബി​ൻ ഷാ​ഹി​ർ, സൃ​ന്ദ, ചെ​മ്പ​ന്‍ വി​നോ​ദ്, സം​വി​ധാ​യ​ക​ന്‍ ലി​ജോ ജോ​സ്, മാ​ര്‍ട്ടി​ന്‍ പ്ര​ക്കാ​ട്ട് തു​ട​ങ്ങി സി​നി​മാ​ക്കാ​രെ​യൊ​ക്കെ പ​ണ്ടാ​രീ​സി​ല്‍ എ​ത്തു​ന്ന​വ​രൊ​ക്കെ പ​ല​പ്പോ​ഴാ​യി ക​ണ്ടു.

‘‘ഇ​ന്ന് പ​ട​ച്ചോ​ൻ അ​നു​ഗ്ര​ഹി​ച്ച് അ​റി​യ​പ്പെ​ടു​ന്ന ക​ട​യാ​യി മാ​റി. അ​തി​ൽ അ​വ​രു​ടെ വ​ലി​യ പ​ങ്കു​ണ്ട്. അ​വ​ർ പ​റ​ഞ്ഞും പ​ട​മെ​ടു​ത്തും ഒ​ക്കെ കൂ​ടു​ത​ൽ പേ​രി​ലേ​ക്ക് ക​ട​യെ​പ്പ​റ്റി പ്ര​ചാ​ര​ണം കി​ട്ടി. ക​ട​യി​ൽ സി​നി​മാ​ക്കാ​ർ വ​ന്നാ​ൽ പി​ന്നെ സെ​ൽ​ഫി​യെ​ടു​ക്കാ​ൻ തി​ര​ക്കാ​കും. അ​ത് അ​വ​രു​ടെ​ത​ന്നെ സ​മ​യം ക​ള​യും. എ​ന്നാ​ലും ഇ​തു​വ​ഴി പോ​കു​മ്പോ​ൾ പ​ല​രും ക​യ​റും. കൂ​ടു​ത​ൽ പേ​രും വി​ളി​ച്ച് പാ​ർ​സ​ൽ ഓ​ർ​ഡ​ർ ചെ​യ്യും. ആ​ഷി​ഖ്​​​ അ​ബു മ​ട്ട​ന്‍ ബി​രി​യാ​ണി​യു​ടെ ആ​ളാ​ണ്. സം​ഗീ​ത്, അ​മ​ല്‍ തു​ട​ങ്ങി​യ​വ​ര്‍ക്ക് ഇ​ഷ്​​ടം ബീ​ഫ് ബി​രി​യാ​ണി​യും’’ -സി​യാ​ദ് പ​റ​യു​ന്നു.

പാ​ർ​സ​ലാ​യി കൂ​ടു​ത​ൽ ഓ​ർ​ഡ​റും സി​നി​മ മേ​ഖ​ല​യി​ലേ​ക്കു​ത​ന്നെ​യാ​ണ് പോ​കു​ക. മെ​സ് ഉ​ണ്ടെ​ങ്കി​ൽ​ത​ന്നെ പാ​ക്ക​പ്പ് വേ​ള​യി​ൽ പ​ണ്ടാരീ​സി​നെ തേ​ടി​യെ​ത്തും. പി​ന്നെ, പ​ര​സ്യ​ചി​ത്രീ​ക​ര​ണ​ത്തി​നാ​ണെ​ങ്കി​ൽ മെ​സ് ഉ​ണ്ടാ​കി​ല്ല. അ​വി​ടേ​ക്ക് ഇ​വി​ട​ന്ന് കൊ​ണ്ടു​പോ​കും.

ക​ല്യാ​ണ​സ​ൽ​ക്കാ​ര​ങ്ങ​ൾ​ക്കും മ​റ്റും വ​ൻ​കി​ട കേ​റ്റ​റി​ങ് അ​ങ്ങ​നെ എ​ടു​ക്കാ​റി​ല്ല. ചെ​റു​കി​ട പ​രി​പാ​ടി​ക​േ​ള പു​റ​ത്ത് ചെ​യ്യാ​റു​ള്ളൂ. ബി​രി​യാ​ണി ക​ഴി​ച്ച​വ​രൊ​ക്കെ ഇ​തു​വ​രെ ന​ല്ല​ത് മാ​ത്ര​മേ പ​റ​ഞ്ഞി​ട്ടു​ള്ളൂ.

ബി​രി​യാ​ണി വെ​ക്ക​ലും വി​ള​മ്പ​ലും പ്ര​ധാ​നം​ ത​ന്നെ

കൂ​ടു​ത​ൽ പേ​ർ​ക്കാ​യി ബി​രി​യാ​ണി കൊ​ണ്ടു​പോ​കു​മ്പോ​ൾ ദ​മ്മി​ന്‍റെ മി​ക്സി​ങ് എ​ങ്ങ​നെ​യെ​ന്ന് പ​റ​ഞ്ഞു​കൊ​ടു​ക്കും. കൃ​ത്യ​മാ​യി മ​സാ​ല​യും ചോ​റും മി​ക്സ് ചെ​യ്ത് വി​ള​മ്പി​യി​ല്ലെ​ങ്കി​ൽ ബി​രി​യാ​ണി​യാ​കി​ല്ല. ചി​ല​ർ​ക്ക് ചോ​റും ചി​ല​ർ​ക്ക് മ​സാ​ല​യും ഒ​ക്കെ​യാ​യി പോ​കും.

ദം ​ബി​രി​യാ​ണി​യു​ടെ മു​ക​ളി​ൽ വൈ​റ്റ് റൈ​സ്, താ​ഴെ യെ​ലോ റൈ​സ്, അ​തി​നും താ​ഴെ പീ​സും മ​സാ​ല​യും​കൂ​ടി മി​ക്സാ​യി കി​ട​ക്കും. യെ​ലോ റൈ​സി​ലാ​ണ് പീ​സി​െ​ൻ​റ​യും മ​സാ​ല​യു​ടെ​യും നീ​ര് വ​ന്ന് കൂ​ടി​യി​രി​ക്കു​ക. യെ​ലോ റൈ​സും വൈ​റ്റ് റൈ​സും കൃ​ത്യ​മാ​യി മി​ക്സാ​യാ​േല അ​തൊ​രു ബി​രി​യാ​ണി പ​രു​വ​ത്തി​ലാ​കൂ. വൈ​റ്റ് റൈ​സ് മാ​ത്ര​മാ​യി എ​ടു​ത്ത് ക​ഴി​ച്ചാ​ൽ നെ​യ്ച്ചോ​ർ പോ​ലെ​യി​രി​ക്കും.

ഇ​നി വെ​ള്ളം കൂ​ട്ടി​വെ​ച്ച് മു​ഴു​വ​ൻ റൈ​സി​ലേ​ക്കും മ​സാ​ല​നീ​ര് കൊ​ണ്ടു​വ​ന്നാ​ൽ പി​ന്നെ, അ​തി​ന് ബി​രി​യാ​ണി എ​ന്ന പേ​ര് വി​ളി​ക്കാ​ൻ പ​റ്റി​ല്ല. അ​ത് ഇ​റ​ച്ചി​ച്ചോ​റാ​യി മാ​റും. ചോ​റി​ലാ​കെ മ​സാ​ല​ക്കു​ത്ത് വ​രും. മു​ഴു​വ​ൻ മ​ഞ്ഞ നി​റ​മാ​കും. അ​നു​പാ​തം കൃ​ത്യ​മാ​യാ​ലേ ദം ​ബി​രി​യാ​ണി​യാ​കൂ. മൂ​ന്നു കി​ലോ അ​രിവെ​ച്ചാ​ൽ അ​തി​ൽ ഒ​ന്ന​ര കി​ലോ​യി​ൽ മാ​ത്ര​മേ മ​സാ​ല പു​ര​ണ്ടി​രി​ക്കൂ. അ​ത് ബാ​ക്കി ചോ​റി​ലേ​ക്ക് മി​ക്സ് ചെ​യ്യു​മ്പോ​ഴേ കാ​ര്യം കൃ​ത്യ​മാ​കൂ.

മു​മ്പ് മ​ട്ടാ​ഞ്ചേ​രി ഭാ​ഗ​ത്തൊ​ക്കെ ചി​ക്ക​ൻ ബി​രി​യാ​ണി വെ​ക്കു​ന്ന​ത് ബീ​ഫും മ​ട്ട​നു​മൊ​ക്കെ വെ​ക്കു​ന്ന​പോ​ലെ പ​ച്ച​ക്കാ​യി​രു​ന്നു. സ​വാ​ള​യും ത​ക്കാ​ളി​യു​മൊ​ക്കെ​യി​ട്ട് ചി​ക്ക​ൻ ഒ​ന്ന് വേ​വി​ച്ചെ​ടു​ക്കും. അ​തി​ൽ നീ​ര് വ​രാ​ൻ വെ​ള്ള​വും സ​വാ​ള​യും കു​റ​ച്ചു​കൂ​ടി ചാ​ടി​ച്ച് കൊ​ടു​ക്കും. അ​ത് ലെ​വ​ലാ​യ​ശേ​ഷം അ​തി​ലേ​ക്ക് അ​രി ഊ​റ്റി​യി​ട​ലാ​യി​രു​ന്നു. അ​ല്ലെ​ങ്കി​ൽ വ​റ്റി​ച്ചു​മി​ടാം. വ​റ്റി​ച്ചി​ടു​ന്ന​ത് ചെ​റി​യ അ​രി​യാ​യി​രി​ക്കും. കൈ​മ അ​ല്ലെ​ങ്കി​ൽ ജീ​ര​ക​ശാ​ല. ഇ​പ്പോ കൊ​ച്ചി​ക്കാ​ർ അ​ത് വി​ട്ട് നീ​ള​ൻ അ​രി​യി​ലേ​ക്കു മാ​റി. നീ​ള​ൻ അ​രി വ​റ്റി​ച്ചി​ട്ടാ​ൽ ഒ​രു രു​ചി​യു​മു​ണ്ടാ​കി​ല്ല. അ​ത് പു​ഴു​ങ്ങി കോ​രി ത​ന്നെ​യി​ട​ണം. ലെ​യ​റാ​യാ​ണ് ദം ​വെ​ക്കു​ക.

ഇ​പ്പോ​ൾ ചി​ക്ക​ൻ സെ​മി ഫ്രൈ ​ചെ​യ്ത​ശേ​ഷം മ​സാ​ല കു​റു​ക്കി​യ​തി​ലി​ട്ട് വേ​വി​ച്ച് സെ​റ്റാ​ക്കി​യി​ടും. അ​തി​ലേ​ക്കാ​ണ് അ​രി കോ​രി​യി​ടു​ന്ന​ത്. 40-30 ശ​ത​മാ​നം അ​രി​യാ​ണ് അ​തി​ലൂ​ടെ മ​സാ​ല​യു​ടെ നീ​രും വെ​ള്ള​വു​മാ​യി വ​രു​ന്ന​ത്. വ​ര്‍ത്ത​മാ​നം നീ​ള​വെ പ​ണ്ടാരീ​സി​ല്‍ ആ​ളു​കൂ​ടു​ന്നു. ടേ​ബി​ളി​ന് അ​ടി​യി​ല്‍ ഒ​ട്ടി​ച്ചു​വെ​ച്ച ബി​രി​യാ​ണി മെ​നു നോ​ക്കി ഓ​ര്‍ഡ​റു​ക​ള്‍ ഉ​യ​രു​ന്നു. സി​യാ​ദ് തി​ര​ക്കി​ലേ​ക്കു നീ​ങ്ങി. കൊ​തി​പ്പി​ക്കു​ന്ന ബി​രി​യാ​ണി മ​ണം പ​ണ്ടാ​രീ​സും ക​ട​ന്ന് പ​ര​ക്കു​ക​യാ​ണ്...