പോക്കറ്റും വയറും നിറഞ്ഞു; കുടുംബശ്രീ ഭക്ഷ്യമേളയിൽ വൻ വിറ്റുവരവ്​

തൊ​ടു​പു​ഴ: ര​ണ്ടാം പി​ണ​റാ​യി സ​ര്‍ക്കാ​റി​ന്റെ നാ​ലാം വാ​ര്‍ഷി​കാ​ഘോ​ഷ​ത്തോ​ട​നു​ബ​ന്ധി​ച്ച് വാ​ഴ​ത്തോ​പ്പ് സ്‌​കൂ​ള്‍ ഗ്രൗ​ണ്ടി​ല്‍ സം​ഘ​ടി​പ്പി​ച്ച ‘എ​ന്റെ കേ​ര​ളം’ പ്ര​ദ​ര്‍ശ​ന വി​പ​ണ​ന മേ​ള​യി​ല്‍ പ​ങ്കെ​ടു​ത്ത വാ​ണി​ജ്യ സ്റ്റാ​ളു​ക​ളി​ലും ഫു​ഡ് കോ​ര്‍ട്ടു​ക​ളി​ലും വ​ന്‍ വി​റ്റു​വ​ര​വ്.

ക​ഫെ കു​ടും​ബ​ശ്രീ​യു​ടെ ഭ​ക്ഷ്യ​മേ​ള​യി​ല്‍ 792815 രൂ​പ​യു​ടെ വി​ല്‍പ​ന​യാ​ണ് ന​ട​ന്ന​ത്. അ​ഞ്ച് കു​ടും​ബ​ശ്രീ സം​രം​ഭ​ക​രു​ടെ വ്യ​ത്യ​സ്ത വി​ഭ​വ​ങ്ങ​ളാ​ണ് മേ​ള​യി​ല്‍ ഭ​ക്ഷ​ണ​പ്രി​യ​രു​ടെ മ​നം ക​വ​ര്‍ന്ന​ത്. അ​ട്ട​പ്പാ​ടി​യി​ല്‍ നി​ന്ന്​ വ​ന്ന ‘കാ​ട്ടു​ചെ​മ്പ​കം അ​ട്ട​പ്പാ​ടി ക​ഫെ’ കു​ടും​ബ​ശ്രീ യൂ​നി​റ്റി​ന്റെ ‘വ​ന​സു​ന്ദ​രി’ ചി​ക്ക​ന്‍ ഇ​ത്ത​വ​ണ​യും ഹി​റ്റാ​യി.

കൂ​ടാ​തെ ‘രു​ചി​ക്കൂ​ട്ട്’ ക​ഫെ യൂ​നി​റ്റി​ന്റെ മാ​ഞ്ഞാ​ലി ബി​രി​യാ​ണി, കി​ഴി പൊ​റോ​ട്ട, എ​ല്ലും ക​പ്പ​യും, ‘ഏ​ദ​ന്‍സ്’ ക​ഫെ യൂ​നി​റ്റി​ന്റെ പി​ടി​യും കോ​ഴി​യും, ക​പ്പ ബി​രി​യാ​ണി, നെ​യ് പ​ത്ത​ലും ചി​ക്ക​ന്‍ ചു​ക്ക​യും, ‘അ​ച്ചൂ​സ്’ ക​ഫെ യൂ​നി​റ്റി​ന്റെ പാ​ല്‍പു​ട്ടും ബീ​ഫും പാ​ല്‍ ക​പ്പ​യും ബീ​ഫും, ‘അ​മ്പാ​ടി’ ക​ഫെ യൂ​നി​റ്റി​ന്റെ വ്യ​ത്യ​സ്ത​മാ​ര്‍ന്ന ജ്യൂ​സു​ക​ളും ഉ​ള്‍പ്പ​ടെ നി​ര​വ​ധി വി​ഭ​വ​ങ്ങ​ളാ​ണ് മേ​ള​യി​ലെ​ത്തി​യ ആ​യി​ര​ങ്ങ​ളെ ആ​ക​ര്‍ഷി​ച്ച​ത്.

മീ​ന്‍ ക​ട്‌​ല​റ്റ്, ക​പ്പ​യും മീ​ന്‍ ക​റി​യും മീ​ന്‍ പൊ​ള്ളി​ച്ച​ത് തു​ട​ങ്ങി​യ സീ​ഫു​ഡ് വി​ഭ​വ​ങ്ങ​ളു​ടെ രു​ചി​ക്കൂ​ട്ടൊ​രു​ക്കി​യ മ​ത്സ്യ​ഫെ​ഡി​ന്റെ സ്റ്റാ​ളും ശ്ര​ദ്ധേ​യ​മാ​യി. മ​ത്സ്യ​ഫെ​ഡ് ഒ​രു​ക്കി​യ ഭ​ക്ഷ്യ​മേ​ള​യി​ല്‍ ആ​കെ 42870 രൂ​പ​യു​ടെ വി​ല്‍പ​ന​യാ​ണ് ന​ട​ന്ന​ത്. ക​പ്പ മീ​ന്‍ ക​റി, മീ​ന്‍ വ​റു​ത്ത​ത്, മീ​ന്‍ പൊ​ള്ളി​ച്ച​ത്, മീ​ന്‍ ത​ല​ക്ക​റി​യും ച​പ്പാ​ത്തി​യും മ​ത്സ്യ​ഫെ​ഡി​ന്റെ മൂ​ല്യ​വ​ര്‍ധി​ത ഉ​ത്പ​ന്ന​ങ്ങ​ള്‍ എ​ന്നി​വ​യാ​ണ് മ​ത്സ്യ​ഫെ​ഡി​ന്റെ ഫു​ഡ് കോ​ര്‍ട്ടി​ലു​ണ്ടാ​യി​രു​ന്ന​ത്. 4842 ച​തു​ര​ശ്ര അ​ടി വി​സ്തീ​ര്‍ണ​മു​ള്ള ഫു​ഡ് കോ​ര്‍ട്ടാ​ണ് മേ​ള​യി​ല്‍ ഒ​രു​ക്കി​യ​ത്. കു​ടും​ബ​ശ്രീ, മ​ത്സ്യ​ഫെ​ഡ്, വ​നം വ​കു​പ്പ് എ​ന്നി​വ​യു​ടെ സ്റ്റാ​ളു​ക​ളാ​ണ് ഫു​ഡ് കോ​ര്‍ട്ടി​ല്‍ വി​ഭ​വ​ങ്ങ​ളൊ​രു​ക്കി​യ​ത്.

കു​ടും​ബ​ശ്രീ സം​രം​ഭ​മാ​യ പാ​ല​ക്കാ​ട് ജ്യോ​തി​സ് കൈ​ത്ത​റി യൂ​നി​റ്റി​ന്റെ സ്റ്റാ​ളി​ല്‍ 70670 രൂ​പ​യു​ടെ വി​ല്‍പ​ന ന​ട​ന്നു. കു​ടും​ബ​ശ്രീ വി​പ​ണ​ന സ്റ്റാ​ളു​ക​ളി​ല്‍ നി​ന്ന് ആ​കെ 268320 രൂ​പ​യു​ടെ വി​റ്റു​വ​ര​വ് ല​ഭി​ച്ചു. വ്യ​വ​സാ​യ വ​കു​പ്പി​ന്​ കീ​ഴി​ലു​ള്ള വാ​ണി​ജ്യ സ്റ്റാ​ളു​ക​ളി​ല്‍ നി​ന്നാ​യി 1124522 രൂ​പ വി​റ്റു​വ​ര​വ് നേ​ടി.

ആ​കെ 40 യൂ​നി​റ്റു​ക​ളാ​ണ് മേ​ള​യി​ല്‍ പ​ങ്കെ​ടു​ത്ത​ത്. 951000 രൂ​പ​യു​ടെ വ​ര്‍ക്ക് ഓ​ര്‍ഡ​റും മേ​ള​യി​ല്‍ ല​ഭി​ച്ചു. കാ​ര്‍ഷി​കാ​വ​ശ്യ​ത്തി​ന് മ​രു​ന്ന് അ​ടി​ക്കു​ന്ന​തി​നു​ള്ള യ​ന്ത്ര​ങ്ങ​ള്‍, സോ​ളാ​ര്‍ പാ​ന​ലു​ക​ള്‍ എ​ന്നി​വ​ക്കാ​ണ് കൂ​ടു​ത​ല്‍ ഓ​ര്‍ഡ​ര്‍ ല​ഭി​ച്ച​ത്. പാ​ല​ക്കാ​ട്, തൃ​ശൂ​ര്‍ മേ​ഖ​ല​ക​ളി​ല്‍ നി​ന്നെ​ത്തി​യ കൈ​ത്ത​റി സ്റ്റാ​ളു​ക​ളി​ലാ​ണ് ഏ​റ്റ​വു​മ​ധി​കം വി​ല്‍പ​ന ന​ട​ന്ന​ത്. കൈ​ത്ത​റി ഉ​ത്പ​ന്ന​ങ്ങ​ള്‍ വി​റ്റ മൂ​ന്ന് സ്റ്റാ​ളി​ലാ​യി 1.40 ല​ക്ഷം രൂ​പ​യു​ടെ വി​ല്‍പ​ന ന​ട​ന്നു.