കിങ്​ ഫഹദ്​ കോസ്​വേയിലൂടെ ബഹ്​റൈനി ട്രാൻസിറ്റ്​ ട്രക്കുകൾക്ക്​ അനുമതി

മനാമ: കിങ്​ ഫഹദ്​ കോസ്​വേയിലൂടെ ബഹ്​റൈനി ട്രാൻസിറ്റ്​ ട്രക്കുകൾ കടന്നുപോകാൻ അനുവദിച്ചു. തീരുമാനം ബുധനാഴ്​ച​ മുതൽ പ്രാബല്യത്തിൽ വന്നു. സൗദി അറേബ്യ വഴി മറ്റ്​ രാജ്യങ്ങളിലേക്കുള്ള ട്രക്കുകൾക്കാണ്​ അനുമതിയെന്ന്​ കസ്​റ്റംസ്​ അഫയേഴ്​സിലെ ലാൻഡ്​ പോർട്​സ്​ ഡയറക്​ടർ മുഹമ്മദ്​ ഹസൻ അൽ ഇസ പറഞ്ഞു. സൗദി ജനറൽ കസ്​റ്റംസ്​ അതോറിറ്റിയുമായി സഹകരിച്ചാണ്​ തീരുമാനം നടപ്പാക്കുന്നത്​.