മോഷ്​ടാക്കൾ രണ്ടാംനിലയിൽനിന്ന്​ തള്ളിയിട്ട മലയാളി ഗുരുതരാവസ്ഥയിൽ

മനാമ: മോഷ്​ടാക്കൾ രണ്ടാംനിലയിൽ നിന്ന്​ താഴേക്ക്​ തള്ളിയിട്ട മലയാളി ഗുരുതരാവസ്ഥയിൽ ബഹ്​റൈൻ സൽമാനിയ ആശുപത്രിയിൽ കഴിയുന്നു. കൊല്ലം നിലമേൽ സ്വദേശി അഫ്​സലാണ്​ (30) ദുരിതകിടക്കയിൽ കഴിയുന്നത്​. ഫെബ്രുവരി ഒമ്പതിന്​ രാത്രിയായിരുന്നു സംഭവം.

മൊബൈൽ കടയിലെ ജീവനക്കാരനായ യുവാവ്​ കട അടച്ചശേഷം സെൻട്രൽ മനാമയിലെ ‘അയ്​ക്കൂറ പാർക്ക്​’ എന്നറിയപ്പെടുന്നതിന്​ അടുത്തുള്ള  താമസസ്ഥലത്ത്​ എത്തി. തുടർന്ന്​ രാത്രി 12 ഒാടെ ഭക്ഷണം വാങ്ങാനായി പുറത്തേക്ക്​ ഇറങ്ങിയപ്പോഴായിരുന്നു സംഭവം. ഭക്ഷണം വാങ്ങി വരവെ രണ്ടുപേർ അഫ്​സലി​​​​െൻറ മണിപേഴ്​സ്​ തട്ടിയെടുത്തോടുകയായിരുന്നു. അഫ്​സൽ പിന്നാലെ ഒാടിയെങ്കിലും ​​മോഷ്​ടാക്കൾ തൊട്ടടുത്തുള്ള നിർമ്മാണത്തിലിരിക്കുന്ന കെട്ടിടത്തി​​​​െൻറ രണ്ടാം നിലയിലേക്ക്​ ഒാടിക്കയറി. ഇവിടേക്ക്​ എത്തിയ അഫ്​സലിനെ കെട്ടിടത്തിനുമുകളിൽ കൂടുതൽ സംഘാംഗങ്ങൾ വളഞ്ഞ​ു.

പിടിവലിക്കിടെ നിലവിളിച്ചപ്പോൾ രണ്ടാംനിലയുടെ മുകളിൽ നിന്ന്​ താഴേക്ക്​ തള്ളിയിടുകയായിരുന്നു. ഒരു കടയുടെ മേൽക്കൂരയിലിടിച്ച്​ റോഡിൽ വീണ്​ കിടന്ന യുവാവിനെ ദൃക്​സാക്ഷികൾ അറിയിച്ച പ്രകാരം പോലീസ്​ എത്തിയാണ്​ ആശുപത്രിയിലാക്കിയത്​. ഇടത്​ തോളെല്ലിനും ന​െട്ടല്ലിനും ഗുരുതരമായി പൊട്ടലേറ്റ അഫ്​സലി​​​​െൻറ അരക്ക്​ താ​െഴ ചലനം നഷ്​ടമായ അവസ്ഥയിലാണെന്ന്​ പറയപ്പെടുന്നു.

ഒരാഴ്​ച്ച പിന്നിട്ടിട്ടും ആരോഗ്യ നിലയിൽ മാറ്റമില്ലാത്തതിനാൽ വിദഗ്​ധ ചികിത്​സക്ക്​ നാട്ടിലേക്ക്​ കൊണ്ടുപോകാനുള്ള ശ്രമം നടക്കുന്നുണ്ട്​. എന്നാൽ പ്രത്യേക കിടക്കയിൽ കിടത്തിയും നഴ്​സ്​ ഉൾപ്പെടെ രണ്ട​ുപേരുമായി മാത്രമെ നാട്ടിലേക്ക്​ പോകാൻ കഴിയുള്ളൂ എന്നാണ്​ ഡോക്​ടർമാർ അറിയിച്ചിട്ടുള്ളത്. ഇതിന്​ ഏകദേശം 2500 ദിനാർ ചെലവ്​ വരുമെന്നാണ്​ അറിയുന്നത്​.  ഇത്​ എങ്ങനെ കണ്ടെത്തുമെന്ന്​ അറിയാതെ സുഹൃത്തുക്കൾ വിഷമിക്കുകയാണ്​. 

നിർധന കുടുംബത്തി​​​​െൻറ അത്താണിയാണ്​ അഫ്​സൽ. അവിവാഹിതനായ അഫ്​സലി​​​​െൻറ കുടുംബം നാട്ടിൽ വാടക വീട്ടിലാണ്​ കഴിയുന്നത്​.  ഇതിനിടെ  വിദേശികളായ മോഷ്​ടാക്കളെ തിരിച്ചറിഞ്ഞതായി സൂചനയുണ്ട്​. ​േപാലീസ്​ കാണിച്ച ​േഫാ​േട്ടാകളിൽനിന്നും പ്രതികളെ  അഫ്​സൽ തിരിച്ചറിഞ്ഞിട്ടുണ്ട്​. പ്രതികൾ പിടിയിലായതായും പറയപ്പെടുന്നു.