ഐന സമ്മർ ക്യാമ്പ് സംഘടിപ്പിച്ചു

മനാമ: സൽമാനിയ ഹോസ്പിറ്റലിലെ എമർജൻസി വിഭാഗം നഴ്‌സുമാരുടെ കൂട്ടായ്മയായ ഐനയുടെ നേതൃത്വത്തിൽ സമ്മർ ക്യാമ്പ് സംഘടിപ്പിച്ചു.

കുടുംബാംഗങ്ങളോടൊപ്പം സംഘടിപ്പിച്ച പരിപാടിയിൽ കുട്ടികൾക്കായി വിവിധ വിനോദ ഗെയിമുകളും മത്സരങ്ങളും നടത്തി. വിജയികൾക്ക് സമ്മാനങ്ങളും വിതരണം ചെയ്തു. സൗഹൃദവും കുടുംബബന്ധങ്ങളും ഊട്ടിയുറപ്പിക്കുന്ന തരത്തിൽ നടന്ന പരിപാടി എല്ലാവർക്കും മനോഹരമായ അനുഭവമായി.

പരിപാടിയുടെ കോർഡിനേഷൻ അനിൽ, ജോർജ്, ഷോളി, സുമ, അഞ്ചു രാജ്, ബ്ലീസി, റാണി, സനീഷ് എന്നിവർ നിർവഹിച്ചു.