ബഹ്​റൈനിൽ വെള്ളിയാഴ്​ച കോവിഡ്​ സ്​ഥിരീകരിച്ചത്​ 384 പേർക്ക്​

മനാമ: ബഹ്​റൈനിൽ വെള്ളിയാഴ്​ച 384 പേർക്ക്​ കോവിഡ്​ സ്​ഥിരീകരിച്ചു. ഇവരിൽ 288 പേർ വിദേശ തൊഴിലാളികളാണ്​. 84 പേർക്ക്​ സമ്പർക്കത്തിലൂടെയാണ്​ രോഗം പകർന്നത്​. കഴിഞ്ഞ 24 മണിക്കൂറിനിടെ 9685 കോവിഡ്​ പരിശോധനകൾ​ രാജ്യത്ത്​ നടത്തി​. നിലവിൽ 3932 പേരാണ്​ ചികിത്സയിൽ കഴിയുന്നത്​.

ഇവരിൽ നാല്​ പേർ ഒഴികെ മറ്റുള്ളവരുടെ ആരോഗ്യ നില തൃപ്​തികരമാണ്​. പുതുതായി 287 പേർ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. ഇതുവരെ 2640 പേരാണ്​ രോഗമുക്​തി നേടിയത്​.