തെരുവ്​ മൃഗങ്ങൾക്ക്​ പുനർജീവിതം നൽകിയ ടോണി വസ്​റ്റേഴ്​സ്​ യാത്രയായി

മനാമ: തെരുവിൽ ഉപേക്ഷിക്കപ്പെട്ട മൃഗങ്ങളെ വാരിയെടുത്ത്​ പുനർജീവിതം നൽകിയ ടോണി എന്ന ടോണി വസ്​റ്റേഴ്​സ്​ അന്തരിച്ചു. കാൻസർ ബാധിതനായിരുന്ന അദ്ദേഹം ബഹ്​റൈനിലെ മൃഗസ്​നേഹികൾക്കിടയിൽ സുപരിചിതനായിരുന്നു. ടോണി ദ ഗോഡ് ഫാദർ എന്ന സംഘടനയിലൂടെ നൂറുകണക്കിന്​ അനാഥ മൃഗങ്ങൾക്ക്​ പുനരധിവാസം നൽകിയ ഇൗ വ്യക്തിത്വം മടങ്ങിയത്​ ചരിത്രത്തിൽ ത​​​െൻറ ജീവിതം അടയാളപ്പെടുത്തിക്കൊണ്ടാ
ണ്​. ഇംഗ്ലണ്ടുകാരനായ ടോണി 1985 ൽ ആണ് ബഹ്‌റൈനിൽ എത്തിയത്​.

രോഗം കൊണ്ടും അപകടങ്ങളിൽ അംഗഭംഗം സംഭവിച്ചും തെരുവിൽ അലയുന്ന പട്ടിക്കും പൂച്ചക്കും പക്ഷികൾക്കും എല്ലാം ടോണി അഭയമായി. 1998 ലാണ്​ സാറിൽ ഇദ്ദേഹം മൃഗങ്ങൾക്കായി ഒരു പുനരധിവാസകേന്ദ്രം സ്ഥാപിച്ചത്​. മൃഗങ്ങൾക്ക്​ ഭക്ഷണം നൽകാനും അവയുടെ പരിപാലനത്തിനായി സംഭാവനകൾ നൽകാനും അദ്ദേഹം ജനങ്ങളെ ബോധവത്​കരിച്ചു. മിണ്ടാപ്രാണികളുടെ ദുരിതം അകറ്റാൻ മനുഷ്യത്വമുള്ളവരുടെ ഒരു കൈസഹായം അദ്ദേഹം അഭ്യർത്ഥിച്ചപ്പോൾ അതിന്​ ദൂരവ്യാപകമായ ഫലം ഉണ്ടായി. ഹൃദയപൂർവ്വം മൃഗങ്ങളുടെ പരിപാലനത്തിന്​ ഒപ്പം ചേരാൻ ആളുകൾ എത്തിയപ്പോൾ ടോണിയുടെ ‘ടോണി ദ ഡോഗ്​ ഫാദർ’ എന്ന സംഘടന പ്രശസ്​തമായി മാറി. 

കുരങ്ങും കഴുതയും എല്ലാം അദ്ദേഹത്തി​​​െൻറ സ്ഥാപനത്തിൽ ചികിത്​സിക്കപ്പെട്ടു. ചികിത്​സക്കുശേഷം പല മൃഗങ്ങളും അവിടെ അന്തേവാസികളുമായി. അടുത്തിടെ ബഹ്​റൈനിലെ ചില ഭാഗങ്ങളിൽ തെരുവ്​ നായ്​ക്കൾ വിഷം ഉള്ളിൽ ചെന്ന്​ കൊല്ലപ്പെട്ട സന്ദർഭങ്ങളിലും അദ്ദേഹം അസ്വസ്ഥനായിരുന്നു. പാവം മൃഗങ്ങളെ കൊല്ലരുതെന്ന്​ അദ്ദേഹം സങ്കടത്തോടെ സാമൂഹിക മാധ്യമങ്ങളിൽ കുറിക്കുകയും ചെയ്​തു.  ശരീരത്തെ കാൻസർ കാർന്നുതിന്ന​​ുേമ്പാഴും ത​​​െൻറ സ്ഥാപനത്തിലെ അന്തേവാസികളായ മൃഗങ്ങളുടെ സ​ുഖവിവരങ്ങൾ അന്വേഷിക്കുന്നതിലായിരുന്നു അദ്ദേഹത്തി​​​െൻറ ശ്രദ്ധ.