മി​ഡി​ലീ​സ്റ്റി​ലെ മി​ക​ച്ച ഐ.​പി.​ഒ അ​വാ​ർ​ഡ് നേ​ടി ലു​ലു റീ​ട്ടെ​യി​ൽ ഹോ​ൾ​ഡി​ങ്സ്

മ​നാ​മ: മു​ൻ​നി​ര റീ​ട്ടെ​യി​ൽ സ്ഥാ​പ​ന​മാ​യ ലു​ലു റീ​ട്ടെ​യി​ൽ ഹോ​ൾ​ഡി​ങ്സ് പി.​എ​ൽ.​സി​ക്ക് ഇ.​എം.​ഇ.​എ ഫി​നാ​ൻ​സ് മാ​ഗ​സി​ന്‍റെ മി​ഡി​ലീ​സ്റ്റി​ലെ മി​ക​ച്ച ഐ.​പി.​ഒ അ​വാ​ർ​ഡ്. ല​ണ്ട​നി​ൽ ന​ട​ന്ന വാ​ർ​ഷി​ക ഇ.​എം.​ഇ.​എ ഫി​നാ​ൻ​സ് അ​ച്ചീ​വ്മെ​ന്‍റ് അ​വാ​ർ​ഡ്സ് 2024 ച​ട​ങ്ങി​ൽ​വെ​ച്ചാ​ണ് അം​ഗീ​കാ​രം ന​ൽ​കി​യ​ത്.2024ന്‍റെ നാ​ലാം പാ​ദ​ത്തി​ൽ വി​ജ​യ​ക​ര​മാ​യി 1.7 ബി​ല്യ​ൺ യു.​എ​സ് ഡോ​ള​റാ​ണ് ലു​ലു റീ​ട്ടെ​യി​ൽ ഹോ​ൾ​ഡി​ങ്സ് സ​മാ​ഹ​രി​ച്ച​ത്. അ​ബൂ​ദ​ബി സെ​ക്യൂ​രി​റ്റീ​സ് എ​ക്സ്ചേ​ഞ്ചി​ൽ (എ.​ഡി.​എ​ക്സ്) ക​മ്പ​നി​യു​ടെ ഔ​ദ്യോ​ഗി​ക ലി​സ്റ്റി​ങ്ങി​നെ​യും ഈ ​പു​ര​സ്കാ​രം അ​ട​യാ​ള​പ്പെ​ടു​ത്തു​ന്നു. ലു​ലു ഐ.​പി.​ഒ​ക്ക് നി​ക്ഷേ​പ​ക​രി​ൽ​നി​ന്ന് മി​ക​ച്ച സ്വീ​കാ​ര്യ​ത​യാ​ണ് ല​ഭി​ച്ചി​രു​ന്ന​ത്.

യൂ​റോ​പ്പ്, മി​ഡി​ലീ​സ്റ്റ്, ആ​ഫ്രി​ക്ക എ​ന്നി​വി​ട​ങ്ങ​ളി​ലെ മൂ​ല​ധ​ന വി​പ​ണി​യി​ലെ മി​ക​വി​ന്‍റെ ഒ​രു മാ​ന​ദ​ണ്ഡ​മാ​യാ​ണ് ഇ.​എം.​ഇ.​എ ഫി​നാ​ൻ​സ് അ​ച്ചീ​വ്മെ​ന്‍റ് അ​വാ​ർ​ഡു​ക​ൾ ക​ണ​ക്കാ​ക്ക​പ്പെ​ടു​ന്ന​ത്. നി​ക്ഷേ​പ ബാ​ങ്കു​ക​ൾ, കോ​ർ​പ​റേ​റ്റു​ക​ൾ, വി​പ​ണി പ​ങ്കാ​ളി​ക​ൾ എ​ന്നി​വ​ർ സ​മ​ർ​പ്പി​ച്ച നോ​മി​നേ​ഷ​നു​ക​ളി​ൽ​നി​ന്ന് എ​ഡി​റ്റോ​റി​യ​ൽ ബോ​ർ​ഡാ​ണ് വി​ജ​യി​ക​ളെ തി​ര​ഞ്ഞെ​ടു​ക്കു​ന്ന​ത്. ഐ.​പി.​ഒ​ക​ൾ, ക​ട​പ്പ​ത്ര​ങ്ങ​ൾ പു​റ​ത്തി​റ​ക്ക​ൽ, ഇ​സ്‍ലാ​മി​ക ധ​ന​കാ​ര്യം, സ്ട്ര​ക്ചേ​ർ​ഡ് ഡീ​ലു​ക​ൾ, ല​യ​ന​ങ്ങ​ളും ഏ​റ്റെ​ടു​ക്ക​ലു​ക​ളും എ​ന്നി​വ​യു​ൾ​പ്പെ​ടെ ഏ​റ്റ​വും സ്വാ​ധീ​ന​മു​ള്ള​തും നൂ​ത​ന​വു​മാ​യ സാ​മ്പ​ത്തി​ക ഇ​ട​പാ​ടു​ക​ളെ ഈ ​അ​വാ​ർ​ഡു​ക​ൾ എ​ടു​ത്തു കാ​ണി​ക്കു​ന്നു.

ഞ​ങ്ങ​ളു​ടെ ബി​സി​ന​സി​ന്റെ ക​രു​ത്തും ടീ​മി​ന്റെ പ്ര​തി​ബ​ദ്ധ​ത​യും നി​ക്ഷേ​പ​ക​ർ ഞ​ങ്ങ​ളി​ൽ അ​ർ​പ്പി​ച്ച വി​ശ്വാ​സ​വും പ്ര​തി​ഫ​ലി​ക്കു​ന്ന ഈ ​അ​വാ​ർ​ഡ് ല​ഭി​ച്ച​തി​ൽ ഞ​ങ്ങ​ൾ അ​ഭി​മാ​നി​ക്കു​ന്ന​താ​യി ലു​ലു റീ​ട്ടെ​യി​ൽ ഹോ​ൾ​ഡി​ങ്സ് സി.​ഇ.​ഒ സൈ​ഫി രൂ​പാ​വാ​ല പ​റ​ഞ്ഞു. ഐ.​പി.​ഒ ലു​ലു റീ​ട്ടെ​യി​ലി​ന് ഒ​രു മി​ക​ച്ച അ​ധ്യാ​യ​മാ​യി​രു​ന്നു. ദീ​ർ​ഘ​കാ​ല മൂ​ല്യ​വും സു​സ്ഥി​ര​മാ​യ വ​ള​ർ​ച്ച​യും ന​ൽ​കാ​ൻ ഞ​ങ്ങ​ൾ പ്ര​തി​ജ്ഞാ​ബ​ദ്ധ​രാ​ണെ​ന്നും അ​ദ്ദേ​ഹം പ​റ​ഞ്ഞു.