ഇടപെടൽ വിജയം; രണ്ട്​ മൃതദേഹങ്ങൾ കൂടി നാട്ടിലേക്ക്​ അയച്ചു

മനാമ: കാത്തിരിപ്പിനൊടുവിൽ രണ്ട്​ മൃതദേഹങ്ങൾ കൂടി ബഹ്​റൈനിൽനിന്ന്​ നാട്ടിലേക്ക്​ കൊണ്ടുപോയി. ഏപ്രിൽ ഒന്ന ിന്​ ഹൃദയാഘാതത്തെുടർന്ന്​ മരിച്ച പഞ്ചാബ്​ സ്വദേശിയായ ഇഖ്​ബാൽ സിങ്​ എന്നയാളുടെയും ഏപ്രിൽ ഏഴിന്​ മരിച്ച ആലപ്പ ുഴ സ്വദേശി ശശിധരൻ പിള്ളയുടെയും മൃതദേഹങ്ങളാണ്​ എമിറേറ്റ്​സി​​െൻറ കാർഗോ വിമാനത്തിൽ ദുബൈ വഴി നാട്ടിലേക്ക്​ കെ ാണ്ടുപോയത്​. ദുബൈയിൽനിന്ന്​ വെള്ളിയാഴ്​ച രാത്രിയാണ്​ വിമാനം നാട്ടിലേക്ക്​ പുറപ്പെടുക. ശശിധരൻ പിള്ളയുടെ മൃത ദേഹം കൊച്ചിയിലും ഇഖ്​ബാൽ സിങ്ങി​േൻറത്​ ഡൽഹിയിലുമാണ്​ ഇറക്കുക.

​െഎ.സി.ആർ.എഫ്​, ഇന്ത്യൻ എംബസി, നോർക്ക്​ ഹെൽപ്​ഡസ്​ക്​ എന്നിവയുടെ സഹകരിച്ചുള്ള പ്രവർത്തനമാണ്​ മൃതദേഹങ്ങൾ നാട്ടിലെക്ക്​ അയക്കാൻ സഹായിച്ചത്​. ഏപ്രിൽ ഒന്നിന്​ രണ്ട്​ മൃതദേഹങ്ങൾ ഗൾഫ്​ എയറി​​െൻറ കാർഗോ വിമാനത്തിൽ നാട്ടിലേക്ക്​ അയച്ചിരുന്നു. കോഴിക്കോട്​ കൊയിലാണ്ടി സ്വദേശിയുടെയും തമിഴ്​നാട്​ സ്വദേശിയും മൃതദേഹങ്ങളാണ്​ അന്ന്​ നാട്ടിലെത്തിച്ചത്​.
മൃതദേഹങ്ങൾ എങ്ങനെയും നാട്ടിൽ എത്തിച്ച്​ സംസ്​കരിക്കണമെന്ന ബന്ധുക്കളുടെ അപേക്ഷയാണ്​ വിഷയത്തിൽ സജീവമായി ഇടപെടാൻ സാമൂഹിക പ്രവർത്തകരെ പ്രേരിപ്പിച്ചത്​. മൂന്ന്​ തവണ മാറ്റിവെച്ച ശേഷമാണ്​ വ്യാഴാഴ്​ച രണ്ടുപേരുടെ മൃതദേഹങ്ങൾ നാട്ടിലേക്കയക്കാൻ സാധിച്ചത്​. ഇന്ത്യയിൽനിന്ന്​ തിരിച്ചുവരു​േമ്പാൾ ചരക്ക്​ കയറ്റാനുണ്ടെങ്കിലാണ്​ കാർഗോ വിമാനങ്ങൾ ഇവിടെനിന്ന്​ പുറപ്പെടുക. ഇതുസംബന്ധിച്ച തടസ്സങ്ങളെത്തുടർന്നാണ്​ ഏപ്രിൽ എട്ടിനും 12നും 15നും മൃതദേഹങ്ങൾ നാട്ടിലേക്ക്​ കൊണ്ടുപോകുന്നത്​ മുടങ്ങിയത്​.

ഇനി ഏഴ്​ ഇന്ത്യക്കാരുടെ മൃതദേഹങ്ങളാണ്​ സൽമാനിയ മെഡിക്കൽ കോംപ്ലക്​സ്​ മോർച്ചറിയിൽ സൂക്ഷിച്ചിട്ടുള്ളത്​. ഹൈദരാബാദ്​ സ്വദേശികളായ ഭൂമണ്ണ നൂതിപാലി, തിരുമല ശ്രീനിവാസ്​, നാഗ ദുർഗ സായിഡു, മഹേഷ്​ വനപറതി, മുംബൈ സ്വദേശികളായ തണ്ടേൽ രാജേന്ദ്ര കുമാർ, ഗംഗ രാജം എദ്​ല, ഡൽഹി സ്വദേശി ബൽ​ദേവ്​ സിങ്​ എന്നിവരുടെ മൃതദേഹങ്ങളാണ്​ നാട്ടിലെത്തുന്നതും കാത്ത്​ മോർച്ചറിയിലുള്ളത്​.
കഴിഞ്ഞ ദിവസം കേന്ദ്ര വിദേശകാര്യ സഹമന്ത്രി വി. മുരളീധര​​െൻറ ഒാഫീസിൽനിന്ന്​ വേൾഡ്​ എൻ.ആർ.​െഎ കൗൺസിൽ ജി.സി.സി ഹ്യൂമാനിറ്റേറിയൻ എയ്​ഡ്​ ഡയറക്​ടർ സുധീർ തിരുനിലത്തിനെ ബന്ധപ്പെട്ട്​ ഇത്​ സംബന്ധിച്ച്​ വിശദാംശങ്ങൾ തേടിയിരുന്നു. മോർച്ചറിയിൽ സൂക്ഷിച്ചിട്ടുള്ള മൃതദേഹങ്ങളുടെ വിവരങ്ങൾ അദ്ദേഹം വിദേശകാര്യ മന്ത്രിയുടെ ഒാഫീസിന്​ കൈമാറി. മൃതദേഹങ്ങൾ വൈകാതെ നാട്ടിലെത്തിക്കാൻ നടപടി സ്വീകരിക്കുമെന്നും മന്ത്രിയുടെ ഒാഫീസ്​ ഉറപ്പ്​ നൽകിയിട്ടുണ്ട്​.