ബഹ്​റൈൻ കേരളീയ സമാജം തെരഞ്ഞെടുപ്പ്​ : യുണൈറ്റഡ്​ പാനലിന്​ സമ്പൂർണ വിജയം

മനാമ: ബഹ്​റൈൻ കേരളീയ സമാജം വോ​െട്ടടുപ്പിൽ യുണൈറ്റഡ്​ പാനലിന്​ സമ്പൂർണ വിജയം. നിലവിലെ പ്രസിഡൻറായ പി.വി രാധാകൃഷ്​ണപിള്ള നേതൃത്വം കൊടുത്ത പാനലി​ലെ എല്ലാ സ്ഥാനാർഥികളും വിജയിച്ചു. രാത്രി 12 ഒാടെയാണ്​ ഫലപ്രഖ്യാപനം ഉണ്ടായത്​. ആദ്യത്തെ 500 വോട്ടുകൾ എണ്ണിത്തീർന്നപ്പോൾതന്നെ പാനലിന്​ കൃത്യമായ മുൻതൂക്കം ലഭിക്കുകയായിരുന്നു. 

വോ​െട്ടടുപ്പിൽ 96 ശതമാനം പോളിങായിരുന്നു നടന്നത്​. വോട്ടിങ്​ ശതമാനം മുൻ വർഷത്തെ അപേക്ഷിച്ച്​ കൂടുകയും ചെയ്​തു. രാവിലെ 11.15 മുതൽ ആരംഭിച്ച വോ​െട്ടടുപ്പിൽ നീണ്ട ക്യൂ ദൃശ്യമായിരുന്നു. വൈകിട്ട്​ ഏഴിനാണ്​ പോളിങ്​ അവസാനിച്ചത്​. ഇൗ സമയത്തും വോട്ടർമാരുടെ തിരക്ക്​ ഉണ്ടായിരുന്നു. 1632 അംഗങ്ങളാണ്​ സമാജത്തിൽ ആകെയുള്ളത്​. ഇതിൽ 1401 വോട്ടർമാർക്കാണ്​ വോട്ട്​ ചെയ്യാനുള്ള അർഹതയുള്ളതായി റി​േട്ടണിങ്​ ഒാഫീസർ അറിയിച്ചത്​. 1370 വോട്ടുകൾ ചെയ്യപ്പെട്ടു. കഴിഞ്ഞ വർഷം 1266 വോട്ടുകളാണ്​ ചെയ്​തിരുന്നത്​. വോട്ട്​ ചെയ്യാത്തവരെ അന്വേഷിച്ച്​ ഇരുപാനലുകളുടെയും പ്രവർത്തകർ ​േവാ​േട്ടഴ്​സ്​ പട്ടികയുമായി അവരുടെ താമസസ്ഥലത്തേക്ക്​ പോയ സ്ഥിതിയും ഇത്തവണയുണ്ടായി.

സമാജത്തി​​​െൻറ ചരിത്രത്തിൽ ഇല്ലാത്ത തരത്തിലുള്ള പ്രചരണവും ആവേശവും കലർന്ന തെരഞ്ഞെടുപ്പിനാണ്​ സമാജം സാക്ഷ്യം വഹിച്ചത്​. നിലവിൽ ഭരണപക്ഷ പ്രസിഡൻറായ പി.വി രാധാകൃഷ്​ണപിളള നേതൃത്വം നൽകിയ യുണൈറ്റഡ്​ പാനലും സുധിൻ എബ്രഹാം നേതൃത്വം നൽകിയ പ്രോഗ്രസീവ്​ പാനലുമാണ്​ തെരഞ്ഞെടുപ്പിൽ മത്​സരിച്ചത്​. രാത്രി എ​േട്ടാടെയാണ്​ വോ​െട്ടണ്ണൽ ആരംഭിച്ചത്​. എട്ട്​ മുപ്പതോടെ ആദ്യ റൗണ്ട്​ ഫലം വന്നു. 100 വോട്ടുകൾ എണ്ണിയപ്പോൾ ആറ്​ യുണൈറ്റഡ്​ സ്ഥാനാർഥികളും അഞ്ച്​ പ്രോഗ്രസീവ്​ സ്ഥാനാർഥികളും ലീഡ്​ ചെയ്​തു. എന്നാൽ പിന്നീട്​ യുണൈറ്റഡിന്​ അനുകൂലമാകുകയായിരുന്നു.