കോവിഡ്​: തീവ്രപരിചരണ വിഭാഗത്തിൽ 90 ശതമാനവും വയോധികർ

കുവൈത്ത്​ സിറ്റി: കുവൈത്തിൽ കോവിഡ്​ ചികിത്സയുടെ ഭാഗമായി തീവ്രപരിചരണ വിഭാഗത്തിലുള്ളതിൽ 90 ശതമാനവും ​വയോധികർ. ഇവരിൽ അധികംപേർക്കും ഹൃദ്രോഗം, പ്രമേഹം, അമിത രക്​തസമ്മർദ്ദം തുടങ്ങി പഴക്കമേറിയ അസുഖം ഉള്ളവരാണ്​. ചിലരുടെ നില അതീവ ഗുരുതരമാണ്​. 130​ പേരാണ്​ഇപ്പോൾ കോവിഡ്​ ബാധിതരായി രാജ്യത്ത്​ തീവ്രപരിചരണ വിഭാഗത്തിൽ ചികിത്സയിലുള്ളത്​. ഇതിൽ 20ലേറെപേർ 35നും 40നും ഇടയിൽ പ്രായമുള്ളവരാണ്​.ന്യൂമോണിയയും ശ്വാസകോശ രോഗങ്ങളും മൂലം ബുദ്ധിമുട്ടുന്നവരാണ്​ ഇവർ.

തീവ്രപരിചരണ വിഭാഗത്തിലുള്ളവരുടെയും മരിക്കുന്നവരുടെയും എണ്ണം സമീപ ആഴ്​ചകളിൽ വർധിച്ചിട്ടുണ്ട്​. അതീവ ഗുരുതരാവസ്ഥയുള്ളവരുടെ എണ്ണം പരിഗണിക്കു​േമ്പാൾ വരും ദിവസങ്ങളിലും ഇ​തേ നിലയിലുള്ള മരണനിരക്കിന്​ സാധ്യതയുണ്ടെന്ന്​ ആശുപത്രി വൃത്തങ്ങൾ നൽകുന്ന സൂചന. ഗുരുതരാവസ്ഥയുള്ളവരെ ശൈഖ്​ ജാബിർ ആശുപത്രിയിലും മിശ്​രിഫിലെ ഫീൽഡ്​ ആശുപത്രിയിലുമാണ്​ ചികിത്സിക്കുന്നത്​. ആഗോള തലത്തിൽ താരതമ്യം ചെയ്യു​േമ്പാൾ ഇപ്പോഴും കുവൈത്തിൽ കോവിഡ്​ മരണ നിരക്ക്​ കുറവാണ്​.

സാമൂഹിക അകലം പാലിക്കണമെന്നും മാസ്​ക്​ ധരിക്കണമെന്നുമുള്ള ആരോഗ്യ മന്ത്രാലയത്തി​െൻറ മാർഗനിർദേശം പാലിക്കുന്നതിൽ വരുത്തുന്ന വീഴ്​ചയാണ്​കോവിഡ്​ വ്യാപനത്തിന്​ ഇടയാക്കുന്നതെന്ന്​ അധികൃതർ മുന്നറിയിപ്പ്​ നൽകുന്നു. ജൂലൈ മുതൽ ആഗസ്​റ്റ്​ വരെ പുതിയ കേസുകളിൽ ഗണ്യമായ കുറവുണ്ടായിരുന്നു. എന്നാൽ സമീപ ദിവസങ്ങളിൽ കൂടി വരുന്നത്​ അധികൃതരെ ആശങ്കയിലാക്കുന്നുണ്ട്​.