തൽക്കാലം കർഫ്യൂ ഇല്ല; ആവശ്യ​മെങ്കിൽ പിന്നീട്​

കുവൈത്ത്​ സിറ്റി: കുവൈത്തിൽ തൽക്കാലം കർഫ്യൂ ഏർപ്പെടുത്തേണ്ടെന്ന്​ മന്ത്രിസഭ യോഗം തീരുമാനിച്ചു. രാജ്യത്തി​​​െൻറ ആരോഗ്യ വ്യവസ്ഥ സംരക്ഷിക്കാൻ അനിവാര്യമാവുന്ന ഘട്ടത്തിൽ പിന്നീട്​ തീരുമാനിക്കുമെന്നും മന്ത്രിസഭ തീരുമാനിച്ചു.

അതേസമയം, ഒത്തുചേരലുകൾ ഒഴിവാക്കണമെന്നും വൈറസ്​ പടരാതിരിക്കാൻ ആവശ്യമായ അകലം വ്യക്​തികൾ തമ്മിൽ പാലിക്കണമെന്നും മന്ത്രിസഭ പൊതുജനങ്ങളോട്​ അഭ്യർഥിച്ചു. നേരത്തെ കോവിഡ്​ പ്രതിരോധത്തിനായുള്ള സർക്കാർ മാർഗനിർദേശങ്ങൾ ജനങ്ങൾ ഗൗരവത്തിൽ എടുക്കാത്തതിനെ തുടർന്നാണ്​ രാജ്യവ്യാപക കർഫ്യൂ ഉൾപ്പെടെ സാധ്യതകൾ അധികൃതർ ആരാഞ്ഞത്​.

ഒത്തുചേരലുകൾ ഒഴിവാക്കാൻ പരിശോധന ശക്​തമാക്കാൻ തീരുമാനിച്ചു. മിശ്​രിഫ്​ എക്​സിബിൻ സ​​െൻററിൽ താൽക്കാലിക ആശുപത്രി നിർമിക്കാൻ പ്രതിരോധ മന്ത്രാലയത്തെ ചുമതലപ്പെടുത്തി.