രോഗമുക്​തരുടെ എണ്ണം വർധിക്കുന്നത്​ ആശ്വാസം

കുവൈത്ത്​ സിറ്റി: കുവൈത്തിൽ കോവിഡ്​ സ്ഥിരീകരിച്ച ശേഷം രോഗമുക്​തി നേടുന്നവരുടെ എണ്ണം വർധിക്കുന്നത്​ ആശ്വാ സം പകരുന്നു. ചൊവ്വാഴ്​ച 26 പേരും ബുധനാഴ്​ച 30 പേരും രോഗമുക്​തി നേടി. ഇ​തോടെ വൈറസ്​ സ്ഥിരീകരിച്ച ശേഷം രോഗമുക്​ തി നേടിയവർ 206 ആയി.

തൊട്ടുമുമ്പത്തെ ദിവസങ്ങളെ അപേക്ഷിച്ച്​ വൈറസ്​ സ്ഥിരീകരിക്കുന്നവരുടെ എണ്ണത്തിലും കുറവ ുണ്ട്​. ചൊവ്വാഴ്​ച 55 പേർക്കും ബുധനാഴ്​ച 50 പേർക്കുമാണ്​ കോവിഡ്​ സ്ഥിരീകരിച്ചത്​. എണ്ണം വർധിക്കുന്നുവെങ്കിൽ ഏതാനും ദിവസങ്ങളായി വർധനയുടെ തോതിൽ കുറവുണ്ട്​.

അതിനിടെ രണ്ട്​ ദിവസത്തിനിടെ രണ്ടുപേർ കോവിഡ്​ ബാധിച്ച്​ മരിച്ചത്​ നിരാശയായി. സ്വദേശി സ്​ത്രീയും പുരുഷനുമാണ്​ മരിച്ചത്​. നേരത്തെ ഒരു ഇന്ത്യക്കാരനും മരിച്ചിരുന്നു. പുതുതായി സ്ഥിരീകരിച്ചവരിൽ ഏതാനും പേർക്ക്​ ​വൈറസ്​ ബാധിച്ചത്​ ഏതുവഴിയാണെന്ന്​ കണ്ടെത്തിയിട്ടില്ലാത്തത്​ നേരിയ ആശങ്ക പകരുന്നുണ്ട്​.

എന്നാലും ഇറ്റലിയിലും അമേരിക്കയിലും സ്​പെയിനിലുമെല്ലാം നാലാം ആഴ്​ചയിൽ വൈറസ്​ ബാധിതരുടെ എണ്ണം കുതിച്ചുകയറിയപ്പോൾ കുവൈത്തിൽ ആ ഘട്ടത്തിൽ വലിയ കുതിപ്പില്ലാതെ പിടിച്ചുനിർത്താൻ കഴിഞ്ഞത്​ അധികൃതരുടെ ശക്​തമായ നിയ​ന്ത്രണങ്ങളുടെ ഫലമാണ്​. വരും ദിവസങ്ങളിൽ കൂടുതൽ പേർ രോഗമുക്​തി നേടുമെന്നാണ്​ പ്രതീക്ഷ.