ഗ്രാൻഡ്​ ഒാണസദ്യയും ഒാഫറുകളുമായി ഗ്രാൻഡ്​ ​ഹൈപ്പർ

കുവൈത്ത്​ സിറ്റി: ഒാണാഘോഷത്തെ വരവേൽക്കാൻ ഒരുക്കങ്ങളുമായി ഗ്രാൻഡ്​ ഹൈപ്പർ​. അവിയലും തോരനും പാലടയും പ്രഥമനും കാളനും ഒാലനുമടക്കം 20ലേറെ വിഭവങ്ങളുമായി ഒരുക്കുന്ന രുചികരമായ ഒാണസദ്യയാണ്​ ഏറ്റവും വലിയ ആകർഷണം. രണ്ടര ദീനാർ മാത്രമാണ്​ വില. വ്യാഴാഴ്​ച ഉച്ചക്ക്​ രണ്ടിന്​ മുമ്പ്​ ബുക്ക്​ ചെയ്​താൽ ശനിയാഴ്​ച രാവിലെ പത്തിനും ഉച്ചക്ക്​ രണ്ടിനുമിടയിൽ പാർസൽ കൊണ്ടുപോകാം. പാർസൽ മാത്രമേ അനുവദിക്കുന്നുള്ളൂ. സാരി, കുർത്ത, ദോത്തി, ചുരിദാറുകൾ തുടങ്ങിയ എത്​നിക്​ വസ്ത്രങ്ങള്‍ക്ക് 25 ശതമാനം ഫ്ലാറ്റ് ഡിസ്‌കൗണ്ടുണ്ട്. ഫാഷന്‍, പാദരക്ഷ എന്നിവയ്ക്ക് 1 മുതല്‍ 3 ദീനാർ വരെ വിലയിൽ ലഭിക്കും. ഇന്ത്യൻ പച്ചക്കറി ഉൽപന്നങ്ങൾ എല്ലാ ഗ്രാൻഡ്​ ഹൈപ്പർ സ്​റ്റോറുകളിലും​ വ്യാഴം, വെള്ളി, ശനി ദിവസങ്ങളിൽ 795 ഫിൽസ്​ വിലയിൽ ലഭിക്കും. പായസം ഉണ്ടാക്കാനാവശ്യമായ സാധനങ്ങളെല്ലാം ആകർഷമായ വിലയിൽ ലഭ്യമാണ്​. കേരളത്തനിമ​യും ഒാണാഘോഷവും അനുസ്​മരിക്കുന്ന വിധം കൗണ്ടറുകൾ ആകർഷകമായി അലങ്കരിച്ചിട്ടുണ്ട്​.

മലയാളികൾക്ക്​ മികച്ച ഷോപ്പിങ്​ അനുഭവം പകരാൻ ഇത്​ വഴിയൊരുക്കും. ഉൽപാദന കേന്ദ്രങ്ങളില്‍ ഇടനിലക്കാരില്ലാതെ നേരിട്ടെത്തിക്കുന്നതിനാൽ മായം ചേര്‍ക്കാത്തതും കലര്‍പ്പില്ലാതെയും ഗുണമേന്മയു​ള്ള ഭക്ഷ്യ വസ്​തുക്കൾ ഏറ്റവും വിലക്കുറവിൽ നൽകാൻ കഴിയുന്നുവെന്നും സുഗന്ധദ്രവ്യങ്ങളും സൗന്ദര്യ വര്‍ധക വസ്തുക്കളും കളിപ്പാട്ടങ്ങളും ചോക്കലേറ്റ് - ഡിലൈറ്റ്സ് ഉല്‍പന്നങ്ങളും ചേര്‍ന്ന് വമ്പന്‍ ശേഖരമാണ് ഉപഭോക്താക്കള്‍ക്കായി ഒരുക്കിയിട്ടുള്ളതെന്നും മാനേജ്​മെൻറ്​ അറിയിച്ചു.