ഇന്ത്യൻ അംബാസഡർ സിബി ജോർജ്​ ഒാൺ​കോസ്​റ്റ്​ സന്ദർശിച്ചു

കുവൈത്ത്​ സിറ്റി: കുവൈത്തിലെ ഇന്ത്യൻ അംബാസഡർ സിബി ജോർജ്​ കുവൈത്തിലെ മുൻനിര ഫാമിലി ഗ്രോസർ ആയ ഒാൺകോസ്​റ്റി​െൻറ ഒൗട്ട്​ലെറ്റ്​ സന്ദർശിച്ചു. ഒാൺകോസ്​റ്റ്​ മാനേജ്​മെൻറി​െൻറ ക്ഷണപ്രകാരം കുടുംബ സമേതം എത്തിയ അംബാസഡർ മാനേജ്​മെൻറുമായും ജീവനക്കാരുമായും സംവദിക്കുകയും ഉൽപന്നങ്ങൾ നടന്നുകാണുകയും ചെയ്​തു.
ചൊവ്വാഴ്​ച ഉച്ചക്ക്​ 12.20ന്​ ഖുറൈൻ ഒൗട്ട്​ലെറ്റിൽ എത്തിയ അംബാസഡറെ ചീഫ്​ ഒാപറേറ്റിങ്​ ഒാഫിസർ ഡോ. ടി.എ. രമേശി​െൻറ നേതൃത്വത്തിൽ സ്വാഗതം ചെയ്​തു. 50000 ചതുരശ്ര അടിയിൽ വിശാലമായി ഒരുക്കിയ ഒൗട്ട്​ലെറ്റിൽ ഇന്ത്യൻ ഉൽപന്നങ്ങളുടെ വിപുലമായ ശേഖരം ഉണ്ട്​. കുവൈത്ത്​ വിപണിയിൽ വൈവിധ്യമാർന്ന ഇന്ത്യൻ ഉൽപന്നങ്ങൾ കാണാൻ സാധിക്കുന്നതിൽ സന്തുഷ്​ടി പ്രകടിപ്പിച്ച അംബാസഡർ അതിന്​ അവസരമൊരുക്കുന്ന ഒാൺകോസ്​റ്റ്​ പോലെയുള്ള സ്ഥാപനങ്ങളെ അഭിനന്ദിച്ചു. ഇഞ്ചി, വെളുത്തുള്ളി, മുളക്​ പോലെയുള്ള കേരളത്തിൽനിന്നുള്ള പച്ചക്കറികളും ഉൾപ്പെടെ ഇന്ത്യൻ ഭക്ഷ്യ ഉൽപന്നങ്ങൾ ഫ്രഷായി ലഭ്യമാവുന്നത്​ മലയാളി കൂടിയായ അംബാസഡറെ ആകർഷിച്ചു.
ഉന്നത ഗുണനിലവാരമുള്ള ഭക്ഷ്യവസ്​തുക്കളും വീട്ടുസാധനങ്ങളും കുറഞ്ഞ വിലയിൽ ലഭിക്കുന്നതോടൊപ്പം ആസ്വാദ്യകരമായ ഷോപ്പിങ്​ അനുഭവവും ആണ്​ ഒാൺകോസ്​റ്റ്​ വാഗ്​ദാനം ചെയ്യുന്നതെന്ന് ഒാൺകോസ്​റ്റ്​​ മാനേജ്​മെൻറ്​ അറിയിച്ചു. ഒാപറേഷൻ മാനേജർ നിതീഷ്​, ഇംപോർട്ട്​ മാനേജർ അലി, ഏരിയ മാനേജർമാരായ ഉമേഷ്​ പൂജാരി, ഖാലിദ്​, മാർക്കറ്റിങ്​ മാനേജർ മുഹമ്മദ്​ റാഫി തുടങ്ങിയവർ അംബാസഡറെ അനുഗമിച്ചു.