'അതിജീവനത്തി​െൻറ ഹിജ്‌റ' കെ.ഐ.ജി ഫർവാനിയ ഏരിയ പഠന സംഗമം

കുവൈത്ത് സിറ്റി: കെ.ഐ.ജി ഫർവാനിയ ഏരിയ 'അതിജീവനത്തി​െൻറ ഹിജ്‌റ' തലക്കെട്ടിൽ പഠന സംഗമം നടത്തി. ഹിജ്‌റ എന്നത് പെട്ടെന്നുണ്ടായ യാത്ര അല്ലഎന്നും മറിച്ച്​ വ്യക്തമായ പ്ലാനും ആസൂത്രണവും നടത്തിയ ശേഷം പ്രവാചകൻ മുഹമ്മദ് നടത്തിയ യാത്രയാണെന്നും പ്രമുഖ പണ്ഡിതനും പ്രഭാഷകനുമായപി.കെ. ജമാൽ അഭിപ്രായപ്പെട്ടു. ഇസ്‌ലാമി​െൻറ അതിജീവനത്തിന്​ മുതൽക്കൂട്ടായി മാറിയത് ഈ ആസൂത്രണത്തോടെയുള്ള യാത്രയാണെന്നും അദ്ദേഹംസൂചിപ്പിച്ചു. കൃത്യമായ ആസൂത്രണം എല്ലാ കാര്യത്തിലും വേണമെന്ന പാഠം ഹിജ്‌റ നമ്മെ പഠിപ്പിക്കുന്നതായും അദ്ദേഹം കൂട്ടിച്ചേർത്തു. ഏരിയ പ്രസിഡൻറ്​സി.പി. നൈസാം അധ്യക്ഷത വഹിച്ചു. സെക്രട്ടറി ഷാനവാസ് സ്വാഗതം പറഞ്ഞു. അയ്മൻ അഫ്‌സൽ ഖുർആൻ പാരായണം നടത്തി. ഒാൺലൈനായി നടത്തിയപഠന സംഗമത്തിൽ പങ്കെടുത്തവരുടെ സംശയങ്ങൾക്കും ചോദ്യങ്ങൾക്കും പി.കെ. ജമാൽ ഉത്തരം നൽകി. പ്രോഗ്രാം കൺവീനർ സി.കെ. നജീബ് പ്രാർഥനയുംഉദ്ബോധനവും നിർവഹിച്ചു.