ക്ഷമയും ആത്​മവിശ്വാസവും കൈവിടരുത്​ -കുവൈത്ത്​ അമീർ

കുവൈത്ത്​ സിറ്റി: രാജ്യം വലിയ പ്രതിസന്ധിയിലൂടെ കടന്നുപോവുന്ന ഘട്ടത്തിൽ ജനങ്ങൾ ക്ഷമയും ആത്​മവിശ്വാസവും കൈവിടരുതെന്ന്​ കുവൈത്ത്​ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹ്​ പറഞ്ഞു. ഞായറാഴ്​ച രാത്രി ഏഴിന്​ രാജ്യത്തെ അഭിസംബോധന ചെയ്യുകയായിരുന്നു അദ്ദേഹം.

ഒരുമയും ​െഎക്യദാർഢ്യവും ത്യാഗവും കൈമുതലാക്കി കുവൈത്ത്​ ഇൗ പ്രതിസന്ധിയെ അതിജയിക്കുക തന്നെ ​ചെയ്യും. മഹാമാരിയായി വൈറസ്​ പടർന്നു പിടിക്കുന്ന സാഹചര്യമാണിത്​. ജനങ്ങളുടെ ജീവൻ രക്ഷിക്കുക എന്നതാണ്​ പ്രധാനം. നിലവിലെ സാഹചര്യം സാമൂഹിക, സാമ്പത്തിക, വി​ദ്യാഭ്യാസ മേഖലയിൽ സൃഷ്​ടിക്കുന്ന പ്രത്യാഘാതങ്ങൾ മുൻകൂട്ടിക്കണ്ട്​ പ്രവർത്തിക്കേണ്ടത്​ അനിവാര്യമാണ്​. വൈറസ്​ പ്രതിരോധ പ്രവർത്തനങ്ങളിൽ രാജ്യം സ്വീകരിച്ച നടപടികളിൽ അഭിമാനമുണ്ട്​. ഇത്​ ജനങ്ങൾ ​െഎക്യദാർഡ്യം പ്രകടിപ്പിക്കേണ്ട സാഹചര്യമാണ്​. ലോകമാകെ രണ്ട്​ ലക്ഷത്തിലധികം പേർ വൈറസ്​ ബാധിതരായി. നിർഭാഗ്യവശാൽ കുവൈത്തിനും ഇതിൽനിന്ന്​ മുക്​തമാവാൻ കഴിഞ്ഞില്ല. രാജ്യം വലിയ പ്രതിസന്ധിയിലൂടെ കടന്നുപോവുന്ന ഘട്ടത്തിൽ പാർലമ​െൻറും സർക്കാറും ഒരുമയോടെ പ്രവർത്തിക്കണമെന്ന്​ അമീർ ആവശ്യപ്പെട്ടു.

സ്വദേശികളും വിദേശികളുമായ മുഴുവൻ രാജ്യനിവാസികളുടെയും ആരോഗ്യ സംരക്ഷണത്തിന്​ ആവശ്യമായതെല്ലാം ചെയ്യാൻ അദ്ദേഹം സർക്കാറിനോട്​ ആവശ്യപ്പെട്ടു. വൈറസ്​ വ്യാപിക്കുന്നത്​ തടയാനുള്ള നടപടിക്രമങ്ങൾക്കിടെ ബുദ്ധിമുട്ട്​ അനുഭവിക്കുകയും സേവനം ചെയ്യുകയും ചെയ്​ത വ്യക്​തികൾക്കും സ്വ​കാര്യ മേഖലക്കും അമീർ നന്ദി അറിയിച്ചു. ആരോഗ്യ പ്രവർത്തകരുടെയും കഠിന പ്രയത്​നം നടത്തുന്ന ഉദ്യോഗസ്ഥരുടെയും സന്നദ്ധ പ്രവർത്തകരുടെയും സേവനത്തെ അമീർ പ്രകീർത്തിച്ചു. വിദേശത്തുള്ള കുവൈത്ത്​ പൗരന്മാരെയും വിദ്യാർഥികളെയും സുരക്ഷിതമായി എത്രയും പെ​െട്ടന്ന്​ തിരിച്ചെത്തിക്കാൻ നടപടി സ്വീകരിക്കണമെന്ന്​ അദ്ദേഹം വിദേശകാര്യ മന്ത്രാലയത്തോട്​ ആവശ്യപ്പെട്ടു.