കുവൈറ്റ് എപ്പിസ്‌കോപ്പൽ ചർച്ചസ് ഫെല്ലോഷിപ്പ് പുതിയ ഭാരവാഹികളെ തെരഞ്ഞെടുത്തു

കേരളത്തിൽ നിന്നുള്ള കുവൈറ്റിലെ എപ്പിസ്‌കോപ്പൽ സഭകളുടെ കൂട്ടായ്മയായ കെ.ഇ.സി.എഫ് (കുവൈറ്റ് എപ്പിസ്‌കോപ്പൽ ചർച്ചസ് ഫെല്ലോഷിപ്പ്) 2024-25 വർഷത്തെ വാർഷിക പൊതുയോഗം മെയ് 25ന് മംഗഫ് ബെഥേൽ ചാപ്പലിൽ നടന്നു. 2024-25 വർഷത്തെ റിപ്പോർട്ടും കണക്കും 2025 -26 വർഷത്തെ ബജറ്റും യോഗത്തിൽ അവതരിപ്പിക്കുകയും പാസാക്കുകയും ചെയ്തു.

പുതിയ ഭാരവാഹികളെ തെരഞ്ഞെടുത്തു. പ്രസിഡന്റ്: റവ. ബിനു ഏബ്രഹാം (സെന്റ് ജോൺസ് മാർത്തോമ ഇടവക), വൈസ് പ്രസിഡന്റുമാർ: റവ. സി. ഡി സാമുവേൽ (സെന്റ് മേരീസ് യാക്കോബായ ഇടവക), എബ്രഹാം പി. തോമസ്, സെക്രട്ടറി: ബാബു കോശി വാഴയിൽ, ട്രഷറർ: എബിൻ റ്റി. മാത്യു.

വിവിധ ഇടവകകളിൽ നിന്നുള്ള 17 പേർ അടങ്ങിയ വർക്കിങ് കമ്മറ്റിയെയും വാർഷിക പൊതുയോഗം തെരഞ്ഞെടുത്തു.