കുവൈത്തിൽ നിയന്ത്രണങ്ങൾ നീക്കുന്നതി​െൻറ നാലാംഘട്ടം ചൊവ്വാഴ്​ച മുതൽ

കുവൈത്ത്​ സിറ്റി: കുവൈത്തിൽ കോവിഡ്​ പ്രതിരോധത്തിനായി ഏർപ്പെടുത്തിയ നിയന്ത്രണങ്ങൾ നീക്കുന്നതി​െൻറ നാലാംഘട്ടം ചൊവ്വാഴ്​ച മുതൽ ആരംഭിക്കും. ബസ്​ സർവീസ്​ നിയന്ത്രണങ്ങളോടെ അനുവദിക്കുമെന്നതാണ്​ ഇൗ ഘട്ടത്തിലെ പ്രധാന ഇളവുകളിലൊന്ന്​. സ്​പോർട്​സ്​, ഹെൽത്​ ക്ലബുകൾ,സലൂണുകൾ, ​തയ്യൽക്കടകൾ, വർക്​ഷോപ്പുകൾ, പേഴ്​സനൽ കെയർ ഷോപ്പ്​ എന്നിവ തുറക്കാൻ അനുവദിക്കും. ആരോഗ്യ സുരക്ഷാ മാർഗനിർദേശങ്ങൾ കർശനമായി പാലിച്ച്​ നിയന്ത്രണങ്ങളോടെയാണ്​ ഇവ തുറക്കാൻ അനുവദിക്കുക. താപനില പരിശോധിക്കണം, സന്ദർശകർ മാസ്​കും കൈയുറയും ധരിക്കണം,ജോലിക്കാർ കൈയുറയും മാസ്​കും ധരിക്കുകയും ഒാരോ ഉപഭോക്​താവിനെയും സ്വീകരിച്ചതിന്​ ശേഷം കൈയുറ മാറ്റുകയും വേണം തുടങ്ങിയ മാർഗനിർദേശങ്ങൾ അധികൃതർ നൽകിയിട്ടുണ്ട്​. ഇത്​ പാലിക്കുന്നുവെന്ന്​ പരിശോധിക്കാൻ ഇടക്കിടെ ആരോഗ്യ മന്ത്രാലയം ഉദ്യോഗസ്ഥരുടെ സന്ദർശനമുണ്ടാവും.