ഇന്ത്യക്കാരുടെ തിരിച്ചുപോക്കിൽ ഭരണകൂടവുമായി ബന്ധപ്പെടുന്നു -അംബാസഡർ

കുവൈത്ത്​ സിറ്റി: ഇന്ത്യക്കാരുടെ തിരിച്ചുപോക്കിൽ ഭരണകൂടവുമായി ബന്ധപ്പെടുന്നുവെന്നും നാടണയാൻ ആഗ്രഹിക്കുന ്നവർക്ക്​ വൈകാതെ തിരിച്ചുപോവാൻ കഴിയുമെന്നും കുവൈത്തിലെ ഇന്ത്യൻ അംബാസഡർ കെ. ജീവസാഗർ പറഞ്ഞു.

‘നമ്മൾ വളരെ പ ്രയാസമേറിയ സാഹചര്യത്തിലൂടെയാണ്​ കടന്നുപോവുന്നത്​. നാം കൂടുതൽ ധൈര്യവും ക്ഷമയും കാണിക്കേണ്ട സന്ദർഭവും ഇതുതന ്നെയാണ്​. ഇന്ത്യൻ എംബസി നിങ്ങളോട്​ കൂടെയുണ്ട്​. നാം ഒരുമിച്ച്​ ഇൗ പ്രതിസന്ധി മറികടക്കുക തന്നെ ചെയ്യും. മാനുഷിക സേവനത്തിന്​ ഏറെ പ്രാധാന്യം നൽകുന്ന സുഹൃദ്​ രാജ്യത്തിലാണ്​ നാം ഉള്ളത്​ എന്നത്​ സന്തോഷകരമാണ്​. ഇന്ത്യക്കാരടക്കമുള്ള രാജ്യനിവാസികൾക്ക്​ നൽകുന്ന കരുതലിൽ കുവൈത്ത്​ ഭരണകൂടത്തിന്​ നന്ദി അറിയിക്കുകയാണ്​.

വൈറസ്​ വ്യാപനം തടയാൻ കുവൈത്ത്​ ശ്രദ്ധേയമായ നടപടികൾ സ്വീകരിച്ചിട്ടുണ്ട്​. കർഫ്യൂ, വീട്ടിലിരിക്കണമെന്ന ആവശ്യം തുടങ്ങി അധികൃതരുടെ മാർഗനിർദേശങ്ങൾ അനുസരിക്കണമെന്ന്​ ഞാൻ ആവശ്യപ്പെടുകയാണ്​. രോഗ സംശയ സാഹചര്യമുണ്ടെങ്കിൽ ഉടൻ അധികൃതരെ അറിയിക്കണം. ഒരുപാട്​ പേർ ജോലിയും വരുമാനവും നഷ്​ടപ്പെട്ട്​ പ്രയാസത്തിലാണ്​. അവരെ സഹായിക്കുന്ന വ്യക്​തികളെയും സംഘടനകളെയും സന്നദ്ധപ്രവർത്തകരെയും നന്ദി അറിയിക്കുകയാണ്​.

എംബസി വെബ്​സൈറ്റിൽ ഹെൽപ്​ലൈൻ നമ്പർ പ്രദർശിപ്പിച്ചിട്ടുണ്ട്​. സേവനരംഗത്തുള്ള ഡോക്​ടർമാർക്കും ആരോഗ്യ പ്രവർത്തകർക്കും നന്ദി അറിയിക്കുന്നു. പൊതുമാപ്പ്​ പ്രയോജനപ്പെടുത്തുന്നവരും സന്ദർശക വിസയിലെത്തിയവരും ജോലി നഷ്​ടമായവരും ചികിത്സ ഉൾപ്പെടെ മറ്റു ആവശ്യങ്ങൾക്ക് അടിയന്തരമായി​ നാട്ടിലെത്തേണ്ടവരുമായ ആയിരങ്ങൾ തിരിച്ചു​ പോവാൻ ആഗ്രഹിക്കുന്നുവെന്ന കാര്യം എംബസിക്ക്​ ബോധ്യമുള്ളതാണ്​. ഇൗ വിഷയത്തിൽ കുവൈത്ത്​ ഭരണകൂടവുമായും ഇന്ത്യൻ ഭരണകൂടവുമായും എംബസി ബന്ധപ്പെടുന്നുണ്ട്​. തിരിച്ചുകൊണ്ടുപോവൽ ശരിയായ സമയത്ത്​ സുഗമമായി നടക്കും.

അത്​ നമ്മുടെ എല്ലാവരുടെയും താൽപര്യമാണ്’​. അംബാസഡർ പറഞ്ഞു. സ്ഥിതി മനസ്സിലാക്കണമെന്നും ക്ഷമിക്കണമെന്നും ആവശ്യപ്പെടുകയാണ്​. നിങ്ങളുടെയും കുടുംബത്തി​​െൻറയും ആരോഗ്യ സംരക്ഷണമാണ്​ മുഖ്യമെന്നും അദ്ദേഹം കൂട്ടിച്ചേർത്തു.