ഫ​ല​സ്തീ​ൻ രാ​ഷ്ട്ര​ത്തി​ന് അം​ഗീ​കാ​രം; പോ​ർ​ചു​ഗ​ൽ തീ​രു​മാ​നം സ്വാ​ഗ​തം ചെ​യ്ത് കു​വൈ​ത്ത്

കു​വൈ​ത്ത് സി​റ്റി: ഫ​ല​സ്തീ​ൻ രാ​ഷ്ട്ര​ത്തെ ഔ​ദ്യോ​ഗി​ക​മാ​യി അം​ഗീ​ക​രി​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ ആ​രം​ഭി​ക്കാ​നു​ള്ള പോ​ർ​ചു​ഗ​ലി​ന്റെ തീ​രു​മാ​ന​ത്തെ കു​വൈ​ത്ത് സ്വാ​ഗ​തം ചെ​യ്തു. യു.​എ​ൻ ര​ക്ഷ സ​മി​തി (യു.​എ​ൻ.‌​എ​സ്.‌​സി) പ്ര​മേ​യ​ങ്ങ​ളും അ​റ​ബ് സ​മാ​ധാ​ന സം​രം​ഭ​വും കൈ​വ​രി​ക്കു​ന്ന​തി​ന് സം​ഭാ​വ​ന ചെ​യ്യു​ന്ന​താ​ണ് പോ​ർ​ചു​ഗ​ലി​ന്റെ സു​പ്ര​ധാ​ന ന​ട​പ​ടി. ഇ​തി​നെ പ്ര​ശം​സി​ക്കു​ന്ന​താ​യും കു​വൈ​ത്ത് വി​ദേ​ശ​കാ​ര്യ മ​ന്ത്രാ​ല​യം പ്ര​സ്താ​വ​ന​യി​ൽ വ്യ​ക്ത​മാ​ക്കി.

1967 ലെ ​അ​തി​ർ​ത്തി​യി​ൽ കി​ഴ​ക്ക​ൻ ജ​റു​സ​ലം ത​ല​സ്ഥാ​ന​മാ​ക്കി ഫ​ല​സ്തീ​ൻ ജ​ന​ത​ക്ക് സ്വ​യം നി​ർ​ണ​യാ​വ​കാ​ശം നേ​ടാ​നും സ്വ​ന്തം രാ​ഷ്ട്രം സ്ഥാ​പി​ക്കാ​നും പോ​ർ​ചു​ഗ​ലി​ന്റെ തീ​രു​മാ​നം സ​ഹാ​യി​ക്കും. ഫ​ല​സ്തീ​ൻ വി​ഷ​യ​ത്തി​ൽ നീ​തി​യു​ക്ത​വും സ​മ​ഗ്ര​വു​മാ​യ പ​രി​ഹാ​രം ക​ണ്ടെ​ത്താ​ൻ മ​റ്റു രാ​ജ്യ​ങ്ങ​ളും സ​മാ​ന​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും കു​വൈ​ത്ത് മ​ന്ത്രാ​ല​യം വി​ദേ​ശ​കാ​ര്യ മ​ന്ത്രാ​ല​യം ആ​വ​ശ്യ​പ്പെ​ട്ടു.

ഫ​ല​സ്തീ​ൻ രാ​ഷ്ട്ര​ത്തി​ന് വി​വി​ധ പാ​ശ്ചാ​ത്യ രാ​ജ്യ​ങ്ങ​ളി​ൽ പി​ന്തു​ണ വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ലാ​ണ് പോ​ർ​ചു​ഗ​ലി​ന്റെ തീ​രു​മാ​നം. ബ്രി​ട്ട​നും ഫ്രാ​ൻ​സും കാ​ന​ഡ​യും മാ​ൾ​ട്ട​യും ഫ​ല​സ്തീ​നെ രാ​ഷ്ട്ര​മാ​യി അം​ഗീ​ക​രി​ക്കു​മെ​ന്ന് ക​ഴി​ഞ്ഞ ദി​വ​സ​ങ്ങ​ളി​ൽ വ്യ​ക്ത​മാ​ക്കി​യി​രു​ന്നു. 2012 മു​ത​ൽ യു.​എ​ന്നി​ലെ നി​രീ​ക്ഷ​ക രാ​ഷ്ട്ര​മാ​യി ഫ​ല​സ്തീ​ൻ അം​ഗീ​ക​രി​ക്ക​പ്പെ​ട്ടി​ട്ടു​ണ്ട്. എ​ന്നാ​ൽ അ​മേ​രി​ക്ക, ആ​സ്ട്രേ​ലി​യ, ജ​ർ​മ​നി, ഇ​റ്റ​ലി, ജ​പ്പാ​ൻ ദ​ക്ഷി​ണ കൊ​റി​യ തു​ട​ങ്ങി​യ നി​ര​വ​ധി രാ​ഷ്ട്ര​ങ്ങ​ൾ ഫ​ല​സ്തീ​നെ രാ​ഷ്ട്ര​മാ​യി അം​ഗീ​ക​രി​ച്ചി​ട്ടി​ല്ല.