മടക്കയാത്ര: ആദ്യ പരിഗണന ഗർഭിണികൾക്ക്​

കുവൈത്ത്​ സിറ്റി: പ്രവാസികളെ തിരിച്ചെത്തിക്കുന്നതിൽ ആദ്യ പരിഗണന ഗർഭിണികൾക്ക്​. തുടർന്ന്​ അർബുദ രോഗികൾക്കും പിന്നീട്​ കുവൈത്തിൽ ചികിത്സ ലഭ്യമല്ലെന്ന്​ സാക്ഷ്യപത്രമുള്ള രോഗികൾക്കുമാണ്​ മുൻഗണന. 

എംബസിയിൽ രജിസ്​റ്റർ ചെയ്​തവർക്ക്​ ഫോൺ കാൾ വരികയും യാത്രവിവരങ്ങൾ പിന്നീട്​ അറിയിക്കാമെന്ന്​ പറയുകയും ചെയ്​തിട്ടുണ്ട്​. വാട്​സാപ്​ ഗ്രൂപ്പ്​ രൂപവത്​കരിച്ചിട്ടുമുണ്ട്​. പിന്നീട്​ അപ്​ഡേഷൻ ഒന്നുമില്ലാത്തതിനാൽ തിരികെയാത്രക്ക്​ രജിസ്​റ്റർ ചെയ്​തവർ ആശങ്കയിലാണ്​. 

വിമാന ടിക്കറ്റ്​ എവിടെ കിട്ടും, മറ്റു നടപടിക്രമങ്ങൾ എന്തെല്ലാമാണ്​ എന്നത്​ സംബന്ധിച്ച്​ ഒൗദ്യോഗികമായി അറിയിപ്പ്​ ലഭിച്ചിട്ടില്ല. വെള്ളിയാഴ്​ചയാണ്​ കുവൈത്തിൽനിന്നുള്ള ആദ്യവിമാനം പുറപ്പെടുന്നത്​.