ഗാർഹികത്തൊഴിലാളികൾക്കും സ്മാർട്ട് സിവിൽ ​െഎഡി കാർഡ്​

കുവൈത്ത്​ സിറ്റി: കുവൈത്തിൽ ഗാർഹികത്തൊഴിലാളികൾക്കും സ്മാർട്ട് ചിപ്പ് ഘടിപ്പിച്ച സിവിൽ ഐഡി കാർഡുകൾ നൽകിത്തുടങ്ങി. ഇതിനോടനുബന്ധിച്ച്​ സിവിൽ ഐഡി ഫീസ് രണ്ടു ദീനാർ ആയിരുന്നത് അഞ്ചു ദീനാർ ആയി വർധിപ്പിച്ചിട്ടുമുണ്ട്. രാജ്യത്തെ സ്വദേശികൾക്കും ഗാർഹിക ജോലിക്കാർ അല്ലാത്ത വിദേശികൾക്കും നൽകി വന്നിരുന്ന ഇലക്ട്രോണിക് ചിപ്പ് ഘടിപ്പിച്ച സിവിൽ ഐഡി കഴിഞ്ഞ ദിവസം മുതലാണ് ഗാർഹിക മേഖലയിലെ തൊഴിലാളികൾക്കും ബാധകമാക്കിയത്. പുതുതായി ഇഷ്യു ചെയ്യുന്ന സിവിൽ ഐഡികളിൽ ആണ് സ്മാർട്ട് ചിപ്പ് ഉൾപ്പെടുത്തിയത്. നിലവിലെ കാർഡി​െൻറ കാലാവധി കഴിയുന്ന മുറക്കായിരിക്കും ഓരോരുത്തർക്കും സ്മാർട്ട് കാർഡ് അനുവദിക്കുക. ഇതിനായി ഇടക്കാലത്ത് പ്രത്യേക അപേക്ഷ നൽകേണ്ടതില്ലെന്നും ഇഖാമ പുതുക്കുന്നതോടെ സ്വമേധയാ സ്മാർട്ട് സിവിൽ ഐഡിയിലേക്ക് അപ്ഗ്രേഡ് ആകുമെന്ന്​ സിവിൽ ഇൻഫർമേഷൻ അതോറിറ്റി അറിയിച്ചു.