ചൈ​ന​യു​മാ​യി ഒ​പ്പു​വെച്ച ക​രാ​റു​ക​ൾ മ​ന്ത്രി​ത​ല സ​മി​തി വി​ല​യി​രു​ത്തി

കു​വൈ​ത്ത് സി​റ്റി: ചൈ​ന​യു​മാ​യി ഒ​പ്പു​വെ​ച്ച ക​രാ​റു​ക​ളു​ടെ​യും ധാ​ര​ണ​പ​ത്ര​ങ്ങ​ളു​ടെ​യും (എം.​ഒ.​യു) തു​ട​ർ​ന​ട​പ​ടി​ക​ൾ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് അ​ബ്ദു​ല്ല അ​ൽ അ​ഹ​്മദ് അ​സ്സ​ബാ​ഹി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന മ​ന്ത്രി​ത​ല സ​മി​തി യോ​ഗ​ത്തി​ൽ വി​ല​യി​രു​ത്തി. മു​ബാ​റ​ക് അ​ൽ ക​ബീ​ർ തു​റ​മു​ഖ പ​ദ്ധ​തി, പു​ന​രു​പ​യോ​ഗ ഊ​ർ​ജ വി​ക​സ​നം, ഭ​വ​ന നി​ർ​മാ​ണം, മ​ലി​ന​ജ​ല സം​സ്ക​ര​ണ പ്ലാ​ന്റു​ക​ൾ​ക്കു​ള്ള പാ​രി​സ്ഥി​തി​ക അ​ടി​സ്ഥാ​ന സൗ​ക​ര്യ​ങ്ങ​ൾ, പ​രി​സ്ഥി​തി സൗ​ഹൃ​ദ പു​ന​രു​പ​യോ​ഗം, മ​രു​ഭൂ​മീ​ക​ര​ണ​ത്തെ ചെ​റു​ക്കു​ന്ന​തി​നു​ള്ള സ​ഹ​ക​ര​ണം, സു​സ്ഥി​ര കൃ​ഷി തു​ട​ങ്ങി​യ സം​യു​ക്ത കു​വൈ​ത്ത്-​ചൈ​ന സം​രം​ഭ​ങ്ങ​ളു​ടെ പു​രോ​ഗ​തി യോ​ഗം ച​ർ​ച്ച ചെ​യ്തു.

ഏ​ഷ്യ​ൻ കാ​ര്യ​ങ്ങ​ളു​ടെ അ​സി​സ്റ്റ​ന്റ് വി​ദേ​ശ​കാ​ര്യ മ​ന്ത്രി​യും ക​മ്മി​റ്റി റി​പ്പോ​ർ​ട്ട​റു​മാ​യ അം​ബാ​സ​ഡ​ർ സ​മീ​ഹ് ജൗ​ഹ​ർ ഹ​യാ​ത്ത് ക​രാ​റു​ക​ളു​ടെ​യും ധാ​ര​ണ​പ​ത്ര​ങ്ങ​ളു​ടെ​യും ന​ട​ത്തി​പ്പി​നെ​ക്കു​റി​ച്ച് വി​ശ​ദീ​ക​ര​ണം ന​ൽ​കി. വി​ദേ​ശ​കാ​ര്യ മ​ന്ത്രി അ​ബ്ദു​ല്ല അ​ൽ യ​ഹ്‍യ, മു​നി​സി​പ്പ​ൽ കാ​ര്യ, ഭ​വ​ന കാ​ര്യ സ​ഹ​മ​ന്ത്രി അ​ബ്ദു​ല്ല​ത്തീ​ഫ് അ​ൽ മി​ശാ​രി, വൈ​ദ്യു​തി, ജ​ലം, പു​ന​രു​പ​യോ​ഗ ഊ​ർ​ജ മ​ന്ത്രി ഡോ. ​സു​ബൈ​ഹ് അ​ൽ മു​ഖൈ​സീം, കു​വൈ​ത്ത് ഡ​യ​റ​ക്ട് ഇ​ൻ​വെ​സ്റ്റ്മെ​ന്റ് പ്ര​മോ​ഷ​ൻ അ​തോ​റി​റ്റി ഡ​യ​റ​ക്ട​ർ ജ​ന​റ​ൽ ശൈ​ഖ് ഡോ.​ മി​ശ്അ​ൽ ജാ​ബി​ർ അ​ൽ അ​ഹ്മ​ദ് അ​സ്സ​ബാ​ഹ്, പ്ര​ധാ​ന​മ​ന്ത്രി​യു​ടെ ദി​വാ​ൻ ആ​ക്ടിംങ് ഹെ​ഡ് ശൈ​ഖ് ഖാ​ലി​ദ് മു​ഹ​മ്മ​ദ് അ​ൽ ഖാ​ലി​ദ് അ​സ്സ​ബാ​ഹ്, ഫ​ത്‌​വ, നി​യ​മ​നി​ർ​മാ​ണ വ​കു​പ്പ് ത​ല​വ​ൻ കൗ​ൺ​സി​ല​ർ സ​ലാ​ഹ് അ​തീ​ഖ് അ​ൽ മ​ജീ​ദ് എ​ന്നി​വ​ർ യോ​ഗ​ത്തി​ൽ പ​ങ്കെ​ടു​ത്തു.