‘റാം​സ​ർ’ തി​ള​ക്ക​ത്തി​ൽ അ​ൽ വു​സ്ത ത​ണ്ണീ​ർ​ത്ത​ടം

മ​സ്ക​ത്ത്: രാ​ജ്യ​ത്തി​ന്റെ പാ​രി​സ്ഥി​തി​ക സം​ര​ക്ഷ​ണ ശ്ര​മ​ങ്ങ​ൾ​ക്ക് വീ​ണ്ടും അ​ന്താ​രാ​ഷ്ട്ര അം​ഗീ​കാ​രം. അ​ൽ വു​സ്ത വെ​റ്റ്ലാ​ൻ​ഡ്സ് റി​സ​ർ​വി​ന് റാം​സ​ർ ക​ൺ​വെ​ൻ​ഷ​ന്റെ ‘അ​ന്താ​രാ​ഷ്ട്ര പ്രാ​ധാ​ന്യ​മു​ള്ള ത​ണ്ണീ​ർ​ത്ത​ടം’ എ​ന്ന അം​ഗീ​കാ​ര സ​ർ​ട്ടി​ഫി​ക്ക​റ്റ് ല​ഭി​ച്ച​താ​യി പ​രി​സ്ഥി​തി അ​തോ​റി​റ്റി അ​റി​യി​ച്ചു. സിം​ബാ​ബ് വെ​യി​ൽ ന​ട​ക്കു​ന്ന റാം​സ​ർ ക​ൺ​വെ​ൻ​ഷ​ൻ ക​ക്ഷി​ക​ളു​ടെ 15ാമ​ത് സ​മ്മേ​ള​ന​ത്തി​ന്റെ ഭാ​ഗ​മാ​യാ​ണ് ഈ ​പു​തി​യ അം​ഗീ​കാ​രം. ‘ന​മ്മു​ടെ പൊ​തു​വാ​യ ഭാ​വി​ക്കാ​യി ത​ണ്ണീ​ർ​ത്ത​ട​ങ്ങ​ളെ സം​ര​ക്ഷി​ക്കു​ക’ എ​ന്ന മു​ദ്രാ​വാ​ക്യ​ത്തി​ലാ​ണ് ഈ ​വ​ർ​ഷ​ത്തെ സ​മ്മേ​ള​നം ന​ട​ക്കു​ന്ന​ത്.

2013ൽ ​ഖു​റം നേ​ച്ച​ർ റി​സ​ർ​വി​നും 2020ൽ ​അ​ൽ അ​ൻ​സാ​ബ് വെ​റ്റ്ലാ​ൻ​ഡി​നും റാം​സ​ർ സൈ​റ്റ് പ​ദ​വി ല​ഭി​ച്ചി​രു​ന്നു. അ​ൽ വു​സ്ത വെ​റ്റ്ലാ​ൻ​ഡ്സ് റി​സ​ർ​വി​നു​ള്ള പു​തി​യ അം​ഗീ​കാ​രം, ജൈ​വ​വൈ​വി​ധ്യം സം​ര​ക്ഷി​ക്കു​ന്ന​തി​ലും അ​ന്താ​രാ​ഷ്ട്ര പ​രി​സ്ഥി​തി മാ​ന​ദ​ണ്ഡ​ങ്ങ​ൾ പാ​ലി​ക്കു​ന്ന​തി​ലും ഒ​മാ​ൻ ന​ട​ത്തു​ന്ന പ്ര​തി​ബ​ദ്ധ​ത​യു​ടെ പ്ര​തി​ഫ​ല​ന​മാ​ണെ​ന്ന് പ​രി​സ്ഥി​തി അ​തോ​റി​റ്റി പ്ര​സ്താ​വി​ച്ചു. ഏ​ക​ദേ​ശം 214 ദ​ശ​ല​ക്ഷം ഹെ​ക്ട​റി​ല​ധി​കം വി​സ്തൃ​തി​യു​ള്ള അ​ൽ വു​സ്ത റി​സ​ർ​വ്, പ്രാ​ദേ​ശി​ക​മാ​യും ആ​ഗോ​ള​ത​ല​ത്തി​ലും അ​പൂ​ർ​വ​മാ​യ ജൈ​വ​വൈ​വി​ധ്യ​ങ്ങ​ളാ​ൽ സ​മ്പ​ന്ന​മാ​യ ആ​വാ​സ​വ്യ​വ​സ്ഥ​ക​ളു​ടെ ക​ല​വ​റ​യാ​ണ്.

പ്ര​കൃ​തി​ദ​ത്ത​മാ​യ ദ്വീ​പു​ക​ൾ, ഉ​ൾ​ക്ക​ട​ലു​ക​ൾ, അ​രു​വി​ക​ൾ, തീ​ര​ദേ​ശ മ​ണ​ൽ​ക്കു​ന്നു​ക​ൾ, വ​ലി​യ മാ​ലി​ന്യ​നി​ക്ഷേ​പ സ്ഥ​ല​ങ്ങ​ൾ, ഉ​പ്പ് പാ​ട​ങ്ങ​ൾ, ച​ര​ൽ സ​മ​ത​ല​ങ്ങ​ൾ, കാ​ട്ടു​പു​ല്ലു​ക​ൾ എ​ന്നി​വ​യെ​ല്ലാം ഈ ​സം​ര​ക്ഷി​ത​മേ​ഖ​ല​യി​ലു​ണ്ട്. വേ​ലി​യേ​റ്റ പ​ദേ​ശ​ങ്ങ​ളി​ലെ ജൈ​വ​വൈ​വി​ധ്യ പ​ഠ​ന​ങ്ങ​ൾ​ക്കും സു​സ്ഥി​ര​മാ​യ ത​ണ്ണീ​ർ​ത്ത​ട ഉ​പ​യോ​ഗ​ത്തി​നും ഈ ​റി​സ​ർ​വ് ഒ​രു സ​വി​ശേ​ഷ​മാ​യ കേ​ന്ദ്ര​മാ​ണ്. അ​റേ​ബ്യ​ൻ ക​ട​ലി​ലെ കൂ​ന​ൻ തി​മിം​ഗ​ല​ങ്ങ​ൾ ഉ​ൾ​പ്പെ​ടെ​യു​ള്ള അ​പൂ​ർ​വ​യി​നം തി​മിം​ഗ​ല​ങ്ങ​ളും ഡോ​ൾ​ഫി​നു​ക​ളും ഉ​ൾ​പ്പെ​ടു​ന്ന വൈ​വി​ധ്യ​മാ​ർ​ന്ന സ​മു​ദ്ര​ജീ​വി​ക​ളും ഇ​വി​ടെ​യു​ണ്ട്.