കാഫ നാഷൻസ് കപ്പ്: സമനിലയോടെ തുടങ്ങി ഒമാൻ

മസ്കത്ത്: കാഫ നാഷൻസ് കപ്പ് ഫുട്‌ബാൾ ടൂർണമെന്റിൽ ഒമാൻ സമനിലയോടെ തുടങ്ങി.​ താഷ്‌കന്റ് നഗരത്തിലെ ഒളിംബിക് സ്റ്റേഡിയത്തിൽ നടന്ന കളിയിൽ ഉസ്ബക്കിസ്താനും ​ഒമാനും ഓരോവീതം ഗോൾ അടിച്ച് പിരിയുകയായിരുന്നു. ഇരുപകുതികളിലുമായാണ് ​​ഗോളുകൾ പിറന്നത്. നാലാം മിനിറ്റിൽ അൽഹവാഹിയു​ടെ വകയായിരുന്നു ഒമാന്റെ ഗോൾ. 55ാം മിനിറ്റിൽ ഖോജിമത് എർക്കിനോവിലടെ ആതിഥേയർ ഗോൾ ​മടക്കി.

കളിയു​ടെ വിസിൽ മുഴങ്ങിയതുമുതൽ മികച്ച മുന്നേറ്റമാണ് റെഡ് വാരിയേഴ്സ് നടത്തിയത്. സ്വന്തം കാണികൾക്ക് മുന്നിൽ നിലയുറപ്പിക്കും മുമ്പേ ആദ്യം ഗോൾ നേടി ഉസ്ബക്കിസ്തനെ ഒമാൻ ഞെട്ടിച്ചു. തിരിച്ചടിക്കാൻ കിണഞ്ഞ് പരിശ്രമി​ച്ചെങ്കിലും ഒമാന്റെ പ്രതിരോധത്തിൽ തട്ടി ലക്ഷ്യം കാണാതെ പോകുകയായിരുന്നു. രണ്ടാം പകുതിയിൽ കൊണ്ടുംകൊടുത്തുമായിരുന്നു ഇരുടീമുകളും മുന്നേറിയത്. ഒടുവിൽ 51ാം മിനിറ്റിൽ ഖോജിമത് എർക്കിനോവിലൂടെ സമനില ഗോൾ സ്വന്തമാക്കി. സെപ്റ്റംബർ രണ്ടിന് കിർഗിസ്ഥാനെതരെയാണ് ഒമാന്റെ അടുത്ത മത്സരം. അഞ്ചിന് തുർക്ക്‌മെനിസ്ഥാനെയും നേരിടും.